ابي ابكي من الضيقه و اعزف للهموم الحان

أبي ابكي من الضيقة وابعزف للهمـوم ألحـان
أبي اطلق مواويل الحـزن واطـرح دواوينـي

أبي أشكي أبي احكي ابوصف للبشـر حرمـان
أبيهم كلهـم يـدرون أبيهـم يشعـروا فينـي

اأبي لا من طرى اسمي بكى من لوعتي شيبـان
أبي لامن طرى"عاشق" ذكر من كـان يغلينـي

أبيهم يذكرون أنـي بدمعـي صرتنـا غرقـان
أبيهـم يعرفـون الهـم هوّ اللـي يخاويـنـي

أبي أصرخ وأبلغهم وأقول أن الفـرح خـوّان
يجي مرة معاي و هو بطـول العمـر ناسينـي

أبي اترك لهم قصة وأخيّرهـم علـى العنـوان
يسمّوا "حزن "يحطوا "دمع"أنا ما عـاد يعنينـي

أبي لامن وصل صوتي يحس بضيقتي إنسـان
أبي لامن نزف جرحي لقيـت اللـي يداوينـي

أبي شخص يجي يمـي و يقفـل للعنـا بيبـان
أبيه يكون لي خـلٍ علـى حزنـي يواسينـي

أبيه لمركبي مرسى وأبيـه لغربتـي أوطـان
أبي لامن ذرفـت الدمـع لينـه لـي يعزّينـي

أنا ما أبيه يصبح ضلع أبيه يكون لـي ضلعـان
أبي لا من مشيت وطحت حط يديه في يدينـي

إلامن خانني التعبير أبيـه يكـون لـي لسـان
أبي لامن سكتْ ألقاه .يفهم مـن نظـر عينـي

أبي لا من تعبت وضقت لمّ الروح بالأحضـان
أبيه يكون لـي كتـاب إذا ضاعـت عناوينـي

أبي أعشق وأبي أغـرم وببنـي للهوى بنيـان
أبيه يكون مبنى ضخم ويسكـن فيـه مغلينـي

أبي واحد ويسكن بي وابطرد لأجلـه السكّـان
أبي يسكن وسط قلبـي وعمـره مـا يخلينـي

أبي أشعل شموع الحب وبأعطي من الغلا بستان
أبـي أهديـه باقـة ورد ..مسقيهـا شرايينـي

ارق التحايا

أبي أشعل شموع الحب وبأعطي من الغلا بستان
أبـي أهديـه باقـة ورد ..مسقيهـا شرايينـي

الله الله انتقاء جميل يالغاليه
لاهنتي والله وصح لسانك ولسان شاعرها

يعطيك العافيه على روعه الطرح

سلمت يمنآكـ على مآحملته لنآ
موضوع عآلي بذوقه رفيع بشآنه
كلمآت كآنت وسوف تزآل بآلقلب
يعطيكـ الـعـآآفيه

http://files2.fatakat.com/2011/2/12966788671681.gif

تسلميين غلاتي
على روووعه الكلمات رغم الألم
الذي يحتويها ننتظر الجديد

بسومة

انْتِقَآءٍ مُمَيَّزّ
صَحَّ لِسَآنَ قَآِئِلُهَا
وَسُلِّمَتِ عَ الْنَقَلَ