|
|
 |
 |
 |
|
 |
||||||||
 |
 |
| ..أنا لكـ شـاعرٍ يكتب وشعرهـ نقوة أفكـارهـ .. {.. للاهتمام بشعراء المستقبل ونجوم الموقع الصاعده ...} |
 |
|
|
أدوات الموضوع | انواع عرض الموضوع |
08-16-2020
|
#1 |
|
شهرزاد
شهرزاد او اخر العنقود اسمان لقصيده واحده قصيده كتبت مرتين سـ اضع هنا القصيده قبل التعديل والقصيده بعد التعديل اتمنى ان تنال ترتقي لاذواقكم واتمنى ان تجد الاستحسان  القصيده قبل التعديل ( النص الاصلي ) سوالـف شهـرزاد وهاجسـي واللولـو المنضـود وبقايـا الليـل وشـمـوع الحنـيـن ونــوم عـدوانـي علـى ميعـاد وحروفـي تسافـر فـي هبـوب الـنـود وعـنـوان الـهـوى مفـتـوح والارســـال مـجـانـي يجينـي مــا يجيـنـي مــن وفــا ولا جـفـا وصــدود اهـلــي بـالـجـروح الـلــي تلاحـقـنـي وتـنـصـانـي واتــوق ولا يكفيـنـي سـلامـك بالعـيـون الـســود سلام الله على عيونـك يـا احلـى طيـش صبيانـي ضمـا كـل السنـيـن المقفـيـه فــي اخــر العنـقـود وريـق النحلـه اللـي شاكـس فراشـي وحيطـانـي بـلـيـت بـحـبـك وظـنـيـت انـــي بجـنـتـك مـوعــود يــا عـطـر ذايــب بافـكـاري واوراقــي وفنجـانـي يـا ابـداع الكريـم المبـدع اللـي صـورك بالـجـود جمـع فيـك الالـه الزيـن مــن مسـلـم ونصـرانـي دخيـل عيونـك اللـي لانصتنـي مثـل صــف جـنـود بساعـة حـرب والقـصـف المكـثـف دك شريـانـي دمــار شـامـل وعيـونـك جـسـوره للهلاك تـقــود نظـامـيـه ومثـلـهـا بـنـظـام الـجـيـش الاسـبـانــي حبيبي يا رهيـف الحـس يـا ليـن يـا غـض العـود يـحـق لمثـلـك ان زاد الـدلـع يـــا سـيــد خـلانــي تـدلـع واسـتـفـز حـروفــي ولـعـهـا تـقــل بـــارود وبعـثـرهـا وكـسـرهـا وحـررهــا مـــن اوزانـــي امـانـه مــا علـيـك الا تمـيـل ومطـلـبـك مـوجــود يلبـى لـو تقـوم الـحـرب مـثـل حــروب الافغـانـي انــا تـهـت بـغـلاك وجـيـت كـنـي تـونــي مـولــود نسيت اسمي وتذكرتك وذكرتك وذكرتك بعنواني يا اعذب جرح وجروحي كثيـره وطالـب المعبـود انــا سـلـمـت يـــا ظـالــم اذا يـرضـيـك حـرمـانـي واذا كان الهوى حاكم مع المؤذون اجيب شهود ويحكـمـنـي بتـأبـيـده عـشــان تــكــون سـجـانــي القصيده بعد التعديل سوالف شهــــرزاد وهاجسي واللــــولو المنضود وبقايـــا الليل وشمــــــوع الحنين ونــوم عدواني على ميعـــــاد وحروفي تسافـــر في هبـوب النود وعنوان الغـــــلا مفتـــوح والارســــــــال مجاني يجيني مــــــا يجيني من وفـــا والا جفــا وصدود اهلي بالجـــــروح اللــــــي تلاحقني وتنصـــــاني واتــــــــــــوق ولا يكفيني سلامك بالعيون السود سلام الله على عيــــــونك يا حلى طيش صبياني ضمى كل السنين المقفيه فــــــي اخـــــر العنقود وريـــــق الليله اللي شاكس اوراقــــــي وحيطاني هنا مربـــــــط فرس فكري قبل غارة خيول