|[ أرجـــــوك لا شـــفــتــنــي ضـــــايــــق تــــخـــلــــيــــنــي.. ]||

لا قلت لـك خلّـنـي تكـفـى تخليـنـي
النفس ضاقت وتعـرف مـن مضيقهـا



ماني بحاجـة علومـك لـو تسلينـي
أبعّد عن العين وأحسـن لـو تفارقهـا



لا ضقت أنا حتـى روحـي ما تدانينـي
وإليا هـدا البـال غربهـا وشرقهـا




لو كان غيرك حـرام إنـه يحاكينـي
لو كان كل الدروب البيـض يطرقهـا



تدري...؟ وش اللي ذبحني والبلا فيني
تعـرف عـروق الـغـلا وشـلـون تـسـرقـهـا



يمكن تكون الخيانـة مـن شرايينـي
وإلا حظوظـك يجـوز الله موفقهـا



ما قلت لحدن سوى أمي يا بعـد عينـي
وشلـون خليتنـي لعيونـك أنطقهـا



يـا روح روحـي يا قلبـي يا بساتينـي
يا بسمه العيـن ليـه العيـن ترهقهـا



والله من زود حبك صنـت رجلينـي
ما شفتني يوم أسوق الرجـل وأفهقهـا



أنا بصفـك وأضيـع وأنشـدك وينـي
وشلون لا رحـت جدرانـي أصفقهـا



ما تدري إني شريتـك يـوم تشرينـي
عشان حبك أبيـع الخلـق وأحرقهـا



أرجـوك لا شفتنـي ضايـق تخلينـي
وإليا هـدا البـال غربهـا وشرقهـا
.
.
الشاعر:عبدالكريم الجباري