امكن مع الوقت اقول محبتك خيره

صباح الخير للجميع

ماهو بكيفك تواصلني وتقطعني
اما غلا بين او فضها سيره
ياشين لا جيت تقطع لا توادعني
ليتك تحس الوداع وشلون تاثيره
ياماخذ الحب قل فيني وسمعني
حب على كبر صعب ابدله بغيره
ابحتفظ فيك وادري منت نافعني
امكن مع الوقت اقول محبتك خيره
والله تدري وش اللي معك دافعني
ان معك انت امارس اخر الغيره
واحب فيك البرود اللي يقاطعني
لو ما تكلمني صمتك صعب تفسيره
ياللي عليك البشر شفها تقاطعني
منين ما اوجه الهقوات لك سيره
ياشينها من الخوي قول اتركه طعني
ما غير شره لا انت بشايفن خيره
وياشينها منك لا جيتك توزعني
في عذرك اللي على هالظرف تجييره
شوف كبر صدر البشر ما عاد يوسعني
واكبر هموم العباد اشوفها صغيره
وش جاك مني خطاء يومك تقاطعني
في سوق لقها عليك اسوقها جيره
انا اذكر انك الا ما قلت دلعني
القلب هانت على شانك مشاويره
يا مشغل القلب بين تحبني ويعني
شوفني عليك احترق ياسيدي حيره
مرات اقول اتركك لا شك يمنعني
شي يقول اعذره واقبل معاذيره
قلت احتفظ فيك وادري منت نافعني
امكن مع الوقت اقول محبتك خيره

:t 092::t02 4:

جيت في ليلة وداعة تايهن بين البيوت
وصحت وينك جيت اوادع عمري ياللي
ضاع فيك ما سمعت الا صدى صوته وكان ارق
صوت ينطق اسمي ثم يهمس من متى وانا احتريك
قلت وهمومي تغافل زفرة الحزن وتفوت
هذا انا جيتك ياليت الموت جاني قبل اجيك
بعدها يادوب عدت عبرته حد السكوت قال
وعيونه تغارق دمع بسم الله عليك
قلت ياابن الناس عادي ما ورى هالموت موت
وش وراها لا فقدت عيونك ولمست يديك