جيتك شايل قلبي على كفي اقول اللي مضى يكفي

خلاص لا ترجـع ترانـا سلينـا
ما كنت أصدق يوم اني أبنسـاك
في بعدكـم يامـا عليكـم بكينـا واليوم ماتطري على البال طرياك
وأنا ادري انك رغم صدك تبينـا لا شك ناسٍ ضدنا تقصر اخطـاك
من سكرة الحب الصناعي صحينا
................حتى المجالس عفتها خوف ذكراك
خل اللذي غيـر حنانـك علينـا
............يعطيك من قلبه ربـع ماعطينـاك
بـ.. حلام ليلي لو خيالك يجينـا قضيتها لليل فـي دفـن ذكـراك
وش عاد لا صار السلام بيدينـا قلبي وقلبك بينهـا دارت افـلاك
ودعت ماظـي حبنـا وانتهينـا
..................وقلبٍ نسيته يوم لا بـد ينسـاك
ذكـراك ياغـدار هانـت علينـا
...................حتى دموع العين فرحة بافرقـاك
حبٍ جديـدٍ غيـر حبـك لقينـا
حديتنـي جعـل الليالـي تحـداك







أنا تعلمت الجفاء مـن تغليـك ومن المذلة والخضوع انتهينـا
من كل قلبي يشهد الله ناسيـك
................غير الضياع بحبكم وش لقينـا ?
ابحتفظ في عزة النفس مابيـك
.............بالناس نلقى اللي نبيه ويبينـا
مما معي زينت للنفس ماضيـك
في درب حبك ليتنا ما مشينـا هديت عرش الحب يازين بايديك
من بحر حبك بالنجـاة اكتفينـا ذاب الحنين بعين قلبٍ تراعيـك
مثلك على النسيان والله قوينـا
...............أنهيت قصة حبنا فـي تغليـك
أمسح دموعك بالجفاء ما بدينا











ياللي تناسيـت العهـود الوثيقـة
..........ماعاش من قبلك بدنيـاه مرتـاح
لابد من يـومٍ وتلقـى الحقيقـة تشوف لوعات الزمن كيف تجتاح ؟
وتعود لي طيـرٍ مضيـع فريقـة وأقول يا غدار عهد الوفـاء راح
..........تغيرت حتـى الوجيـه الصديقـة
والقلب الأبيض أصبح اليوم سفاح
يا ما تحملـت الجـروح العميقـة والشوق بعيوني الا أقفيت فضاح
فيما مضى روحي بحبك غريقـة مثل السفينة بالبحـر دون مـلاح
واليوم أنا قلبـي تغيـر طريقـة
..........مايرجع الماضي بالأعذار يا صاح
في خاطري عبرات هـمٍ وضيقـة
.......وشلون مات الحب في عز الأفراح ؟







..............حاول تقدر موقفي لـو تكرمـت
من شان ماض راح تسمع دفاعي
قبل الزعل ليتك لوضعي تفهمـت ما بيننا عشرة عمر لو تراعـي
تراك في حكمك علينا تسرعـت
............خلك حليم ولا تصيـر اندفاعـي
كان الخطى مني فأنا لك تعـذرت قلبك عطوف و ما يسرك ضياعي
..............دامك بقلبي من إسنين تحكمـت
ما شوف لهروج تجي منك داعي
كل الهموم أنساه لا مـن تبينـت أهواك أنا مهما تكون اندفاعـي








لولا الوفاء ما شدني لك جمالك
لا يخدعك وقت الندم لو صفالك
إخلاصك الوهمي كشفناه تالـي هديت كل اللي بنيـت بخيالـك
غروك ناسٍ يدعون الوفا لـك
..............حديتن أبعد يالغضي عن مجالك
ما طاع قلبٍ يبتعد قال وشلون
..............وشلون قلي تبتعد عن ضلالك
في عزتي للنفس يا قلبي بعته
ما ظنتي يا قلب يلقـا بدالـك
أختار درب الشوق يا قلب خله يا قلب إنساه واذكر اللي جرالك ~




قلبي لقى غيركم شخصٍ يهلي بـي
..........يشفق علي وأنا بالحيل مبلـي بـه
أرجوك لا تعتذر يكفيني اللي بـي والله يسامحك منك العذر مالي بـه
من واهجٍ بالحشا شقيت أنا جيبـي
...........ومن لامني بالهوى يصلى لواهيبه
لولاك للنـاس مابانـت عذاريبـي يا ما تجاهلت حبي وأنـت تدريبـه
يوم أنت مرتاح في همي وتعذيبـي
..............ماقلت لك يوم ... تفقدني وتبكي به
يازين ماشوف لك عندي مطاليبـي
...........حبيت غيرك وحبك ويش أسوي به ؟







