قصيدة نصحوني ما احبك

نصحوني ما حبك بعد ماغبت ربعي
وكلت لا هاي غيره وحسد
وطرزت وكتك ها شلونك شكو
محبوب كلبي شوكت نام وكعد
شوفتك شلون اهتمام الابو
للماله خلفه وصار عنده ولد
كمت احجي وي روحي وكلهم سمع
ومرتين ضحكو لما كلتلهم جنه رد


يل صغرتني شوارب ومسبحه
وبمرجوحتك كالو الشايب صعد
وكالولي حب كبلك وبعده حلو
وماوكلت هذا شيعني وذاك شقصد
قصد بس اليخون يظل حلو على الهجر
يخرب شكل كلمن حبيبه ابتعد


يمعود اللفركه خريف البشر
اني ادري بس شوكي عليك اعتمد
وزامطت بيك اليدري راح انجرح
وكتله ارد احب خليني كلبي انمرد
شامه على رف اظلم كضيت العمر
ليش ارجع وربك شمرني على خد
ومن خوفوني بنارك اتشجعت
الفانوس يوكف كلبه كون انخمد
وعشتك حلم مابيه ملامح جرح
وشميت نيتك مال اظل للابد
للكبر ظامن جنت حبك الي
تفكيري جان البرزخ وما بعد
وبالجنه يجمعنا الله لو نفترك
نتحاظن بفد كبر كلمن وحد
وكتلك متكسر خاطري كلتي افه
وكتلك متنساني و كتلي وعد
وجا هذه دمعي شورجه على الجفن
وياهو الرويته ملاكه وانطاني صد
تلاكيني مثل الفاقد الذاكره
تعبرني جنك ما ملاكي احد
يمعود اني العاندت صحبتي
الحالفله بعيون امك اتظل عهد
حبك تفاصيلك طلعن جذب
ليلقبك الدافي بغيابك برد
خنت ويا الأحسن مني
احسن مني بس بالجذب
توهمك مابين المطر والرعد
انت الرحت بس اني لتبهذلت
لاموني مثل الغير ربه عبد
هيه العواصف من تهج على الخيم
الدك والحجي يوكع براس الوتد
لو ادري طبعك باب مامر وجه
شما حبت البيبان تاليها سد
وما ادري كلبك سله بيها نقص
حسبالي وحدي ثاري كم العدد

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

راقني انتقائك الماسي
تسلم يمينك
ودام عطائك العذب
پآقة ورد

*،




آنتقاء مميز .. مَ ننحرم من جديدك

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

الله يعيطك العافية

طرح رائع
يعطيك العافيه

سلم ذوقك واختيارك
ربي يعطيك العافيه
وما ننحرم من جمال طرحك
لروحك الجوري

سلمت أناملك لروعة ذوقك
يسعدك ربي ويحقق أمانيك

سلمت يمناك
طرح جميل جدا