01-23-2011
|
#2
|
قوالب البوب كورن
المقآدير
القالب خبز تورتيلا
الحشو بوب كورن الدجاج ( يجيك جاهز بس انتي تقلينه(
جبن سائل + فلفل رومي للزينه
الطريقه
تقصقصين الخبز بالقطاعه على شكل دوائر
وتفردينه على القالب عشان ياخذ شكله ممكن تستخدمين قالب كب كيك عادي
وتدخلينه الفرن من فوق لحد ماتنشف الخبزه وتاخذ شكل القالب
بس انتبهي لاتحترق
( شكل القالب الي استخدمته )
طلعيها من القالب .. وتكوني مجهزه الدجاج وقاليته
( ممكن تستبدلينه بدجاج عادي مقطع)
حطيه بوسط القالب .. وفوقه حطي ملعقة جبن سائل ( يفضل كرافت (
وزينيه بالفلفل الرومي او مثل منتي حاابه
|
|
|
|
|
01-23-2011
|
#3
|
بف باستري الدجاج
المقادير
شرايح عجينه بف باستري
الحشو
دجاج مقطع صغير
زيت + بهارت مشكله + ملح فلفل + صلصله صويا + ليمون + خل
بصل مقطع جوانح
فلفل مقطع
بطاطس مقطعه حسب الرغبه
الطريقه
جهزي الحشوه على النار
اضيفي الزيت والبصل والفلفل والبطاطس لحد مايتشقرون
ثمن البهارات
وبعدو الدجاج وخليه لين يستوي الدجاج
افردي عجينه البف باستري وقطعيه الى مستطيلين
اضيفي ملعقة من الحشوه في مقدمه العجينه
لفيه زي السبرنق رول وسكريه من الاطراف
صفيه في صينيه ودخليه الفرن
بعد ما تدهنين الوجه ببيض او حليب سائل( عشان يتحمر )
ما راح ياخذ وقت كبير في الفرن يعني من 10 دقايق الى ربع ساعه
تورتيلا بحشوة البيتزا
المقادير
خبز تورتيلا
الحشو
بصل مقطع
فلفل رومي مقطع
عصير طماطم
( بهارات + ملح + زيت زيتون )
زيتون شرايح
نقانق مقطع ) حسب الرغبه)
جبن موزريلا
الطريقه
اول شي تجهزين الحشوه
تحطين الزيت والطماطم في قدر على النار
وتضيفين البصل والفلفل والبهارات والنقانق
وتخلينه لحد مايتسبّك
بعدين تضيفين الزيتون الشرايح وتقلبينه
تجيبين الخبزه وتحطين الحشو على جهه وحده من الدائره وترشينه بالجبن
وتطبقين من النص
وتحطينه في الة الشوايه حقت الساندوتش
وتخلينه لين تتحمر شوي
وطلعيه وقصيه جزئين
,,
|
|
|
|
|
01-23-2011
|
#4
|
شرائح البيتزا السريعه
المقادير
خبز توست مقطع مستطيلات
طماطم شيري مقطع انصاف
جبن موزوريلا + جبن سايل
فلفل رومي مقطه طوااال
نعناع مجفف مطحون
الطريقه
نحمص خبز التوست بالفرن لحد ما يتحمر شوي بس
بعدين ندهن الوجه بشوية جبن سايل
نجيب الطماطم والفلفل الرومي والنعناع ونقلبهم مع بعض
ونحطه على الوجه
ثم نرش عليه الجبن الموزريلا
وندخله الفرن لحد مايذوب الجبن ونقدمه
|
|
|
|
|
01-23-2011
|
#5
|
طرح أكثر من رائع
بانتظار جديدك
|
|
|
|
|
01-23-2011
|
#6
|
|
01-23-2011
|
#7
|
المقادير
بسكويت اوريو منزوع الحشوه
شوكولاه خام ابيض وبني للتغطيه
الحشو
علبة قشطه
ظرف دريم ويب
ظرف كريم كراميل
نصف كاس بسكويت مطحون
الطريقه
نخلط مقادير الحشوه بالخلاط
ونحشي الاوريو ..
( يعني نحط بسكوته بعدين حشوه بعدين بسكوته )
نذوب الشوكولاه الخام ونغطيه فيه الاوريو بعد مانحشيه
من كل الجهات ونخليه لين يجمد ونقدمه
تارت التوت
المقادير
خليط كيك الجاهز .. او كيكه اسفنجي انتي معتمدته
كريمه خفق
سكر بودره
حشو تارت ( توت اسود او ازرق حسب الرغبه )
الطريقه
نعمل الكيك مثل ما هو موضح على الكرتون
نضعه في قوالب صغيره او صينيه الكب كيك
بعد مايستوي
نجيب كل حبه ونقصه من النصف
نخلط الكريمه بالمضرب الكهربائي لحد ماتنفش
وتنحط معها شويه سكر بودره
نرجع للكيكه
نحطه اول شي طبقه كيكه بعدين التوت
بعدين الكريمه ونغطيه بجزء الكيك الثاني
ونرش سكر بودره على الوجه
ونقدمه بالصحه والعافيه
|
|
|
|
| | | | | |
العرض العادي
