وش أحكي لك؟عن الغربة!عن أوجاع استحلَّت ذات!

[align=center][table1="width:95%;background-color:black;border:4px solid limegreen;"][cell="filter:;"][align=center]صدمتينــــــــــــــــي




صدمتيني.!


و انا ناقص أشيل ابْـ هالجسد صدمات؟
,,,,,,,,,,,,,,,,,,,,,, نحيل و غربتي قبلـك .. نسـت فينـي مخالبها

أجرجرني على وجه السنين..و يسقطـون أموات
,,,,,,,,,,,,,,,,,,,,,, من فتوق استباحت صـدري و طالـت غواربها

لك الله من كثر مـ نْقل جثثهم في ضلوعي..مات
,,,,,,,,,,,,,,,,,,,,,, خفوقي , و اصدق ادموعي عليهم صـرت اكذِّبها

وحيد ولاني محتاجك أنـا كل حاجتـي .. أصوات
,,,,,,,,,,,,,,,,,,,,,, أشيل إبْهـا تعـب صدمـة عمر وجهـي تعزَّبها

عيونـي تشبـه اعيون اليتامـى كِلَّهـا حاجات
,,,,,,,,,,,,,,,,,,,,,, وضلوعي كل ضـد و ضـد يسعى فـي مناكبها

و دروبي من كثر ما هي تدسّ إلْـ جيِّتـي نكبات
,,,,,,,,,,,,,,,,,,,,,, قبل مـ ارسـم بهـا خطواتـي البيضا ...أراقبها

من سنين الحليب إعظامي اعتادت على الطيحات
,,,,,,,,,,,,,,,,,,,,,, اطيح و كل ما طحت العـزوم اتغيـب .. و اندبها

تعالي وايقي فيني..وشوفي وش ورى الطعنات
,,,,,,,,,,,,,,,,,,,,,, بِتَـلقيـن القهـر و وجيـه ما تحشِم قـرايبها

وش أحكي لك؟عن الغربة!عن أوجاع استحلَّت ذات!
,,,,,,,,,,,,,,,,,,,,,, أو أحكي لـك عن اهْمـوم ٍ تِجَاذَبْنِي و اجَاذِبْهَا!

أنا من شافني اقـرا إبعيونـه : هالرجـل مـوَّات
,,,,,,,,,,,,,,,,,,,,,, و هو يقرى إبعيوني : لا و ربك ما صدقـت إبها

نشف كل الكـلام و باقي ٍ لـك بالصـدر كلمات
,,,,,,,,,,,,,,,,,,,,,, توحّيها .. و خلّـي صوتِـك المبحوح .. يقضبها

صحيح إني تعوَّدت أنصدم و إلـْ هامتي صدمات
,,,,,,,,,,,,,,,,,,,,,, ولكن صدمتك شالت من ضْلوعـي .. حبـايبها




للعذب ناصر حطاب الدهمشي



[/align][/cell][/table1][/align]