دام انت تغليني

دام انت تغليني ياكيف مغليـــــــــك
انته هوى قلبي ياكيــــــف مهـــــــواك
والله اني احبك واموت انا فيــــــــك
باعيش طول العمر وانا ترجـــــــــاك
بس الهجر خله والله يخليــــــــــــك
اشم ريح الموت من بعد فرقـــــــــــاك
حتى على نفسي والله لبديــــــــــــك
لو تطلب اعيوني باقول تفــــــــــداك
لاتظن انا بنساك ربي يجازيــــــــــك
لاتتهمني كيف انا مقــــدر انســـــــــاك
حتى بحلم الليل ابكي واطريــــــــــــــك
وترجع البسمــــــــــه اذا حــــل طرياك
ياخلي لاتجرح فــؤادي بياديــــــــــــك
منهو الذي غيري بالعمـــر اهــــــــداك
ماودي بعد اليوم ياعمــري ابكيــــــك
ودي يمــــــر العمـــــــر وانا دوم وياك
اذا بخـــاف المـــوت لابد ارضيـــــــك
اخـاف ارى موتي بسباب جفـــــواك
واذا تـــــفارقنا عسى الله يسليــــــك
يعل دمـــع العين مايتبـــــع اخطــــــاك
وان زتني عبقك تنظـــــر مأسيــــــك
تلـــقى جسد انسان ميت بدنيـــــــاك
وفقــــــلبي الي مات لازم اعزيــــــــك
واصـــــير انا اول من فيــــه عـــــزاك
واعلمك من قبلي مـــوتي بــوصيك
احفظ غرام اللي تـــوفى بيمنــــــــاك
وان جاب خبر موتي عدون يهنيــك
لاتنزل ادموعك واحذر من اعـــداك
احــــــذر عدوك لو بحبـــه يماشيـــــك
يعطيك حبـــــه بس قبله من اعطاك
تعال لاقبري انا مقـــــدر اجيـــــــك
يـــــكفيك وانا حي قلـــــبي تمنــــــاك