رواية جفاف وردة بيضاء في رُكن الذكريات /30

..

.. ( البارت الثلاثون ) ..
.
. ‏
غدا ألقاك أغنية
‏يحنّ لشدوها.. قلبي
‏وكم سكرت حنايانا
‏وتاه البعد.. في القربِ
‏فلم نعرف سوى النجوى
‏لنحيا الحب.. للحبِّ ‏
" فاروق جويدة "
.
.

تركي جلس ونظر لشقة الصغيرة : مطول بذي الشقة .
سيف جلس امامة وبضجر : بطول ويمكن اموت فيها، لكن رجعة لبيتنا مستحيل .
تركي بملامح كُره وحقد : اذا تذكرت اخوك مدري وش يجيني .
سيف بهدوء ضايق : هذا مهب اخوي اللي اعرفه لكن ايام ، وكل شي بالنهاية بينكشف .
تركي بعدم فهم : وش اللي بينكشف .
سيف بتغيير للحديث : مابي اصدمك واقول محمد طلب هاجر ترجع للبيت .
تركي كشر بقرف : في احلامه ، وانا اقول جات منه زوجني اياها يبي ياخذها بعد .
سيف بملل : نطلع مكان ؟! .
تركي بتسلية : وين يمكن يكون رياض بوقت اجازته ؟! .
ضحك سيف : نسال عنه .
وقف تركي : انا متاكد بمكان يهول .
..
صعد السياره حاملاً ثوبه المكوي : روح اقرب حمامات ع الطريق عشان اللبس .
بملامح اشمئزاز استدار له ماجد : بلعت موضوع انك تكوي عند اي مغسلة فوقها تبي تلبس بحمامات .
ابتسم انس ابتسامة صغيرة فالاحداث الغريبه لاتسمح له بها : اذا مشينا ع هواك تاخرنا .
ماجد قاد السياره بسرعه واتجه ناحية شقته : بنروح لشقتي .
بتر جملته وهو ينظر لنصف وجه انس : الا ليش خليت الحرس يروحون .
انس مسك راسه من الصُداع : وجودهم زي عدمه .
ماجد تنفس بغضب : كيف وجودهم زي عدمه ؟! .
انس بنفاذ صبر: ب اختصار مابي احد وراي .
ماجد بقهر : انت مو عاجبني .
ضحك انس بسُخرية : هو انا عجبت احد من قبل ؟! .
وقفت السياره امام المكان المقصود وترجل ماجد هاتفاً : انزل بس ي عريس .
حمل انس ثيابه وتبعه وبهدوء : رقم الشيخ فلاح عندك ؟! .
وقف ماجد بصدمة : وش تبي فيه ؟! .
انس بملامح جاده تُخبي خلفها الكثير : بتملك اليوم .
ماجد بتلعثم : اهل البنت ردو عليك خبر .
واكمل بتردد : لاتطيح بغلطي .
انس نظر وغمز له ساخراً : يمكن احبها زيك .
بندم هتف ماجد : وانا قلت عقلك بذاك اليوم مو معنا .
انس اشار لراسة ببتسامه مُتعبه : مستحيل انسى كلامك .
واكمل وهو يتبعه : راكان رد علي انهم موافقين برساله لكن يبيني بموضوع .
ماجد بتساؤل : وش الموضوع ؟! .
انس وقف خلفه وعيناه على ظهر ماجد وهو يفتح الباب : اكيد ماغيره .
ماجد نظر له : طيب وشهو؟! .
انس نظر بصدمه وهو ينسى ماكان يُريد ان يقول .
..
تتوسط اريكة الصاله وساقيها مُمدده امامها ونظرها على التلفاز وبتذمر جائع : وهذا مايقول فيه انسانه وراي ماعندها اكل ، يكفي بالع مع ولد عمه البارح وسحبو علي .
وقفت وزفرت انفاسها بخطه خبيثه وتحركت بخطوات واسعه وقفت امام الباب ونطقت بصوت عالٍ بعد ان فُتح : انا بموت من الجوع وانت ماهمك .
سكتت ونظرها لمن خلف ماجد ، ابعد انس نظره وتحرك مُبتعداً بخجل .
تقفل الباب فجاه بقوه ولازال نظرها معلق بالهواء ، شعرت بكف ماجد الضخمة ضاغطاً على ثغرها و بفحيح : فيه احد يوقف قدام الباب .
رفعت يديها محاوله ابعاد كفه عن ثغرها وبلعثمه : مادريت ان احد معك .
ترك ثغرها وسحبها من عضدها وبغضب : وش بيقول انس عن اللي شافه وسمعه .
دفعها داخل الغرفه وبغضب : موتي جوع .
ابرار تحاملت ووقفت قبل ان تسقط وبرجفه : مفروض تقول لي قبل تجيب احد .
بعينان اشتعلت : لاسمع حسك .
وتحرك بسرعه خارجاً و بتهديد : موتي عشان ارتاح ي مصيبه .
جلست بتثاقل وملامح انس تمر عليها اطول واجمل بكثير من ماجد يملك عينان حنونة .
اغلقت عيناها بضيق مُبعده ملامحه عن عقلها ، وتنهدت مُتذكره الموضوع بفشله اكبر .
..
بحث عنه وتنهد وهو يراه يخرج من حمام الفندق .
ماجد اقترب وبتوتر : اللي شفته .
قاطعه انس وبهدوء : ماشفت شي .
وبملامح مُستفزه : اعطيتها شي تاكله ؟! .
عض ماجد شفاهه السُفليه وبغيض : توك تقول ماشفت شي .
