فينا واحد كان قاسي

ماتعلمنا نكون اقسى من أشباه البشرر
لو تعلمنا عرفنا كيف هالدنيا تدور


القلوب الممكنه تنبض حسافات وقهر
والقلوب المستحيله ماتعيش الا تبور


كيف هالعالم يموت ألف مره يابشر
يوم حسد ويوم كره ويوم بغض ويوم زور


كيف مانقدر نسامح من غلط او نعتذر
ليه اكثرنا يجرح في بعضنا بكل سرور


ليه مانحاول نسعى لحل النزاع المنتظر
ليه من اجل المصالح نشتهي حب الظهور


هي حكايتنا حكايه أو حكايتنا قدر
هو قدرنا هو قدرنا أو تعودنا نثور


ليه يسبقنا الحديث مانفكر بالامر
نستمر بكل قسوه وتتأزم الامور


يابني آدم مرير الظلم وأوهامك أمر
اخلص النيه وجمل كلمتك بين الحضور


باكر تغيب الليالي عن ملذات العمر
وانت غارق في ظنونك ماتعديت الشرور


كلنا كنا ملامح ناس من غير الشعر
او شعر يرسم ملامح غير عن كل الحضور


كلنا كنا ضحيه شخص ظالم ماقدر
يصدق بكل المعاني شخص مايملك شعور


ماتعودنا نصارح في سوالفنا ونقر
نعتقد ممكن بأن اللي يصارحنا يجور


فينا واحد كان قاسي.. فينا واحد ماشعر
فينا من خان الماسي وفينا من خان الشعور


فينا من يحلم يطير فوق اغصان الشجر
فينا من يغتال ضحكة طفل بأحلآم الطيور


وفينا من يشهق حنينه بين روحه والنظر
وفينا من يعجز يقول كلمه مابين السطور


فينا من يشعر بقيمه نفس اغناها الفقر
وفينا من يدفن وجوده بين اشلآء القصور


.كم فينا من عرفنا وكم نحتاج لصور
كم حنا مافهمنا وكم حطمنا الغرور


هذا حنا وكل منا مافهم حكم القدر
والنصيب الي يودينا الى درب القبور


بــس لا يمكن نكون اقسى من اشباه البشر
لو شرينا من قساها باكر الدنيا تدور