محــاشي تـركيه ..

#1 05-12-2011

السلام عليكم و رحمة الله و بركاته ،،

حبّيت أشارككم اليوم بطبق لذيذ جدّاً و سهل
الا وهو
"محاشي خضار مشكله" ،
نبدأ بسم الله ،

المقادير /

6 بصل ، 4 طماطم (و 6 اذا كانوا صغار) ، نص علبة صلصة طماطم
، 6 مكعبات ماجي ، ملعقه كبيره كمّون ، ملعقه صغيره فلفل أسود ،
زيت بزياده شوي (لأن الزايد منه بنستعمل بعدين) ،
3 كاسات رز مصري ، حزمة كزبره ،
حزمة بقدونس ، حزمة شبت .

و بالنسبه لمقادير

"مرقة الخضار" (اللي بينطبخ فيها الخضار) /

2 ماجي ، الزيت الزائد عن الصلصه ، ملعقه صغيره كمّون ، ملعقه صغيره فلفل اسود ، ماء كا

الطريقــه /

1. نطحن البصل في خلاط كهربائي.

2. نحمس البصل مع الزيت في قدر .

3. نطحن الطماطم في خلاط كهربائي .

4. نُضيف الطماطم المطحون و الصلصه الى القدر اللي فيه بصل .

5. بعد مايتسبّك الطماطم و البصل و مايبقى الا زيته
(لازم يكون ناشف تماماً من الماء وهذا سر هالطّبخه) ،
ثم نضيف البهارات و الماجي.
ثُـــمّ

6. نقطّع الشبت ، البقدونس و الكزبره ناعم ثم نضيفه الى القدر .

7. نصفّي الصلصه من الزيت الزايد ولا نرميه (بنستعمله بعدين) .

8. ثم نضيف للصلصه البقدونس ، الكزبره و الشبت المفروم ناعم .

9. لما تبرد الصلصه نضيفها للرز المنقوع .

10. و نخلط زين .

11. بعد ماخلطنا الصلصه بالرز ، نجهّز الخضار و نبدأ نحشيه بس حبّيت أنبهكم إن لب الخضار لا ترمونه (بنستعلمه بعدين أيضاً) .

12. نجيب الزيت الزايد عن الصلصه ونحطّه في قدر و نضيف له لب الخضار اللي سوينا قبل ، و يكون هذا فرش للخضار ، ثم نرص فوقها الخضار المحشي .
13. نضيف مقادير مرقة الخضار .
14. و أخيراً نضيف الماء (على أطراف القدر موب تتشطرون و تكبّون المويه على الخضار! ) .
و هذي صورة الطبخه يوم استوت و صارت جاهزه ،،

و بالهنـــاء و الشــفـــاء