ركب انس واغلق الباب مُعدلاً شماغه في المراءه العلوية : ماشفت لكن سمعت .
ماجد اتجه ناحيه الباب الاخر وحاول فتحه هاتفاً : خلها تموت وش عليك .
اغلق انس قفل الباب من جانبه : ماراح تروح معي .
ماجد ركل الباب وبغضب : انس افتح الباب .
انس بغيض : البنت جوعانة ، وانت تبي تروح وتخليها ؟! .
ماجد زفر انفاسه وبهدوء : بروح وبرجع .
هز انس راسه وابتسامة مُتعه علت ثغره همس : وهذا وهو يحبها .
..
ماجد وقف امام موظفين الاستقبال وبهدوء : جناح رقم ** ، وصلو له اكل .
الموظف ابتسم ب احترام : اوك .
دفع النقود وخرج وهو يُغلق محفظته .
اعاد انس ظهره للخلف وابتسم براحة مُغلقاً هاتفه : حسيت اني ابوك وابوها وتوني ارتحت لما اكلتها .
سحب ماجد الباب مُعلناً اغلاقه بغضب : سوق وانت ساكت .
انس التزم الصمت وتفكيره يقوده لامور بعيده .
خرج من دوامت تفكيره على صوت ماجد : من كنت تكلم ؟! .
انس بلل شفاهه وبعينان على الطريق امامه : احمد .
وبتساؤل هادي : ابوي وش عرفه ببيتهم ؟! .
ماجد وملامحه تلين : مدري .
نظر انس لساعة وتافف بضجر : تاخرنا كثير .
..
وقف راكان حاملاً براد القهوة : فنجانك ي عم .
مد ابو انس فنجانه ونظره لابو علي مُخفي خجله : انس عنده شغل ويعتذر منكم .
ابو علي وملامحه المُجعده تُزينها ابتسامه : تكفي وتوفي .
ابو انس بصوت رخيم : ها حنا جايين نطلب القرب .
قاطعه ابو علي : لازم تعرفون شي .
ابو انس بتوتر قبض على اصابعه : حنا عارفين .
راكان وفهد رفعو نظرهم بصدمه .
فهد همس : وش عرفهم .
راكان تنهد براحه : سعود وهو خويي مايدري .
واكمل همسه : احس هم وراح .
ابو انس هتف محاولاً تدارك الحديث : انا بجمعية الحقوق اللي قدمتوها لها .
ابو علي ابتسم : الحمدلله .
قطعو حديثهم على دخول انس وماجد خلفه : السلام عليكم .
اغمض ابو علي عيناه براحه شاعراً بحمل يخف عن ظهره .
ابو انس ابتسم الاخر براحه .
بعد اخذ الاخبار هتف انس بصوت رخيم : دام البنت موافقه فالملكة اليوم .
اتسعت عينان الجميع دهشه ، وهز راسه ابو انس بتاييد : خير ماتسوي ي ولدي .
ابو علي وقف بثقل مُتعب : تعال .
ابو انس انزل راسه بتوتر .
وقف انس بثقه وتبعه بهدوء .
وقف راكان من جديد على صوت طرق الباب .
هتف ماجد : هذا اكيد احمد والشيخ .
..
وقف بمجلس ذا اثاث بسيط وصغير نسبتاً بالمجلس السابق ، اشبه مايكون غرفة طعام .
ابعد نظره عن التجول على صوت ابو علي : انت عارف ان البنت مالها اصل لكن لها اهل .
اخف انس غضبه من هذا الموضوع : ايه .
ابو علي بجدية : دامك عارف ليش خاطبها ؟! .
بعينان مصدومه : كيف ليش خاطبها ؟! .
ابو علي بحده : اذا مفكر ان البنت مالها اصل بتسلئ فيها .
قاطعه انس : تربيتك وهذا يكفي .
وبصوت مبحوح رجولي : ماخطبتها الا ابي القرب منك .
ابو علي انزل نظره على يديه المُتكيه على العصاء امامه وبهدوء : عندي اربع غيرها .
انس قاطعه : مانبي غير اريان .
ابو علي رتب على عضده وبملامح ضايقه ومتعبه ظهرت من بينها شبه ابتسامه : اريان تسوى كل عيالي ، ولا تجيني يوم مضيومه ماعاد تعرف دربها .
انس حبس كلماته الساخره : اللي تامر فيه ي عم حاضر .
ابو علي بوجع سنين هتف : لقيتها عند باب بيتي ومالها شهر ، ولما بكت تبي الحليب ارضعناها مع تركي ، صارت بنتنا واغلى ، ولما طولو اهلها ماسالو عنها وديناها لجمعية كانو بياخذونها منا لكن رفضنا وطالبنا ، وكبرت بينا .
ورفع نظره وبعبره غصة في بلعومه : اريان الشوكة تجرحها ف انتبه لها من اللي اقوى منها ، والله الله ببنت الصايل ي ولد العايد .
انس توتر من حديثه الغريب وبعض جُمله المُبهمه : ابشر .
..
وقف احمد والماذون على دخول ابو علي وانس الذي يتبعه بملامحه شاحبه .
هتف احمد : والله شكله مغصوب .
ماجد هز راسه هاتفاً بخفوت : هذي مايبي لها، لكن كان وجهه طبيعي قبل ياخذه الشايب .
الماذون فتح دفتر عقد القران : بسم الله .
واكمل ونظره يتجول بينهم : العريس يقرب والشهود .
همس راكان لفهد : مارد ؟! .
فهد انزل نظره لهاتفه : جوال تركي مقفل ، وعلي مارد .
رفع نظره على صوت انس : ماجد واحمد الشهود .
