اناظر لزمن واثر الزمن عدى علي وراح

أناظر لزمن واثـر الزمـن عـدى علـى وراح
وأنا واقف على دربـه وطالـت وقفـة أقدامـي

على درب الشقاء واقف وخيل البارق اللـي لاح
لعل وياعسى يمطر سحـاب ويـروي الظامـي

أسوق الرجـل يمـه والحنيـن الشوفتـه ذبـاح
ولأكـن تعبـت اقدامـي ولاشالتنـي اعظامـي

أصد من الزمان اللـي تبلانـي بـزرق ارمـاح
ومن جور السنين ومن قسـاوة سـود الأيامـي

خلاص العمر روح والشقي في دنيتـه مرتـاح
شرب مر الزمان الشين عام مـن وراء عامـي

يرجعني الحنين الماضـي الذكـرى وقـت راح
أعيد الذاكره واللـي مضالـي مثـل الاحلامـي

توردبي هواجيسي علـى عـد ومـاه أشحـاح
وتصدربي هواجيسي وأنا يهـل الوفـاء ظامـي

ويلا مني نسيـت الهـم هيضنـي حمـام نـاح
ودارت بي دواليب الفكـر والجفـن مـا نامـي

تحيـر بعينـي الدمعـه وسـدي لـردي مابـاح
كتمت الهم في صدري وجرحي في الحشاء دامي

تعبت اطرد وراء حظ تعثر من السنيـن وطـاح
عليها الله وأكبـر ماصفـت والحـض ماقامـي

تخاويني همومي في مساري الليـل والمسـراح
وأذا جيـت ابتعـد منهـا لقيـت الهـم قدامـي

شكى قلبي الضلوع العوج والشريان دمـه فـاح
وشكت سبابتي الأقـلام والوسطـى والابهامـي

أقول الدنيتي يكفي تـرى قلبـي أسـا وجـراح
وأقول الوقتي ارفق دام قلبـي منـك منظامـي

حربني وقتي القاسي أسر قلبـي ولـي اجتـاح
رماني والهدف قلبي شكى من رميـت الرامـي

أصاطيله علـى مرسـى بحـور أتـوه السبـاح
مجهزها وموج البحر لا سيـف البحـر زامـي

وغابت شمسي الحيه وغابـت عنـي الافـراح
وتاهت خطوة أقدامي وقلبي من الزمـن عامـي

كتبت اللي بقا من الهم في صدري معا اللي راح
كتبت وملت اوراقـي كتبـت وجفـت أقلامـي




منقول

تسلمين اميرة عتيبة عالقصيدة

مبدعة في كل وقت

يرجعني الحنين الماضـي الذكـرى وقـت راح
أعيد الذاكره واللـي مضالـي مثـل الاحلامـي

نقل موفق
لاعدمناك .. صح لسانك ولسان قايلها ..
سلمتي

أصاطيله علـى مرسـى بحـور أتـوه السبـاح
مجهزها وموج البحر لا سيـف البحـر زامـي

صح لسان شاعرها ولسانكـ

تسلمين على هالتحفه

تسلمون على المرور