قسم بالله لو موتي بيدك اموت الفين مره ماكفاني

قسم بالله لو موتي بيدك اموت الفين مره ماكفاني

غيابك صعب و الأصعب وجودك
و انا فالحالتين أتعب و أعــاني

ارجوك لا تواخذني .. و لـكن
أبيك تحط نفسك في مكــاني

اذا جيتك و انا مشتاق تــقفي
تجاهلني و كنّك ما تــــراني

و اذا صديت عنك و قلت أبرحل
وقف قلبك على الباب و دعـاني

و لو سويت نفسي ما اشـوفك
يميل القلب صوبك و يحــداني

أنا يا ابن الحلال أصعب حـكايه
كتبني الوقت .. لكن ما قـراني

زماني راح مع نصفي .. و نصفي
نسى نفسه مع الوقت و نسـاني

أسافر حزن .. و الصحبه ثـلاثه
أنا .. و الصبر .. و سهيل اليماني

و اذا مريت في بلاد الطــفوله
فتحت الصدر للحزن و طـواني

هنا .. دمعه جرت من عين جاهل
هنا .. لاقيت همي و الـــتقاني

هنا .. باعتني الديره و أهلـــها
هنا .. ضحيت لفلان و جــفاني

هنا .. حاولت أصيح و ما سمـعني
سوى بعض الشوارع و المبــاني

انا يا سيدي .. دقه قديــــمه
بغيت أخذ من الوقت .. و خذاني

على الأنقاض واقف دون حــيله
أشوفك وجهتي بين الموانــــي

قسم بالله لو موتي بيـــــدك
أموت الفين مره .. ما كفــاني

و أذا باقي من الطلقات .. طلـقه
دخيلك .. حطها بين المحانـــي ..

تحياتي ..

جهد طيب ويستحق التقدير

لك مني كل شكر وتقدير


ربي يحفظك

يسلمو ياقلبي عالطرح الرائع

وربي مايحرمنا منك ولا من تواجدك

وجديدك الراقي والرائع

يسلمووووووووووووووووو متغليه

طبعا ذائقتك غاليتي لايختلف عليها اثنان

تسلمي والله ولاهنتي على القصيده الجميله

عود الليل

نظرة الحب

البرق النجدي

صح لسانك ولسان شاعرها

الله يعطيك العافيه
اختيار راائع وموفق
ماننحرم من جديدك المميز