الجميع علت ملامحهم الدهشه من اختياره الذي لا مجال للاعتراض فيه .
الماذون تصنمت يده عن الكتابه ورفع نظره ب استغراب : متاكد ي انس ؟! .
الجميع فهم مقصده الا احمد وماجد .
انس نظر لوالده وبعينان غير راضيه هتف : ايه .
الماذون الشرعي بهدوء نظر لابو علي : كم لها معكم ؟! .
ابو علي : ٢٠ سنه .
الماذون ببتسامه وحكمه ونُصح : جزاك الله خير ، خير ماسويتو .
نظر لانس وبعد صمت ثواني : انا اعرفك واعرف اهلك من سنين ، وعارف انك مانت ظالمها ، ولا الظلم يطلع منكم والميزان عند الله هو تقوى الله عز وجل دون الحسب والنسب وقال تعالى في كتابه : {يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ} [الحجرات: 13]، وجاء في حديث أبي هريرة رضي الله عنه عن رسول الله صلى الله عليه وسلم قال : "تنكح المرأة لأربع لمالها ولحسبها وجمالها ولدينها فاظفر بذات الدين تربت يداك "، وقال أيضا: " من تزوج امرأة لجمالها ومالها حرم مالها وجمالها, ومن تزوج لدينها رزقه الله مالها وجمالها " .
ومسك ظهر كف انس وبهدوء : الزواج من لقيطه بجتمعنا صعب ، لكن السهل اذا صرت قوي ولاسمعتهم ، وان شاء الله انها بتكون ام عيالك .
ماجد اتسعت عيناه ونظر لانس بصدمه ، احمد انزل نظره محاولاً استيعاب ماقيل امامه .
انس بهدوء وكلام الماذون دخل قلبه قبل عقله : رغبت فيها زياده .
ابتسم الماذون وبدا يكتب الاجراءات الخاصه بعقد النكاح .
وقف ماجد برعب وحرك راسه بعدم رضى لانس وخرج تحت نظرات راكان وفهد .
اعتذر ابو انس وهو الاخر ينهض وصدره يضيق مما يسمع بسبب مافعله للفتاه المسكينه كل هذه السنين .
بلل راكان شفاهه ونهض جالساً بجوار احمد : انا اخوها وودي اكون شاهد .
رفع نظره الماذون وابتسامته زادت : خير ماتسوي ، والله ي وليدي كان فيني فضول اعرف كيف عايشه بينكم .
ابو علي ابتسم من بين ضيقه ناطقاً : راضعه مع واحد من عيالي ، وصارت بنتي .
وقع انس براحه غريب لاول مره يشعر بها في حياته ورفع نظره للماذون .
الماذون الشرعي اشار لاحمد بالتوقيع ثم راكان .
وهمس في اذن انس : ابوك ماهب راضي عن زواجك ؟! .
انس نظر جهة الباب : الا راضي وهو اللي طالبني .
نظر الماذون لتوقيعهم ثم اشار لفهد بحمله : يلا دور اختك توقع .
واعاد الماذون تكرار ماقال في الاجراءات : ماطلبوه اهلها مهر او شروط لازم يتم او يبطل عقد القران .
انس ابتسم : لاتشيل هم .
..
وقف بالمطبخ وتنهد هاتفاً لريما : نادي امي بسرعه .
دخلت والدته بعد دقيقه وبخوف : عسى خير .
رفع فهد دفتر ضبط النكاح : دورك .
ام علي وهي تتعرف ع الدفتر ضربت صدرها : من بتزوج .
فهد ابتسم : اريان بتاخذ انس العايد ، شوفي كيف ربي كتب لها الخير .
شهقت وبضيق : بنتي مانب مزوجتها توها صغيره .
فهد اتسعت عيناه وب استغراب: وش تقولين يمه ؟! .
ام علي : مالها عشرين سنه مسرع بنزوجها .
رفع فهد حاجبه وبُسخرية : شوفي نجلاء متزوجه ام ١٧ .
قاطعتة ام علي هاتفه : اريان غير .
..
اتسعت عينان الطفله لمعه ودخلت تجري ورمت جسدها في حجر اريان الجالسه امام الفتيات بالصاله .
اريان بخوف رفعت راسها مستغربه من بُكاها : ريوم وش فيك .
رفعت راسها وهتفت من بين شهاقات : بتتزوجين انس وبتروحين وامي ماتبي ، وانا بعد مابي .
اسيل فتحت عيناها : من انس اللي تقول ذي .
هاجر صفرت بخبث : تخيلي صديق راكان المزيون .
هند نظرت لهم وبضياع : انتم وش تقولون .
اريان بخوف من كل ماقالت : اكيد تمزح .
ريما بكت وبصُراخ : فهد قاله .
لم تُكمل جملتها ع صوت تنحنح فهد : ي ولد .
وقفت هاجر وبخطوات واسعه خرجت .
دخلت فهد على صوت هند : ادخل ي فهد .
فهد بلل شفاهه وبربكه من الموقف مد الدفتر : ابوي امس قالك ، وانتي رديتي بالموافقه ، والحين وقعي .
اريان تغير وجهها للخجل لم تتوقع سرعة هذا الامر ورفعت عيناها له وهي تتذكر حديث ريما .
اراحها سؤال اسيل الفضول : مين سعيد الحظ ؟! .
ابتسم فهد وانزل الدفتر امامها مُشيراً لاسم انس ، والتوقيع الفخم تحته .
صرخت هند ووقفت تبحث عن هاتفها : لاتكفين لاتوقعين خليني اجيب جوالي .
وقفزت اسيل الاُخرى : وانا بعد .
فهد بحدة : مابقى الا هي .
