آآآآآآآآآه

آه مــن ضيـقـه بقلـبـن زايــده فـيـه الهـمـوم
والـجـروح الــي بوسـطـه وصلـتـه لمنـتـهـاه

غارقـن فـي بحـر حزنـه ولاقـدر حتـى يـعـوم
انهكـه فرقـى وليـفـه واشـعـل الـنـار بحـشـاه

اظلمت دنياي بعـده واحجبـت شمسـي الغيـوم
وابتدا مشـوار جرحـي وانتهـى عمـري معـاه

ياحبيـبـي لـيــه تـبـعـد مـــا توقـعـتـك ظـلــوم
كيف تذبح من يحبك وانت لـه روحـه وهـواه

قسوتك هـذي جديـده وانـا خبـري بـك رحـوم
ميـن غيـر طبـع قلبـك مـيـن علـمـك القـسـاه

ودي افهم وش جرالك وش سبب هذا الوجوم
قـلــي تـكـفـى لاتـخـبـي لاتــزيــد الـقـلــب آه

ضاق فيني الكون كله وضاق بي حتى الهدوم
وامتحني القلب يسـال عـن رفيقـه الـي نسـاه

كم دعيت الـرب مبطـي ياعسـى وصلـه يـدوم
كــان احسـاسـي يقـلـي قـربـت حــزة جـفــاه

لاهتنيـت الـزاد بعـده ولااهتنـت عينـي بـنـوم
تايـهـن قلـبـي بـدونـه والـفـكـر تـــاه بـمــداه

ياطيور الورق روحي وهاتي من خلي العلـوم
قولـي ان الــي يحـبـك زاد مــن بـعـدك بــلاه

سامـح الله قلـب خلـي منـه انـا ذقـت السمـوم
صـده الـي عـل قلـبـي والـوصـل وحــده دواه

يالله يامـعـبـود مـالــي غـيــرك بـهـمـي اروم
تجبـر الخفـاق يـالـي ماعـشـق واحــد ســواه