ديوان هيبة ملك .. للشاعر أحمد الضباعي ..

(( الاصل و الصوره ))


[poem=font="tahoma,5,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
أوصف جماله أو جمال الصوره =صدفه عظيمه جل من طوعها

كنه بها ليلن يزف بدوره =و كنها به رياحن هبى مطمعها

الليل يبكي من لما ديجوره =دمعه و طاحت راجين مرجعها

يبي يرد الليل منها نوره=مير الشقى هيمان نوره معها

شقول شوصف في عيونه ثوره=تبي تثور و عزته تردعها

ان هو بكى عينه بكت مجبوره=و ان هي بكت أو حاولت روعها

عين المولع بالقمر مغروره =هي ضيعت نوره و هو ظيعها

لله عين بالشقى مغموره =لا جات تفشي سرها برقعها

حبيبتي في روحها بلوره =الضي بجزعها و لا يفزعها

اسطورتن ما مثلها اسطوره =عجايب الدنيا السبع تتبعها

فيها مراكب تايه مهجوره =ذابت قلوب الناس في أشرعها

و فيها حكايات الهوى المأثوره =من دكت الدنيا الى مضجعها

أحلام شاعرها مع جمهوره =ينبوعها مخلوق من ينبعها

شاعر جماله من جمال حظوره =يستثمر الفكره قبل يزرعها

هو مثل ابياتن بدت مكسوره =ابداعها ما حس به مبدعها

أو مثل صحرا بالوهم معموره =تتبع سراب و لالها يتبعها

أو مثل بدرن بالبحر له صوره =الموج من حبه لها قطعها[/poem]

((القبلة ))

[poem=font="tahoma,5,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
أستلهمك و أستأذنك لحضـة اهيـام = طالـع بعينـك ودي اكتـب جديـده

أرجوك اذا حبيـت أشـر بالابهـام = أخاف لا اتكلمـت أنسـى القصيـده

كم شاعرٍ حـاول يخطـك بالاقـلام =واخاف يجرحك القلم و أرفـع ايـده

لن الوهم فكـره و الافكـار أوهـام = و فيك الحقيقه م الحقيقـه شريـده

صمتك عداله و ابتسامتـك اجـرام = و السجن حبـك و المحبـه حديـده

و انا السجين اللي قضى سبعة أعوام = و كل ما لفى لفراج صوت ما اريـده

يا فكرتي في العـام لـول و هالعـام = يا مولد الهاجس و هاجـس وليـده

ما للمشاعر غير شاعـر و رسـام = و ما للعنيد اسلـوب غيـر العنيـده

و انا بحبك لا اعرف اصحى و لا نام = وحيد و املـك منـك قبلـه وحيـده

ما كل قبله تعمـل اعـراك و زحـام = و لا كـل قبلـه تنطبـع مستفيـده

بعض القبل تاخذ لها ايـام و تنـام = و بعض القبل تبقى شهـورٍ عديـده

و القبله اللي من قبل سبعة أعـوام = لا زلت احس ابهـا كأنهـا جديـده[/poem]

(( ساره ))

[poem=font="tahoma,5,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]




عصر ازدهار الشعر عصر اندثاره=ما دام راس المال أصبح شعاره



و اللي يدير اموره بدون خبره=ينفظ غباره ثم يرجع غباره



مثل اللذي تعبان في نقش اسمه=يحسبه في صخره و هو في زباره



يبغى جماهيره تصوت بأسمه=و الشاهد الله ما نشد عنه جاره



يا سيدي عندي عباره صغيره=لو هي على راسي بقول العباره



ما هي شطاره تجرح احساس شاعر=يا سيدي و الله ما هي شطاره



الشاعر اللي يحكم لسان شعره=يستحوذ اعجاب الجموع ابجداره



و الشاعر اللي ما يثمن كلامه=يلقى الخساره قبل يلقى الخساره



و انا لو اني بهجر الشعر و الرحل=بشد من داره و اخيم بداره



ما هوب لني ما اقدر اهجره وابعد=الشعر و الشاعر بمعنى الأشاره



مثل البحر و اليابسه في الطبيعه=وش هي الطبيعه بلا بروره و بحاره



ما دام هذا الشعر في عين أهله= فالله يقضي في صغاره كباره



و الله يقدرني على ما هو أتي=ما هو على شاني على شان ساره



اللي تعقد المعضله في ثواني=و اتفكها كنها تعمر عماره



تلعب على مسرح مشاعر خفوقي=تلعب و لاكن من ورائ الستاره



أنا أقول ان انكساري سببها=و هي تقول ان السبب انكساره



دايم تحاصرني و تحصر طريقي=و اتقول يا اهل الشعر فكو حصاره



فكو حصاره قبل ينطق باسمي=لأن في نطقه لأسمي اثاره



و ان قال اسمي سجلو لي كلامه=يا جعلني فدواه لا قال ساره[/poem]

(( هيبة ملك ))


[poem=font="tahoma,5,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
أولك فـي أخيـرك و اخـرك فاولـك =فيك قوت ضعيف و فيك ضعف القـوي

فيك طيبة فقيـر و فيـك هيبـة ملـك =يرتوي الشوف الا منـك مـا يرتـوي

من كثر منت معجبنـي بغيـت أسألـك =كيف يحويك حسنك و انت له محتـوي

كيف ما اهلك و من قبلي علامه هلـك = كيف يملا السكون قلـوب تـدوي دوي

كيف أوصل لقلبك و ان قدرة أوصلـك = أقدر أصبح حبيبك أو زميل أو خـوي

كـل شـيٍ بقلبـي يعلمـك يجهـلـك =من عرفتك و قلبي ساكـن و منـزوي

و كل شـيٍ تجمـل بـك و لا جملـك =كنك الدلو و الماي الحلـو و الطـوي

يـوم ربـي خلقـك و بالحـلا كملـك = و اصبح القلب في لاماك مطوي طـوي

ان بغى يختلي بـك خـاف لا يخجلـك = من كثر منت شفاف و بـريء و روي

و ان بغى يحتفظ بك خاف لا يزعلـك = شوف لي حل في خيط الغـلا الملتـوي

و اللـذي حرمـك لا و اللـذي حلَلـك = انـك الاهتـواء و انـي المهـتـوي

ما قـدرة أتبـادل معـك و أستبدلـك =كل ما رحت عنك و جيت لك مكتـوي

أنتهي فيك و ابدى فيـك مـن أولـك = يا القوي الضعيف أو يا الضعيف القوي[/poem]