السراب

شفت السراب اللي تلاعب برشفي ؟!
حسب الغرور ... يصعّر البيد .. خدّه

طول النهار .. وقائم الشمس كتفي
حتى يطيح الطرف .. ما فيه .. لدّه

مثل المصلي .. عن شواغله مقفي
يقصر بقاي الشوف .. في حدّ سجده

يا بنت لو شمس الضحى تصدق الفي
ما كان شمس العصر تجتاح .. مَدّه

والغيم ... لو ما ردّ للأرض ملفي
كان انكسر.. من يابس العود قدّه

لا تنكرين الحب ... وجروح نزفي
كم جرح .. وأداريه .. عينِك تخدّه

الله لنا .. والمعِطف .. يحدّ عطفي
كٌنّا زمان البرد ... ندفئ .. بودّه

يا الذاهبة .. لو يكفي الصدّ .. يكفي
ما عاد .. يخشى خافقي منك .. صدّه

سالم العامري

مجنون قصايد معجب بهذا