الحب بحر غزير ضمنى جاله

حل الهوى واستقر من بعد ترحاله
في وسط قلبي وانا للهم حمّالي
صار الجسد له وطن والقلب يهناله
حرّم عليّ السّعد واوثق لي احبالي
اسقى فؤادي القهر وادمتني انباله
اقفل دروب الرجى وانهالي امالي
شلت العنى ما كفى واشقتني اهواله
كاس المسره انكفي ما يرتجع تالي
ورد المحبه ذبل والقلب عزآله
من حر ما به غدت نومته مقيالي
طال السفر ما وصلت إل بارد اظلاله
خلص كثير الصبر وانهدت اجمالي
وصلت مواري الشتا واشتقت لوصاله
احس فيه الدفى لا هبت اشمالي
وش حيلة اللي ارتكى للحِمْل بلحاله
لا قربوا له ولا منوه بوصالي
يامن بليتوا الهوى خلوه في حاله
ما هوب سلعه ولا ينقاس بالمالي
الحب بحرٍ غزير ٍضمنى جاله
ما توب عنّه ولا لي عنه ترحالي


بقلم

الشاعر / نايف النايف .....

يسلموووووووو برووووووووووقه

بااااااااااارك الله فيكـ

تسلم يدينك يــالغلآ ’’
طرح ولا أرووووع ’’
تقبلي مروري ’’

ألف شكر

مروري شكر وتقدير للمجهود الراقي