ذوبتني مابين ملحك وسكرك

القلب قلبك .. والمشاعر مشاعرك
اجرح وعذب يا حبيبي حلالك..

غالي ولوتخطي على القلب عاذرك
سو الذي يرضيك واللي في بالك !!

خابرني ميت في غرامك.. وخابرك
تموت في حب التملك .. وانا لك !!

ان كنت صاحي مع خيالك اسامرك
وان نمت في حلمي يجيني خيالك!!


يعني على كيفك وذوقك وخاطرك
اجيك انا كلي ... وكلي فدالك!!

اموت في غيضك وعقدة نواظرك
واموت في صدك واموت بوصالك

واموت في همسك ليا جيت احاورك
وفي دهشتك .. لاقلت ادور بدالك!!

واموت لاشع الضيا بأجمل صورك
واغيب معها .. وألتهي في جمالك!!


وتقول وش رايك؟ واقرب واشاورك
انت الله اعلم وش نهاية دلالك ..؟!

ياأني بموت وبندفن في محاجرك
او يمكن أحيا وانهبل في هبالك!!


وتضحك وتفرج بالسعاده سرايرك
وانا على ضحكة شفايفك.. هااالك!

ذوبتني مابين ملحك . وسكرك
واهديتني قلبك..وروحك..وحالك!!


أقدر جهودك في حبي .. وأقدرك
وأسكنك بين الحنايا .. لحاالك!!

ومني جزيل الشكر والقلب يشكرك
على سموك يالغضي .. وإكتمالك!!

سبحان من كمل وصوفك وصورك
وخلا مجالي يندمج في مجالك !!


إن غبت عني قمت اهوجس وادورك
وأنشد عن ديارك .. واجي وآعنالك!!


وإن جيتني برضاك .. ماجيت مجبرك
يا مرحبا ... والقلب فز ودعالك !!

بس انت تكفى دامني صرت شاعرك
إن غاب زولك .. لا يغيييب إتصاالك

مما راااق لي

من متابعيك وسآكون كذلك باذن الله
قد لا أوفيك حقك بالرد
فأتمنى قبوله

يعطيك العافيه

دووم هالتميز ماشاء الله عليك
ربي يحفظك

يسلمو عالطرح الرائع

وربي مايحرمنا من جديدك وتواجدك

وننتظر ابداعك الراقي

لاهنت على مرورك عود الليل

لاهنتي على مرورك وصوفي

لاهنتي على طلتك وصوفي

تسلمييين غاليتي

قصيدة رووووعه
راق لي متصفحك
لاعدمنا روووعه
جدسدك

ودي

بسمة ألــم

لاهنتي على طلتك بسومه