اسيل فتحت هاتفها وبدون مبالاة : لاتكون معقد كلها صوره .
اريان وملامحها تتجمد وعظامها تبرد والعالم يقف عند هذا الاسم هتفت ببرود غريب : مو موافقه ع الزواج .
ضحك فهد وهو ياخذ الامر بمُزاح : اخلصي بس ماهو وقت مزح .
دخلت والدته من خلفه وبهدوء ضايق : لاحد يجبرها اذا هي ماتبي .
فهد نظر لوالدته : يمه اكيد تمزحين ، هذا ولد العايد كيف ترفضينه .
ونظر لاريان : يلا اخلصي تاخرت .
وقفت اريان وبرجفه : قلت مو موافقه, الوضع غصب ؟! .
ترك الدفتر ارضاً وسحب ذراعها وبفحيح : كيف مو موافقه ؟!.
اريان هزت راسها : يعني مابي الزواج .
فهد بحده : رافضه الزواج ولا الشخص نفسه ؟! .
اريان بتوتر ابعدت وجهها عنه : الزواج .
ضحك فهد وحمل الدفتر : خلاص نعتبره خجل ، يلا وقعي .
اريان بحده : انا قلت مابي اتزوج .
صرخ وهو يُرخي صوته : قلت لك وقعي لا اذبحك ، مابقى الا هي ترفضين , والزواج ماهب الحين يعني ارتاحي .
اريان هتفت بخفوت : وش قصدك مابقى الا هي ترفض .
فهد بغضب وعيناه تشتعل : واضح كلامي ، ووقعي لاتفشلينا برفضك .
ام علي اقتربت وبامر : اطلع بالدفتر ودامها رفضت ماحد بيجبرها .
نظر لوالدته وبراس كاد يُجن : هذا انس العايد مُديري بالشغل ، تبون ترفضونه .
ونظر لاريان : لو انه رفضك كان بنقول ماعليه ، لكن ترفضينه وين كانت .
اسيل وهند وقفو يميناً وملامحهم تضيق ممايحدث امامهم .
اريان مسكت عبرتها وبهدوء مُختنق : قصدك لاني لقيطة .
صفق فهد وهو يُخفي شفقته : ايوه عليك نور ، ويلا ي حلوه وقعي .
اريان سحبت انفاسها محاوله ان لاتنزل دموعها وبهدوء غريب للجميع : مافكرتوا ليش خاطب لقيطه ع قولتك ؟! .
فهد بنفاذ صبر : يبي ياخذ اجر فيك اكيد اذا هذا اللي تبينا نقوله .
ام علي بضيق : بنتنا مافيها اجر اذا يبي الاجر منها .
دخل راكان وب استغراب : وش فيكم تاخرتوا ، فضحتونا في الرجال .
سحبت اريان الدفتر وبحديث صدم الجميع : صدمتوني ي اخواني .
ورمت القلم بعد ان وقعت وخرجت تحمل خيبتها .
راكان وقف وبصدمه : وش فيها ؟! .
فهد ضغط ع اسنانه وبقسوه : تقول ماتبي تتزوج .
راكان استدار لهند وبهدوء : قولي لها ماراح تندم ، لانها ماراح تلقى احسن منه .
وتحرك خارج وتبعه فهد .
مسحت ام علي على وجنتيها وابتعدت لغرفتها .
جلست اسيل وبضيق : ماتوقعت فهد يقول ذا الكلام لاريان .
هند فتحت جوالها وبهدوء : اشوف انه من مصلحتها .
..
رفع انس راسه على دخول راكان وفهد .
فهد مد دفتر ضبط النكاح : الله يبارك بينكم .
ابتسم الماذون ومد وثيقة عقد النكاح لانس : مبروك ي ولدي ، الله يجمع بينكم بخير .
هز انس راسه وهو يصطنع الابتسامه .
..
اريان ارتدت عبائتها وبرجفه بانت في صوتها : تعرفين شقه سيف .
هاجر اقتربت وبخوف : وش فيك ؟! .
اريان احتضنتها بقوه وهي تكتم دموعها عن الهطول : ع الاقل اخذتي واحد تحبينه ، لكن انا .
ابعدتها هاجر وبصدمه : كلام ريما صدق .
اريان سحبت انفاسها وبهدوء : شوفي كيف حظنا تزوجنا نفس الطريقه .
ضحكت هاجر واحتضنتها من جديد : ي زينها من طريقه دمنا زي بعض .
دفعتها اريان وبضيق : مو وقت تنكيتك .
هاجر بضيق سحبت عبائتها وارتدت ع عجله وب استغراب : بنطلع بدون يدرون ؟! .
اريان ب اشمئزاز وغضب يمتلكها من فهد وراكان وبالامس علي : خلاص تزوجنا ماعاد لهم كلمه .
انصدمت هاجر من جُملتها والتزمت الصمت وهي تربط نقابها .
خرجت اريان ولحقتها هاجر .
وقفو على صوت هند : وين رايحين ؟! .
اريان بكذب : تركي ينتظرني برا .
اسيل بملامح استغراب : وليه مادخل .
اريان بسُخريه : رايح يحتفل فيني .
وغادرت من امامهم بروح مكسوره .
..
استاذن انس وتبعه احمد وخرجو بهدوء .
هتف احمد بسكون غريب : مادري وش اقول .
نظر له انس وبعينان مُتسائله : عن ايش ؟! .
بلل احمد شفاهه وتحرك لسيارته .
تجاوزه انس ووقف امامه : ليكون عقلك مثل ماجد .
احمد بسُخريه وحده نظر لعيناه : حنا عارفين من عقله زي ماجد .