ذكرتني حبك وأنا أقول ناسيـه
جرحت جرحك يوم قرب يطيبي
في شوفتك شديت قلبي لماضيه يوم أنت عني ساعة ماتغيبـي
يا للي تلوم القلب بفراق غاليه
ليتك بدنيا الحب تأخذ نصيبـي
تمشي بدرب ما تحسب تواليه ماتدري إنك بالنهاية صويبـي
تذكر حبيبٍ راح تبكي لياليـه
دار الزمان وكل شمس تغيبـي
بيديه قلبي يا عرب كيف أخليه من حبه الظالم تعـذر طبيبـي




لو طال صبري يا هوى البال له حد ماودي إنك توصل الصبـر حـده
............رسمت لك شكواي والدمع يشهـد
عقبك خطير القلـب ينبـاح سـده
كيف أحتمل ياعزوتي عيشة الصد أعطيك روحي والشقاء لـي تمـده
حاولت كتم الشوق والشوق يشتـد
أرحم رحمـك الله ترانـي بشـده
لا تجرح المشتاق في قاسي الـرد قلبي عن الفرحـه معـك لا تلـده
......قلبي معك والله ماخنت لـك عهـد
ليت الحنان اللي مضى لـي تـرده







عفت أنا الدنيا إلى جـار الصديـق كل واحد صار بالشكـوى يضيـق
من يدور لـه بـذا الغابـه رفيـق ينقضي عمـره ولا يلحـق منـاه
دمعتي تجري ولا أحـدٍ لـي بكـى
.........عندهم شكـواي ماتلقـى صـدى
ياوجيه الغدر ويـن أهـل النـدى أبعدوا عنـي تـرا عفـت الحيـاة
كم انا مخدوع فيكـم مـن سنيـن
..........عشت أنا المظلوم وأنتـم ظالميـن
لـي خفاياكـم ورا تـوه تبـيـن
يوم دار الوقت وأظهـر لـي رداه
كنت أشارك في هموم الكـل منكـم كم تمنيت أحمل الضيقـات عنكـم ~
لو دريت أن الوفاء وهـم بنظركـم
........ماقضى عمري وأنا أزرع في صفاة





منك انتهينا يـا مخيـب رجانـا الصبر طال وعذبتنـا المشاويـر
في موت حبك يجبر الله عزانـا
.............بيدك رميته لا تقـول المقاديـر
لولاك حنـا مـا تبـدل غلانـا
كل الوفاء منا ولا منـك تقديـر
قلنا سحابة صيف تعبـر سمانـا وتزول ماله في سماء الحب تأثير
غدرك على نسيان حبك حدانـا
.......هذي سواتك ماتفيـد المعاذيـر
عفناك واللي عالـمٍ فـي خفانـا البعد عنك أرحم وقلبك مع الغير
تبيعنـا واليـوم تبكـي هوانـا
لا يا عديم القلب فرقاك لي خيـر






.........أنا عرفتك بالهـوى ألـف خـداع
وأنا بنظرات الوفاء منك مخـدوع
لا واحسايف عمري اللي معك ضاع لا صار لك قلبٍ على الغدر مطبوع
تركتني وحدي على الدرب ملتـاع أخذت عمري والعطاء منك ممنوع
تبي السموحه وأنت لي صرت بياع
............وما زال قلبي من سواياك مفجـوع
يا ما نهيت القلب لاشك مـا طـاع
...........وأنا أشهد إني مابعد شفت لك نوع
ما نيب لا عذار تجي منك سمـاع
يكفين ماعشتـه بدنيـاك مخـدوع





مابك رجاء ... من حبكم طابت النفس
ماشفت بك زودٍ علـى باقـي النـاس
................جمالك الفتـان ماشفـت لـه جنـس
وش فايده ... ليتك بنيته على سـاس
قلبي عليك اليوم ماهوب مثـل أمـس
دور وتلقى اللي يشده لـك احسـاس
ليلـك طويـل ماتبينـت لـه شمـس عمري قضى بين الرجاء فيك واليـاس
حاولت اجاهد عبرتي والخبـر همـس اضحك واكذب مـن يقولـون لابـاس
متى ... تعاني لوعت الحـب وتحـس
في حالتي ... ولا أنت معدوم الاحساس ؟؟











ودي لكم .............

الله رووووووووووووووووووعه يالبرق

رااااااااائعه بروقه في كل شي

ربي يسعدك

الرووووووووووعه بطلتك مهاوي

منوره المتصفح نظوره لاعدمناااااك غلاي

مشكوره البرق الله يعطيك العافيه

ويعافيك سعودي على الطله الرائعه

ألف شكر

مروري شكر وتقدير للمجهود الراقي

شاكره تواجدك اخوي عود الليل

يعطيكـ العافيه ياغلايـ
ربي يسعدكـ