أيــقــن الــشــف مــنـي

ياهوى ساقني للحب جبروغصيبه=بعد ماراح وأقفا عادني واستعادي
ساق رغبة خفوقي لين وافق نصيبه=في مساحات مفتوحه عرضلي مرادي
شرب قلبي روى من درحالي حليبه=وأعلنت غايتي للشوق صافي ودادي
ماأكتشف ظن بالي حال منهم يهيبه=وإحتمل بالخفاحبي وبالروح قادي
جيتهم في مكان غاب عنا رقيبه=وإنقضا كل وقتي عند خلي عيادي
قلبي اللي حداني يوم وده رضيبه=ظنتي في هوى بالي إبحسب إعتقادي
بعد ضيق الفضا صارت عليه رحيبه=وأيقن الشف مني واستقرإعتمادي
روحي المغرمه من يوم تعشق لبيبه=فاطن الظن للعشره وصاحي إفوادي
ياسلامي على اللي يوم زاره حبيبه=فك باب النوايا دون سوم ومزادي
حارسرحي مديده في حراوي عزيبه=فارق القلب مني واعتلقهم وكادي
كل ماأبعد غرامي حب خلي قريبه=سهلولي طريق قبل ذلك سنادي
دونهم حال أبوعجرم ومنا القليبه=كيف أسوي إبنفس كل لحظه إتنادي
بعد منهوتود النفس هم وغليبه=دونهم ريد واحداد قفاله إحدادي
مادخل شك في خلي ولا فيه ريبه=ميروجدي تزايد والغلا فيه زادي
أستحي من كلامي نوب وأخشا حسيبه=ماأعتمدت القصايد للغا والعنادي
باب حب البني مفتوح قفله إرميبه=ماكتب وقف عشقي مايتعدا البلادي
أمس غنيت والليله قصيدي وأجيبه=وأقنع البيت عني للحبيب إينادي
نادت أبيات قافي وإنزعجلك عريبه=ليت ياصلك يالمجمول صوت المنادي
ويش يازين لوتأخذ عليه ضريبه=أكثرالمال يذهب صاحبه ماأستفادي
ولع الجوف وأشعل كل حالي لهيبه=طفوا النارعني قبل ماأصبح رمادي
ياهناي وشقايه حال حالي عصيبه=مقعدي في إبلادي بين حروبرادي
أنتحب وأشتكي والروح راحت سليبه=ردها لاتقف عني إبصف الحيادي
ياجميل الوفا بيت الضمايرخريبه=كل ماقلت همي راح عود وعادي
لازم أرحل وأسافرللبلاد الغريبه=لأجل من كان لأمثاله زعيم قيادي
حبكم سيل يشكنه مجاري شعيبه=سال سيلك وقلبي صارللسيل وادي
أنت درة بحرماكل غوص يجيبه=وأنت شامة جمال بالحضروالبوادي
ياقمرفي سما شفي وأنا مكتفيبه=بك تغنت إلحوني لك بالأعماق شادي
رغبتي تلتهبلك وأرسلتلك نجيبه=مع بريد الهواتف لك رسايل إجدادي
لأجل نجلا عن الأجوا غيوم كئيبه=نرصد الجو لأجل إنعيش في جو هادي
شعر بأشواق مابه ياغناتي معيبه=فيه أسابق وأسابق فوق صهوة جوادي
ودي آخذ غلاك بكل ذوق أرتهيبه=فوق عالي قراه أركب إبعالي إشدادي
يابشرفيك من يوسف جمالك وهيبه=تعب قول القصايد فيك وأتعب مدادي
أكتفي ياهوى سقت المعاني غصيبه=دام لرحت ترجعلي غلا مستعادي

قصيده رائعه وتحمل معاني كثيره

والابداع مو غريب على شاعر مثلك وننتظرقصائدك

الرائعه والراقيه

صح لسانك ياناصر وامتعتني في كل شي

شاعر متمكن وشهادتي فك مجروحه

النص ماعليه كلام

واعجبني الوصف والغزل العفيف فيه
يابشرفيك من يوسف جمالك وهيبه=تعب قول القصايد فيك وأتعب مدادي


وقلبك اخضر يالجابر

قصيده قمه في الجمال

تكتب بماء الذهب لروووعتها

صح لسانك وتعلا شانك على هكذا ابداع

تسلم شاعرنا الكبير وفي انتظار بوحك القادم بكل شوق

سلمت يالغلا
كلمآت تحلق بالأفق
لتعآنق النجوم .. فتضيء سمآء الحرف
قصيده رائعه ومميزه
تقبل مروري واعجآبي بحروفك
كانت هنا
بسمة جروح

[align=CENTER][table1="width:70%;background-color:black;"][cell="filter:;"][align=center]

ابيـات أقل مـايقـال عنهـا أنهـا
سحـابه من الأبداع
لا أجد الحروف الكافية لاسطر بها الشكر والثناء على ماقرأته
كل ما أستطيع عمله هو الصمت والتأمل
فـ لغة التلعثم نجيدها حينما ننعم بنسائم احرفك‏
دام نبض قلبك ودر روائعك

[/align][/cell][/table1][/align]

دمت بألف خير
كل الشكر والامتنان على طرحكـ
يعطيك الف عااافيه
بانتظار جديدك
تحياتي

تفوح عطراً رقيقاً تلك الأحرف
رائع عزف قلم قلبك
ودم حبره يسكب عطره المنثور
ومازلنا نحن ثملون بترنيمة حروفك يا سيدي
فبوحك شفيف يخترق القلوب بلا استئذان
لقلبك ود وورد

أحرفْ نقيِةُ..امَتَزجْت بِعَطر الجُوريِ
وَمشَاعر صَيغت ب صَدق ..
لكِ جل احترامي