لاتحسبين العرس توفـي وكتكـات

لاتحسبين العرس توفـي وكتكـات ولا تحسبينه توكـس والا باونتـي
ولا تحسبين العرس كيكة وطرطات وصلة قطعتيهـا ووصلـة أكلتـي


ولاتحسبين العرس تصفيق واصوات وانتي على صوت الغطاريف همتي
ولاتحسبين العرس كوشة ولمبـات وانتي كما الطاووس فيها جلستـي


ولاتحسبين العرس احلام في الشات يامـا بنيتيهـا ويـامـا هدمـتـي
ولا تحسبين العرس روحة وجيـات هيا اقضبي بيتك عسـى مانهبلتـي


ليلة سعيدة وانتي أحلى الجميـلات تشخص عيون الناس اذا حضرتـي
(واللاينر)حطيـه بـلا زيــادات لا يخـرب المكيـاج اذا دمعـتـي


(والمسكرة)تحتاج لطف ومـدارات حتى يبـان الزيـن اذا غمضتـي
(والاسبريه )رشيه حتى البصيلات يمسك شعرك زين ولو كان زدتـي


وترى(المحدد)فن يحتـاج رسمـات يبـان رسمـه زيـن اذا ابتسمتـي
ترا العرس يابنية ماهـو شعـارات تفنـى مراسيمـه وتبقيـن انـتـي


ويبقى شريك العمر راعي الطويلات هذا هو العرس الحقيقـي عرفتـي؟
اول نصيحة لك حفـظ الصلـوات صلي العشا والفجر في كل وقتـي


وفي ليلة العرس الموفـق وبالـذات ادعـي الكريـم الله اذاسجـدتـي
والعاري لاترضين عند الكوفيـرات ولبسـك يملـي العيـن اذا لبستـي


واللي على زوجك تحرضك مرات ارجـوك شوتيهـا شوتـت بلنتـي
والصبر في العشرة حتى على فتات ياماحلا فعلتـك يومـك صبرتـي


واذا حفظتي السر مـع المـدارات زوجك ترى في عيونه انتي كبـرتي
والسوق يعني هاه وقت الضرورات والاتـرى زوجـك يـدور لمفتـي


زيدي الغطاية وكثري في العبايـات والله يرضـى عنـك اذا سترتـي
اوصيك بالكبسة وكثـر اليدامـات حتى لوانـك مـن سببهـا متنتـي


وخلي الرجيم اللي فشل في مـرات سويـه مـرة واحـدة لا ولـدتـي
اوراق شاعر يرسل ازكى التحيات خصيهـا بالدعـوة اذا دعـوتـي

صح لسانك ولسان الشاعر
قصيده ذات اسلوب هزلي ولكن مضمونها جاد
ننتظر الجديد المميز كما عهدنا طرحك

صح لسانك ولسان الشاعر


مبدعه

مبدعه في قسم الشعر
يادلوعه الليل ..!!
غبت عنا فحضرت بقوه كالعاده
لك شكري و عظيم مودتي

مبدعه في قسم الشعر
يادلوعه الليل ..!!
غبت عنا فحضرت بقوه كالعاده
لك شكري و عظيم مودتي

يسلمو سراب على المرور ربي يسعدك

يسلمو قصايد ليل علىمرورك اسعدني

نادر الوجود ربي يسعدك انا حبيت المنتدى وحبيت اللي فيه ان شاء الله ما اغيب بس شويت مشاغل لكن ما اغيب ان شاء الله

استاذ عود لا تغش من نادر الوجود ربي يسعدك شرفني حضورك