رواية سحابة لو حملت جبال وحلوة لو شّربت المُر! / البارت الثامن عشر

البارت 18❤❤.


عصـر اليوم الثاني ؛
طلـع سند من بـيتهم ، ونظراته سابقته لبيت نـوف واقدامه ترجع
فيه للخلف ، الثقه اللي بكلام نوف ماخلته يشك إنها تكذب
وطلعات ورد الأخيره كانت دليل لكلام نـوف.
يحسّ بالضيق وهو مابعد تأكد ، ولا يدري اذا فعلاً ورد صارت خادمه لبنـت عمه ، او ان نوف من حبـها له وغيرتها من ورد صارت تتبلى علـيها ، وقف قبال الباب ورنّ الجرس وماهي الا دقيقتين وأنفتح لـه الباب
شاف نوف قباله مثل ماشافها أمس ، الفرق الوحيد
انها امس كانت لابسه فستان واليوم بيجاما
وايدينها مكشوفه له ، وشعرها مفتوح .
نزل راسه عنها وهمس بقلّة حيلة : اعوذ بالله منك يابليس
نوف بخبـث : حياك ، تفضل
دخل قبلها وهي مستانسه ، وطايرة من الفرحه وتحسّ انها
أنتصرت قبل لاتبدأ بخطتها ، جلس بالصاله على الكنب
وشافها وهي تدخل وراه ، اتجهت للمطبخ بعد ما إبتسمت له.
نزل راسه وهو يحـسّ بصدره راح ينفجر ، نزل راسه وضغط أصابعه على جبينه يداري صداعه الخفيف ، حسّ بخطوات ورفع راسه وشافها ، وابتسامتها لازالت موجوده ، جلست بالكنبه قباله وحطت رجل على رجل وقالت بصوت هادي : يالله حيّ سند
سند مصدوم من جرأتها لكنه تجاهلها ورد بهدوء : شكلك نسيتي اللي جاي عشانه ؟
نوف : لا شدعوة مانسيت ، لكن انتظر تاخذ ضيافتك أول وبعدين لك اللي تبيه ، الحين بتخلص القهوه
سند وهو يحاول يمسك نفسه عن الغلط : مابي قهوه ، يانوف الله يهديك اذا السالفه كذب قولي ولاتضيعين وقتي !
سمع خطوات قريبه منه وألتفت بسرعة ، وكأنها جت علشان تثبت له ان نوف ماتكذب ، كانت شايله صينية القهوه وعينها على نوف وهي ماتدري من اللي عندها أصلاً ، ولا ناظرت بسند ولاعرفت الى الان من هو الرجل الموجود.
سـند ماتوصف شعوره أي كلمه ، لا من شماتة نوف ولا من غباء ورد ، حسّ الإهـانه له مو لها .
همس بدون شعور : وش السواة ، وش هالبلوه !
ورد مجرد ماسمعت نبرته ألتفتت واتسعت حدقة عينها بصدمة وقلبها رجف وملامحها بهتت ، نزلت الصينيه ع الطاوله بينهم وحطت عينها بالأرض ورفعت يدها تعدل حجابها ، طالت نظرات سند الغاضبة ، طالت إبتسامة نوف الشامتة ، وورد تحسّ انها واقفه على شـوك ، كل شيء توّقعته من نوف الا انها تبطل حلفانها وتبلـغ سند بموضوعها .
وقف سند وتقدّم لورد ، رفعت عيونها الدامعه لعيونه الصارمه
بلعت ريقها خوف وحسّت انها خسرته خلاص وبهالمكان راح يدوس عليـها .
سند ماهو قادر يتكلم ولا يناظر لنوف بعد الموقف اللي حطته فيه ، تلعثمت حروف عتابه وقال بهدوء : ليش ؟ انا قصرت عليك بشيء ؟

قلائد أمتنان لهذة
الذائقة العذبة في الانتقاء
لروحك الجوري

امتناني وشكري لك على هذا الطرح
محتواه جميل
ونال الاستحسان

وهذا دليل ذائقه راقيه جدا أدت
لظهوره بهذا الشكل

لك كل احترامي وتقديري



اخوك
محمد الحريري

الله يعطيك العافيه
ويكثر من امثالك

اخترت الموضوع المناسب بمعلوماته
احترامي

مجنون

سلمت أناملك على الجلب المميز
اعذب التحايا لك

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

سلمت الآكف ومَاجلبت
إبداع دآئم وتميز مُستمر
لا عدمنَاك

100


لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ
كُْلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ
وُدِيِّ

يسلمو على المرور