قصيدة: سر الأحلام

. ٠ <{ سر الأحلام }> ٠
سلام يا مركوز النهدين سلام
انخش عن النجوم واطلع إلي

لا لاتنظر لغيري احملك الملام
خليني أعيش والرأس معتلي

خدك الصافي ما عليه كلام
خل حبك الكامل يصفى إلي

شعرك الشلال شبيه الظلام
قل لعينك عن عيني لا تنزلي

عين بها السحر وسر الأحلام
لو تلتف لحظة عني ماتحملي

ساطع الجبين و الخشم علام
سيف استقام ماهو مصنقلي

والمبسم لاتبسم تعدها الملام
خاتم سليمان خالقه المعتلي

بعنق الغزال يضاهي للأفلام
فلم حياتي لحياتي من منهلي

الله ياصدر تحتار فيه الأقلام
نور تجلى به الدفء يشتعلي

الله على نهد ما داعبه الغلام
الله على خصر تباهى بالحلي

والخافي بخفيه عن الإعلام
سر الهوى أغليه قد ما يغتلي

مدموج ساقين تعداه الأثلام
ريان لا هو ضعيف ولا ممتلي

وصلوا على النبي عد الأزلام
وإعداد نجوم ثابته ما تنزلي
الشاعر/ حمد بن فهد المخالدة السبيعي