وهمس بقسوة : عصبيتك بالمزرعه كانت عشان ذا الموضوع .
وضحك ب استغراب : واليوم تتملك ومبتسم ، ودي اصدقك .
تجمد انس من حديثه .
احمد بهدوء تنهد : مبروك ي ابو عايد .
واكمل مُغادر : بكره عازمك بمناسبه ملكتك ، واليوم مواعد اختي اعشيها ، ولا كان .
قاطعه انس وهو يبتعد لسيارته : خيرك سابق .
ركب احمد سيارته وغادر من امامه .
انحنى على سيارته وفتح ازرار ثوبة فضيق صدره بدا يكتم انفاسه .
استدار على صوت الفتاتان الخارجات من المنزل وصوت نداء احدهم جذب اسماعه : اريان انتي صاحيه ، نروح بذا المغرب مع سواق .
اريان استدارت لها وبحده : ماتبين تروحين انطقي .
هاجر بتافف : وش ذا الاسلوب ، ترى انا ماسويت لك شي .
اريان زفرت غضبها وبتعب مسكت جبينها : مابي اسمع اي شي ، عشانك وعشاني .
هزت هاجر راسها : طيب .
وبعينان تبحث عن سيارة اُجره : ماراح يجينا احد وحنا هنا ، لازم نروح لشارع العام .
شهقت هاجر بخفوت على صوت فتح الباب خلفها .
اريان تماسكت واظهرت قوتها وهي تقبض على اصابعها .
خرج فهد هاتفاً بغضب : وش مطلعك بالشارع .
اريان عضت على شفاهها وبهدوء : بروح لتركي .
راكان من خلفه : تركي مقفل جواله .
اريان بحده : اعرف مكانه .
فهد بغضب : مجنونه ادخلي .
راكان بهدوء سحب فهد : فهد مايحتاج كل ذي العصبيه .
اريان رفعت نظرها لراكان وحركت راسها بعدم رضا لكل هذا .
ابعدتها لتقع في الواقف يميناً ونظره عليهم اشتعلت عيناها بكُره حاقد .
نظر راكان لمن تنظر واتسعت عيناه فشله .
وهتف بهمس : ادخلي اريان .
ابتسمت بشماته وتحركت يساراً .
سحب فهد ذراعها وبفحيح : لاتخليني اسوي شي ، وانا ماودي فيه .
تقدم انس وبهدوء صدم فهد الذي لم يكن يعلم بتواجده : اتركها ي فهد .
فهد تجمدت اطرافه وفك ذراعها وهو يستدير له .
انس نظر لاريان وتحديداً لعيناها : ماقلتو ان البنت مجبوره .
اريان نظرت له وبحده : ومن قال اني مجبوره ؟! .
وتحركت من امامهم مُبتعده ، وتبعتها هاجر بعينان مفتوحه .
راكان نظر لملامح انس المصدومه من وقاحتها وهتفت ب استغراب : وش عرفك انها اريان .
انس بتبرير بلل شفاهه : سمعتكم .
فهد بفشله : كان .
قاطعه انس ونظره لقفا اريان المُبتعد : لاتجبرها على شي ماتبيه .
فهد بحرج مرر اصابعه لشعره القصير : ماكنت ابيها تطلع بذا الوقت .
راكان اعتذر منهم وابتعد ناحيتهم .
انس استاذن وصعد سيارته وكُرهه لها زاد اضعاف وتحرك مُجتازها بسُرعه .
ضرب فهد قبضته بكف يده زافراً غضبه .
..
جلس عبدالرحمن وبتساؤل : وين احمد ؟! .
عبير ابعدت نظرها عن التلفاز : طلع العصر مستعجل .
عبدالرحمن ب استغراب : عسى خير ؟! .
لُجين غمزت له : ماعلموك ي خساره .
عبدالرحمن رفع حاجبه : بوش ؟! .
لُجين تربعت وعضت ثغرها وببطء : انس بيتزوج .
ضحك بعدم تصدقين : لو انك تمزحين قريب ، وش مطيرك لانس .
عبير لفت عليه براسها وببتسامه : والله الموضوع جد .
انزل نظره بتفكير ثم رفعه وابتسم وهو يتذكر : خلونا من انس .
وقف وجلس بين عبير و لُجين وبهدوء : خالتي كم مره كلمتك ي لُجين وقلتي انك رافضه ناصر .
لُجين حبست انفاسها ونبضات قلبها يزيد خفقانها .
اكمل عبدالرحمن : كلمني امس ناصر ، وانا عطيته الموافقه .
انتفضت لُجين واقفه : وانتي ع اي اساس توافق ؟! .
عبير التزمت الصمت وعيناها تُراقب انفعال لُجين الغريب .
عبدالرحمن بطولت بال : ولد خالتي ، وصديقي .
تحركت بغضب صاعده وهي ترمي بكلمات لم تصل لاذنه .
عبدالرحمن استدار لعبير : اقنعيها .
عبير وقفت ببتسامه عريضه : مايحتاج هي موافقه ، بس تدلل .
عبدالرحمن رفع حاجبه : قد قلت لكم البنت ذي وشلتها التؤام لازم يتعالجون .
ضحكت عبير بصوت عالي وغادرت من امامه وصوت ضحكاتها لازال يسمعه .
..
رفع نظارته قليلاً واتكى على الطاوله هامساً بتسليه : يسعد لي جوه .
سيف وهو يعطي الجميع ظهره وبقرف : خلاص شفت وينه خلنا نطلع .
تركي حرك راسه برفض : لا تونا جينا وين نطلع .
سيف تافف ورفع كاس العصير مُرتشفه دفعه واحده .
