بتسآفر! مو عآرف كيف تختآر آلفندقٍ ؟ تعآل هنآ..

ـآلسلآم عليكم

كثير من الناس لما يسافر يحتار كيف يختار الفندق ويسأل عنه أو يخلي مكتب سياحي يختارله
واذا راح هناك قال ماعجبني الفندق أو البلد هذا فنادقه بايخه
وأنا بقولكم سياسة المكاتب السياحيه والمواقع في الانترنت في حجز عدد من الغرف بكل فندق تكون ملك للموقع طوال السنه
فكل موقع له استراتيججيه معينه لحجز حتى الغرف وأدوارها
مثلا ..
من المواقع المعروفه بأسعارها الحلوووه بشرق آسيا موقع agoda
أجودا خذوها كقاعدة عامة تحب الأدوار العلويه بشكل غالب يعني لو كان برج
تختارلك الادوار الي فووووووووووق
وتحجز منها
هالشي مو ايجابي على كل حال خصوصا لو كانت مدينه كلها ناطحات سحاب لان بيكون مطلك سطوح الأبراج الي جنبك
فأنا شخصيا ماكتشفت هالشي الا متأخر وبعدها صرت أحرص عليهم يحطوني تحت أشوف الناس والعالم



اممم ترا هذي سواليف مابعد دخلنا بالزبده
كثير أقرى أنا ما اثق بمواقع النت
انا ماعرف احجز من النت
انا مدري وش يقصدون بالكلمه هذي ؟


الحجز من الانترنت طريقه سهله وآمنه اذا أحسنت أختيار المواقع المعروفه والموثوقه
وتخليك تمخمخ على الفندق قبل اختياره
وأرخص من المكاتب السياحيه بنسبه حلوه وتعتبر مكسب لك


وأنا هنا ما أقولكم كيف تحجزون من النت لان فيه مواضيع مشروحه بالكامل ومو هذي زبدة الموضوع


زبدة الموضوع أساسيات اختيار الفندق




الموقع



أول شي يجب انك تبحث عنه الموقع الجيد في البلد المقصود
شروط اختيار الموقع المناسب
- المنطقه الحيه في المدينه او قريبه منها
- لو كان المدينه تعتمد على المترو في مواصلاتها وانا بستخدمه كثير لازم أعرف أقرب محطه لفندقي
- جنبي فيه سوبر ماركت ؟ مطعم ؟ وش فيه جنبي ؟
- وش أقرب شارع رئيسي لفندقي ؟
- اذا كانت المدينه هذي ترانزيت لازم أختار فندق قريب من المطار


أغلب مواقع الحجوزات الفندقيه توفر خارطه توضح لك مكان المطار ووسط البلد وانت من خلال قرائتك الكثيره للبلده بتعرف وش أحسن مكان وتحجز في احدى فنادق المنطقه هذي




تصنيف الفندق



توصلت أخيرا إنه مو كل فندق 5 نجوم فندق ممتاز
ولا تحرصون عليه وراح أقولكم الأسباب
تصنيف الفنادق عالميا يخضع الى عدة نقاط ما تهمك ولا تهمني
والمعاايير هذي الي تخضع لها الفنادق والي لما تكتمل فيها يحصل على 5 نجوم
راح أقولكم المعاايير هذي بشكل مبسط
الفنادق العالميه الي لها فروع بكل مكان هذي لها تصنيف عالمي اعطاها الـ 5 نجوم واستمرت عليه .. لأنها تعهدت انها كل مافتحت فرع بأي بلد راح تتبع اساسيات معينه
لكن الفنادق الي ماهي معروفه تصنيفها يكون محلي من سياسة البلد نفسه
يعني سلسلة فنادق الانتر كونترنتال + الشيراتون + ريتز كارلتون .. الخ
فنادق نلقاها بنفس الميزات ( الميزات مو الشكل ) بكل مكان وبأي دوله
لكن الفنادق الثانيه ممكن الـ4 نجوم يتفوق على الـ 5 نجوم
فكثير يقوولون معتقد خاطئ وهو إني لما أسافر شرق آسيا مثلا ما أغامر بأقل من 5 نجوم

خطأ خطأ
ممكن تلقى 5 نجوم ويعتبر 3 نجمات والعكس صحيح
نرجع لبعض المعايير الي يرتقي بها الفندق ويحصل على النجمات
1/ وجود أكثر من 3 مطاعم داخل الفندق .
2/ مواقف سيارات خاصة بالفندق .
3/ قاعة مؤتمرات
وشروط كثيره صدقوني ما تفيدنا أبدا
الزبدة لا يكون اختيارك للفندق راجع لعدد النجمات أبدا
لكن لا تدور فندق أقل من 4 نجوم