الجود لوجــــــه يشتهيه الشعر ويسافــــــــــر بشرياني هنــــــا بين الشموع وصمت الاشيا والكلام حدود تقهويت الغـــــــــــــلا حتى نعست وفرت احزاني هنــــــا همي هجرني جعل همي من نصيب الدود وانـــــا جعل الليـــــــــال البيض حولي ما اتعداني هنـــــا والليله اللي في ثناياها بـــــــــرق ورعود رعت حفل القلــــــوب وسيرت بي فوق الامزاني وانــــــا لولا الغلا ما سج فكري في وصل ووعود ولا لديت بدروب الـــــذي رمشـــــه تبـــــــــلاني وترى اللي ساقك بدربي مثل سوق الضمى للذود نهــــار مــــا رعوه البــــــــدو بفياض وريضاني قصد خضـــر المشاعر والضوامي مـا عليها قيود وطــى جمـــر المسافـــــات وراه اصوات رعياني غـــــلاك وجيتني جيـــة وفــــا والا قديـم عهود سقى الله خطـــــــوة اللي متعب رجله على شاني وانا ما قلت لك هــــــون على قلبي يا غض العود يحـــــــق لمثلك ان زاد الدلــــع والا تناســــــاني لك عيــــون تبيع المــــــوت وان جادت تبل كبود نصيبي بالعيــــــــــــــون الظالمه ياليت مجــــاني اذا اقبلت وعيونك يطــــــــوقها حــــــرس وجنود نظاميــــــــــــه واشبها بنظــــام الجيش الاسباني تقل ليلة ربيـــع مزينه ونجومها بــــــــــــــــارود واصابيعك على زنــــــــــــــاد الغلا والهم يفداني حبيبي وان بقى للشعر وابيـــــــات القصيد وجود خذ اللي مــــــــا كتبته قبــــــل لا اشوفك وتلقاني بقلمي / عيسى العنزي |
|
|
08-16-2020
|
#2 |
|
صح بووووووحك حبيت البيت الاخيررر قبل التعديل اقووولك كلهااا حبيتهااا اقسمم بالله انك شاااعر واانك رااعي حررف يكيف الرااااس |
|
|
|
08-16-2020
|
#3 |
|
صح بوحك على قبل وبعد كلها في تفس المجرى والمجره فكرك مايحتاج بطل بيض الله وجهك |
|
|
|
08-16-2020
|
#4 |
 
|
صح لسانك.على القصيدة واضح انك شاعر وعندك طاقه شعربه تقييمي وختم ونشر |
|
|
|
08-16-2020
|
#5 |
 
|
صح لسانك وبوحك يعطيك العافيه |
|
|
|
08-16-2020
|
#6 |
|
واذا كان الهوى حاكم مع المؤذون اجيب شهود ويحكـمـنـي بتـأبـيـده عـشــان تــكــون سـجـانــي الله ياعبسي من اين لك كل هذا الجمال في التركيب في الثنتين مبدع ونفس النفس والروح متمكن جدا مما تكتب القصيده مميزه معنى وقيمه اشكرك يالامير |
|
|
|
08-16-2020
|
#7 |
|
ماشاء الله عليك ياخوي و صح الله لسانك قصيده جمييييلة للغايه تسلم على هالعطاء الراقي لا تحرمنا من حضورك المثمر |
|
|
|
08-16-2020
|
#8 |
|
صح لسانك و سلم نبضك حياك الله شاعرنا لك خالص الود والاحترام حفظك الباري وأدامك |
|
|
|
08-25-2020
|
#9 |
|
|
جميل واكثر ماشاء الله اخوي اعجابي وتقييمي |
|
|
|
08-26-2020
|
#10 |
|
صح لسانك ابيات جميله صادقه المعنى سلمت |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
العرض العادي