تركي وكتفيه تهتز مع انغام الموسيقى العاليه : بروح له .
نظر له بسُرعه وبحده : بلا جنون ، يكفي اني سمعت لك وجيت لذا المكان .
تركي بدون مُبالاة ابتسم واتجه ناحية التجمع الكبير .
سيف مسك راسه بكفيه واغمض عيناه بقهر .
..
في جهة اُخرى من الاستراحه .
حرك راسه برفض : كم مره قلت ماشرب .
صديقه ب خيبه امل : قلنا بتتغير .
جابر تافف وتحرك مُبتعد عنه ، وقف امامه وبغيض اخفاه : ماقلت شي يخليك تروح .
جابر امال راسه وبنفاذ صبر : وبعدين ؟! .
اختفى من امامه وهو ينفث قهره في من يتجاوزه .
تنهد جابر ونظره يتامل وشمه الذي طالما كرهه .
نظر لمن وكز كتفه وابتسم هاتفاً : هذا انت رياض .
رياض تامل ملامحه وانزل نظره لجسده المُغطئ بقميص ذا اكمام عاريه : اي نادي تروح له ؟! .
تكتف جابر وبتسليه تُخرجه من الضيق : ماحب سوالف البنات ذي .
رياض بملامح شحبت ابعد وجهه وبحده : صح قريب تعرفنا بس مالك حق تتمادى معي .
ضحك جابر بصخب : اعتذر .
ابتعد رياض بملامح وعيد هاتفاً : الحق ع مازن اللي جايبك .
ابتسم جابر ع قدوم مازن وهتف بصوت عالٍ حتى يصله بسبب صوت الاغاني العاليه : خويك رياض بيذبحك .
مازن بتعابير اصطنع فيها الخوف : لا عاد ليش ؟! .
جابر رفع كتفيه : صراحه مدري .
اقترب مازن هامساً : لاتغلط معه ثم يطيرنا من حفلته ، عاد من نلقى ناس تسوي حفلات كذا .
جابر ضحك بسُخريه : وهو من عشان يطيرني ؟! .
مازن بسُخريه همس في اذنه : رياض هاني الجابر ي حبيبي ، لاتسوي ماتعرفه .
جابر تشنجت ملامحه وثغره يتسع صدمه ونظره يقف على قفا رياض الواقف .
مازن ب استغراب : وش فيك ؟! .
جابر ابتعد وبتوتر اخفاه وريقه جف : بروح اشرب شي .
مازن استدار ع من حاوطت ذراعه هاتفه بضيق : خويك ذا ليش مغرور ؟! .
هتف بخبث وهو يتنهد ب اعجاب : عاليه خلينا منه ، الاهم انتي .
عاليه ونظرها يُراقب جابر : اوك حبيبي .
بدت تتمايل بجسدها بين ذراعيه .

..
تحركت بتعب وهي تشعر بإلم حاد وقوي في جسدها بسبب نومها الخاطئ .
فتحت عيناها وانفها يستنشق رائحه قويه ، وقفت برعب وتحركت فاتحه الباب بقوه .
استدار براسه وهتف بكُره : هذا اللي ناقصني .
ابرار بصدمه شلتها عن الحركه لثواني تجولت بعيناها في الصالون المُغيم من اثر التدخين : من متى وانت تدخن ؟! .
ماجد دفن راس السيجاره حتى يُطفها وبحده : ابرار مانب ناقصك .
وقفت امامه وانزلت نظرها لزجاجه عقب السيجار لتتسع صدمه من عدد العقب : صحتك ي مجنون .
وقف ماجد وهو يجد اخيراً من يرمي فيه قهره من انس : قلتيها صحتي .
ابرار عادت للخلف خطوه وبخوف من ملامحه الغريبه لها لاول مره : انا .
صرخ : انتي ايش ؟! .
مسك كتفيها وبقسوه هزها : انتي وحده دخلتي حياتي بوقت غلط .
وزفر غضبه هاتفاً : اصلاً انتي غلط ، انا كيف سمعت لابوي .
دفعها بقوه صارخاً : والحين انس راح يسوي زيي .
ضرب صدره بقهر : ليته رفض .
مسك راسه وبغضب ضايق : انس مايستاهل .
ابرار وقلبها ينكسر اضعاف : لاتكمل .
قاطعها بحده : انتي كيف رجعتي بعد كل ذا ؟! ، واضح انك تساعدين ابوك .
اقتربت بحركه سريعه ورفعت قدميها على اطراف اصابعها هاتفه وهي تُغلق ثغره : لاتظلمني ، يكفي الماضي .
تجمدت عيناه في عيناها وحاوط خصرها مُتكي بذقنه على كتفها هامساً : عمي جابر انس على لقيطه ، وهو عقد قرانه عليها اليوم أي اب هذا ؟! .
انحبست انفاسها ثواني واخرجتها ناطقه : الخيره في ماختار الله .
دفعها بقسوه واتجه ناحيه الغرفه التي بات فيها بالامس انس : مالقيت غير افضفض لك .
اغمضت عيناها بضيق على اغلاقه للباب بقوه وصوت تقفيله له .
جلست في مكانه على الاريكه وانزلت نظرها لزجاجه العقب وتنهدت هامسه : لا ماصدق بيعذبونها اكثر مني .
استدارت على اهتزاز الاريكه ورفعت هاتف ماجد وتنهدت واسم انس يُضيء في الشاشة .
جمعت كفيها ورفعتها أمام ثغرها هاتفه : ياارب رحمتك ولطفك ، يأرب سهل .
..
وقف احمد امام منزل خالته وانحنى براسه على المقود ف احداث هذا اليوم لاتُصدق .