كيف أعرف الفندق هذا جيد والا لأ ؟



بعد ما تختار الموقع المناسب للفندق أبحث عن ميزاته الآن الي توافق طلباتك
ووش يوفر لك إنت كزبون
أبحث عن ميزاته بموقع الحجز .. لنأخذ مثال موقع بوكينج مثلا
تحت نوعية الغرف يعرض الخدمات

نوعية التكييف في الغرفه
بار في الغرف
قهوه وشاي مجاانا
كم عدد المطاعم في الفندق
فيه صراف أو مافيه
غرف خاصة للمدخنين
محلات تجاريه في الفندق مثلا
يوفر لي صحف مجانيه أولا
بوريكم مثال على احدى فنادق مدينه ما شوفو وش لقيت مع المعلومات

عام

إقتباس » مطعم, بار, مكتب استقبال خدمة 24 ساعة, حديقة, شرفة, غرف لغير المدخنين, تسجيل سريع للوصول و المغادرة, صندوق الأمانات, مصلّى, فندق بتصاميم عصرية, مخزن الأمتعة, محلات تجارية في فندق, صالح للمثليين, مكيفات هواء


BrB

يكتبون لي غرف كثيرة .. وش الفرق بين الغرف ؟

مسميات الغرف تختلف من فندق لفندق لكن الأغلبيه متفقين على أشياء معينه
أصغر الغرف وأقلها بأغلب الفنادق هي

Standard

غرفه عاديه .. تحمل ميزات بعض الغرف الثانيه .. فيه منها نوعين في المطلات لو كان الفندق على بحر أو حديقه أو بحيره .. الانترنت فيها خاضع لنظام الفندق سوا مجاني أو بفلوس ..

Superior

أكبر من الستاندر بشي بسيط جدا

Deluxe

الديلوكس روم اكبر من الستاندروالسوبيربر بشي بسيط بالحجم يعني أكبر بمتر تقريبا طول بعرض وأوسع وغالبا تختلف عن الستاندر بالديكور

Grand Deluxe

أكبر وأوسع من الديلوكس بشي بسيط بعد لكن ملحوظ وتصميمه غالبا نفس الديلوكس وبنفس الأدوار

Junior Suite

جناح صغير عبارة عن غرفة نوم .. وغرفة أصغر منها فيها جلسه وحمام ..

Deluxe Suite

جناح فاخر .. عبارة عن غرفة نوم .. وغرفه جلسه .. وحمام ..

Classic

غرفه كلاسيكيه يميزها الديكور مصممه تصميم يختلف تماما عن بقية الغرف
حجمها مو موحد في الفنادق ومرات تكون أصغر من الديلوكس ومرات أكبر
لكن على الأغلب سعرها أعلى من الديلوكس

Executive

غرفة تنفييذيه .. الغرف التنفيذيه غالبا تكون بالأدوار العليا لو كانت ناطحة سحاب
بالاضافه الى ان الدور بالكامل لللغرف هذي يكون فيه انترنت مجاني لو كانت الانترنت بفلوس ولهم بوفية افطار خاص فيهم .. الغرف التنفذيه هي غرف لرجال الأعمال .. مجهزه لهالشي

Executive Club Suite

جناح تنفيذي .. غرفتين أو أكثر من الغرف التنفيذيه مع غرفة للجلوس بالاضافه للحمام

Royal Club Suite

جناح ملكي .. أكبر من الجناح الفاخر بغرفه .. أثاثه مختلف ايضا عن الغرف الثانيه ..

هذي أهم أنواع الغرف الي تتوفر في الفنادق وبعض الفنادق لها مسميات تختلف لكن نفس المواصفات


نجي الحين للمطلات


City View مطله على المدينه
Park View مطله على الحديقه
lake View مطله على البحيرة
Beachfront مطله على الشاطئ
Sea View مطله على البحر
Seafacing مطله مباشره على البحر ( غالبا الأكواخ والفلل يكتبون هالميزه معها )




وهذا موقع يفيدكم في اختيار الفندق يصوره لك فيديو والحلو فيه ان التصوير جديد موافق آخر التجديدات بالفنادق

http://trading.ta7a.com/72346

هذي أهم المطلات من الأقل سعرا وشهره الى الأعلى والأحلى

لآتنسسسو آلتقييم وآلردود

ماشاءلله عليك
ماقصرتي
كفيتي وفيتي يالغاليه

ربي يعطيك العافيه

وتسسسسلمين عالطرح المهم

ومنورهـ قسمي فديتك

فــ لاتحرميننا من هالنوررر

كلمة شكرا لن توفيك حقك على ما تم طرحه
من قبلك
لكن واجب علي ان اقدم لك كل تقدير واحترام
على هذا المجهود


الف شكر

يعطيك العافيه يالغلا

يعطيك الف عافيه عالطرح الرائع

وربي مايحرمنا من تواجدك وجديدك وننتظر

ابداااااعك الراااااقي

اتعبت

عود