وحشني شوفه أصحابي

مدخل !
وحشني شوفه أصحابي وربعي والغلا مستور..
اخبي عبرتي لآمن ذكرت بيوم جمعتنا ..
تغير قولتي (أبله) وصرنا نقول يادكتور..
نقول القاعة يادنيا زمان نقول حصتنا..
جلست بداخل القاعة ذكرت أيامنا بالدور..
وضحكن كان يحوينا ولاتكفي شطانتنا..
نزعل بعضنا أحيان ولكن مانعرف نجور..
ونرجع من بعد زعله ترجعنا صداقتنا..
نحاتي بعضنا دايم ويعجبنا رجل مشهور..
سوالفنا عن الموضة عن الحب وعلاقتنا..
وهذا اليوم قد صارت سنه راحت معاها شهور..
وأفكر كيف هالدنيا خذت منا وناستنا..
أنا مابين ناس أغراب وسط قاعه مع دكتور..
أحاول أخنق العبرة وأنا أذكر كل حكايتنا..