تنهد بضيق فحتى وتين لم يعد يعرف عنها شي ، رفع هاتفه وكتب رساله سريعه لامل " انتظرك عند الباب لاتتاخرين " .
..
ابعدت نظرها عن وتين الصامته : اثير .
اثير بعينان متسعه حماس لمسلسلها المعروض في التلفاز : هاه !؟.
امل بحده : هويتي ببير مالها قاع ، وش هاه ؟! .
اثير تاففت ونظرت لها : انتي شايفتني متحمسه وش تبين ؟! .
امل بملل : نبي نسوي شي صاحي بدل الجلسه ذي .
اثير رفعت حاجبها : اذا انتي متملله وش دخلنا تشملينا ؟! .
نظرت للاشعار القادم ونهضت بعجله : كيف نسيت ، والله بوقته .
اثير نظرت لها بخوف : بتولدين ؟! .
تحركت بثُقل : لا بسم الله علي تو الناس .
ابتسمت وتين .
امل ابتسمت على ابتسامتها : ماودك تخاويني ؟! .
اثير بفضول : وين ؟! .
امل ب استفزاز : احد كلمك ؟! ، روحي دوري تؤامتك .
اثير بعينان ناقده : وجع بس ، وانتي عارفه اسير مع امي عند خالتي ام ناصر .
امل غمزت لوتين : هاه تروحين .
وتين بتفكير وقفت : اوك .
اثير نظرت لقفاها الخارج : ي سلام لو انا قايله روحي معي رفضت .
امل اسكتتها هاتفه : اسكتي وانا اخيراً قلت بتطلع وتغير جو .
اثير بتساؤل : من بيوديكم ؟! .
امل بكذب : مع السواق .
بعد دقائق رفعت نظرها على جلوس تهاني .
اثير امالت راسها : وانتي وش فيك بعد ؟! .
تهاني بضيق : اخوك رفض اروح لاهلي .
اثير ابتسمت : وهو وينه اخوي ؟! .
تهاني بملامح مغتاضه : نايم .
اثير بتردد : وش بينك وبين وتين ؟! .
تهاني بتوتر نظرت لتلفاز : مافيه شي .
ضاقت عيناها بعدم تصديق فالفجوة الكبيره بينهم ليست عمياء حتى لاتراها والتزمت الصمت .
..
دخلت عليها وهي ترتدي عبائتها : وش ذا اللبس ؟! .
انزلت وتين نظرها لما ترتدي جينز ازرق عالي الخصر وتشيرت عنابي : وش فيه ؟!.
امل مسكت نفسها وبتبرير : بس اقصد لو نشوف احد نعرفه .
وتين بللت شفاهها : اذا بنروح وبنشوف احد نعرفه ماراح اروح .
امل بضيق اصطنعته : وانا قلت بتطلعين معي تونسيني واونسك .
قاطعتها وتين وببتسامه هادئه : خلاص ولا تتضايقين , بس ماراح اغير لبسي .
مشطت اهدابها بالماسكرا وهي تزيد كثافتها وطولها ثم لبست نظارتها ورطبت ثغرها بملمع زهري .
ابتسمت امل بخبث وتحركت خارجه : يلا انتظرك تحت .
..
خرجت تتبعها وبهدوء ونظرها على حقيبتها .
تصنمت اقدامها عن الحركه على الصوت الرخيم : ارحبي ي ام وليد .
نظرت له بعينان مُشتعله ووقفت في مكانها .
هتف احمد وعيناه في وتين : وش ذي المفاجاه الزينه .
همست امل : لاتبين اني ادري بزواجك ، ولا رجعت المفاجاه .
ابتسم احمد وبصوت عالٍ : هذي مين اللي معك ؟! .
وتين بغيض وكُره نطقت : اعذريني ي امل ماقدر اروح .
احمد : افا ليش ي بنت العم ؟! .
امل عادت لها وهمست بضيق : انتي وش بينك وبين احمد ؟! .
وتين بتوتر : مابينا شي .
امل بعينان مُتسائله : طيب وش ذا الاسلوب ؟! .
واكملت ونظرها لاحمد الذي صعد سيارته : لاتنسين انه اخونا بالرضاعه واسلوبك معه .
قاطعتها وتين وهي تعتقد انها لا تعلم بزوجهما : ماكان قصدي ، بس استحيت .
اكملت بتردد وهي تنوي الهرب بعدم الذهاب معهم : بس شكلي بيكون غلط بينكم .
امل دفعتها من عضدها : وش ذا الكلام .
تنهدت وتين مُجبره : اوك عشانك .
ركبت خلف امل واغمضت عيناها بقوه محاوله ان لاتسمع صوته .
غمزت امل لاحمد وابتسم وهو يلف المقود يميناً .
احمد بتساؤل غريب قطع الصمت : وتين من متى تلبسين نظارات ؟! .
تاففت وتين بصوت عالي والتزمت الصمت .
امل ب استغراب : وتين ؟! .
وتين بخجل من ردة فعلها امام امل : هلا .
نظرت لاحمد وبهدوء وصل لوتين واحرجها : نقص قليل ومرات تحتاج تلبسها .
احمد بعفويه : اها لاني استغربت ذاك اليوم ماعليها .
امل اتسعت عيناها وبخبث : اي يوم ؟! .
وتين نطقت بعجله محاوله انقاذ الوضع : ايه ي انت اي يوم ؟! .
ضحك احمد بقوه حتى دمعت عيناه : ولا شي .
امل ضحكت من ضحكته وهي تفهم مايقصد : بديت اشك ان بينكم شي .
