من بغى الفرقا لقى له عذر

السلام عليكم ورحمة الله وبركاته
أسعد الله أوقاتكم







من بغى الفرقا .. لقى له عذر وأسباب ودليل
خل عنك العذر والأسباب دام الحب ضاع


كان ودك بالفراق ابشر عسى عمرك طويل
لاتردد وأنت لك كلمه ولك أمرٍ مطاع


لي عليك انك تبت بكلمه تشفي الغليل
ولك علي إني لأوقف وقفة الرجل الشجاع


لاتجاملني مخافة قال مدري خوف قيل
عمر هرج الناس مايسمن ولا يغني جياع


كان قصدك سر حبك اوعدك لأصبح بخيل
واحمل أسرارك معي للموت قدر المستطاع


بس قلها .. قل ما احبك .. وابشر بصبرٍ جميل
لاتحسب إني مثل من طبعهم لوي الذراع


صاحبك ماهو كذا .. ياصاحب القد النحيل
صاحبك طبعه غريب وغربته غربة اطباع


فالهوى مايقبل الحل الوسط ولا القليل
مثل ماهو لا شرا يشري اليامن باع باع


ثابتٍ لو هي تميل الأرض حدره مايميل
يدري إن الفقر ماهو عيب والدنيا متاع


ماعشق لذة حياته كثر عشق المستحيل
ولا كره حتى مماته كثر كره الانصياع


كم تعلمت من شديد البدو وش معنى الرحيل
وكم تعلمت من غروب الشمس وش معنى الوداع


وكم تعلمت من سحاب الصيف وش معنى الحصيل
وكم تعلمت من ليال البرد وش معنى الضياع


إيه .. أنا هذا .. طريقي موحش وصعب وطويل
وانت لامنك تعبت العالم فجوجه وساع


اعتبرني في بداية سكتك عابر سبيل
ورح وأنا قلبي معك من وين وجهت الشراع


يكفي إني لا ذكرت بسالفة عشاق قيل
عاشر احبابه شجاع وفارق احبابه شجاع



جازت لي

تجنن مثلك ورائعه ياقلبي


ربي يرعااااااااااااااك

روووعه غلاتي
صح لسانك ولسان شاااعرها
لاهنتي ..

صح لسانك ولسان شاعرها

ولا اروع منها



إيه .. أنا هذا .. طريقي موحش وصعب وطويل
وانت لامنك تعبت العالم فجوجه وساع

يسلمووووووووو على الطرح الرائع ’’’

سلــــــــمــــــــــــــــت وعاشت الايادي ""

ودووووووووووووووووووووووووووم هاااااااااا التميز وارقي في المواضيع ""

الله لايحرمنه منك ولا من جديدك "

تحياتي معطره بوررد الجوري""

يسلموووووووووووووو يالغلا ولاهنتي على القصيده المتميزه

طــــرح راائــع بحجم روعتـك
وآختيــآآر ذوووق ومميز
عوآآفي

يسلمو نظره مرور رائع

يسلمو جنو عالمرور