حلى الشريطه للذوق الرفيع

عجينه سمبوسه سويتز ام 50 حبه.
جبن كيري 6 حبات.
سكر ابيض مطحون.
سكر بني.
قرفه.
حليب نستله.
سائل الشوكولا (هيرشي).
صينيه متفككه القاع (الحجم الوسط) اللي تستخدم للتيشزكيك.
5 شكولاته فلك للتزيين .

تاخذين عجينه السمبوسه وتقسمينها كلها بالنص وبعدين تاخذين كل نص وتحطينه قدامك بشكل عمودي او طولي

وتدهنينه بالجبن من تحت بس مسح خفيف وتصفطين العجينه راسها على رجولها وثمن تصفطين العجينه من اليمين لليسار وكذا بتصير لك على شكل مستطيلات صغار وبعد
ماتنتهين من الكميه كلها تقلينها بالزيت وتصفينها وعلى طول بسرعه قبل ماتبرد تغمسينها بالسكر المطحون ثم السكر البني ثم القرفه،واذا انتهيت من الكميه تجيبين الصينيه وتلزقين الشريطه من جوا وتطلعين طرفها برا عشان تربطينه

بالأخير وتصفين السمبوسه داخلها بشكل طولي واذا خلصت خلي احد يساعدك بحيث انك تربطين الشريطه واللي معك يفك الصينيه ويشيل اللزقات اللي عليها واذا ربطت الشريطه على شكل (فيونكه) وقبل ماتقدمينها تصبين عليها حليب

نستله وبعده الهيرشي وفتتي الفلك عليها من فوق،وتقدمينه على طووووووووووووووووووووووووول