وتين بتوتر : مابينا شي .
احمد مسح عيناه وعدل صوته ناطقاً : اي والله بينا ونحب بعض وودي انك تخطبينها لي .
امل تصطنع الفرح : اجمل من بيتزوج ، واخيراً فكرت .
وتين اعادة بظهرها للمقعد وضممت كفيها وبغيض وكُره من حديثه : مو موافقه .
احمد نظر لامل : تقول موافقه ؟! .
امل استدارت لوتين وغمزت هاتفه : لاتستحين .
وتين بغضب وهي لاتنسى افعاله بها : والله ماتزوجك .
ضحكت امل بقوه ، ليتبعها احمد ضاحكاً من تسرعها .
وتين مسكت دموعها واتكت بذقنها على كف يمينها ونظرها لشارع .
امل مسكت بطنها وبتعب من كثر الضحك : متاكده ماراح اولد ع وقتي .
احمد ببتسامه ناسياً تلك التي بالخلف : تولدين بالسلامه .
واكمل : متى بتنتقلون لرياض ؟! .
امل بغيض مقهور : لو على كيفنا جينا من زمان ، لكن اشغال متعب يبي لها وقت .
..
راكان بهدوء : لنا ساعتين ننتظره ولا جاء .
اريان وهي تجلس اماماً بجواره : بننتظر بعد .
راكان بمُزاح : ليش ماتستحين زي هاجر ، شوفي من سحاها رجعت للبيت, ورفضت تروح معنا .
اريان تكتفت وبحده : لاتضايقوني طيب .
راكان لف عليها وبتردد : لو انك مارفضتي بالبدايه كان ماضايقناك ؟! .
اريان كتمت كلماتها الاذعه وهتفت : اها يعني لو موافقه من اول ماراح اسمعها .
راكان بهدوء : انا مادري وش ضايقناك فيه .
قاطعته : قفل الموضوع .
راكان ابتسم على صوت انفاسها الغاضبه : شوفي لي كم شهر اعرفه ، بس من اخلاقه كاني اعرفه سنين .
واكمل بعد صمت دام ثواني : ع كثر فلوسهم وسمعته ، ماحسسني .
قاطعته ساخره : يمكن لانك خوي ولد عمه ؟! .
راكان حرك راسه : لا .
اريان بعينان حاقده : اجل ؟! .
ضحك راكان وهمس : وش رايك نروح لمطعم ونتعشى ونروق ثم نرجع وان شاءالله نحصل تركي رجع .
تنهدت وبهدوء : خير تسوي ، لاني بموت جوع .
..
استدار ب استغراب على الاصابع التي استقرت على كتفه .
وضحك ساخراً وهو يرفع راسه لها : ليست لهذه الدرجه ؟! .
نزعت عبائتها ووفقت امامه : شعرت انك ضايق .
رفع انس زواية حاجبه الايمن وتامل ثيابها ، بنطال باللون الابيض وتيشيرت احمر عاري الاكمام : لا اُريد القسم ب انكِ كاذبه .
استدارت بعيناها في المكان وببتسامه غامضه : رُبما .
انس نظر لها وبذكاء جمدت ملامحه : هل هُنا احد غيرك .
هليدا جلست جواره وبهدوء : رُبما .
همس انس بصوت وصل لها فقط دون ان يتحرك من مكانه وعيناه تنظر للامام : كيف علمتي بمكاني ؟! .
هيلدا بهمس : منهم .
انس استدار بعيناه : كم عددهم ؟! .
هيلدا كتبت على الارض بينهما : لا اعلم .
ومسحت ماكتبت هاتفه : انا اُريد حقاً مُساعدتك .
التمس انس جيبه وزفر غضبه وهو لا يجد السلاح .
وهمس من جديد : ماذا يريدون مني ؟! .
هيلدا ابتسمت هاتفه : لا اعلم ، لكن اعلم انهم يكرهونك جداً .
وهمست مُكمله : وماحصل لك بتلك الشركه كان من تخطيطهم .
تجول بنظره في المزرعه واستقرت على الخيول ، ثم استدار هاتفاً : وجودك هنا غلط ، اُخرجي .
هيلدا بغصه : لا اُريد ان اعمل معهم .
وقف انس وادخل يده في جيبه وكتب ب اصابع سريع : راكان انا بالمزرعه ، لازم تجي الوضع مايطمن .
..
من بعيد انزل المنظار ورفع هاتفه ونطق بعد ان اجاب عليه الطرف الاخر : سيد جابر قدامي تصير احداث غريبه .
جابر رفع صوته : مثل وش ؟! .
توتر هاتفاً : السيده هيلدا طلبت تشوف انس بعد ماوافقت .
جابر ضرب الطاوله امامه بغضب : من قال اني موافق انها تشوفه ؟! .
سيف الجالس يمينه نظر له ب استغراب .
الطرف الاخر : هي قالت انك .
قاطعه وهو يقف : الله ***** و***** .
انتفض بتعلثم : بس .
جابر : لازم توقفها ، لانها متهاوشه معي ويمكن تهل السبحه .
الطرف الاخر بتوتر وهو يعرق : هي جالسه معه الحين .
صرخ جابر وهو يجري خارجاً من اصوات الموسيقى العاليه : اقتلها .
سيف اتسعت عيناه ونظره للان ع جابر المُبتعد وكلمة اقتلها تجمد في ذاكرته .
..
وكز كتفه ورفع نظارته فوق راسه هاتفاً : سلام .
رياض وهو يستوعب الملامح صرخ : انت من وين طلعت ؟! .
تركي بتسليه اشار للباب : من هناك .
واكمل بملامح يمُثل فيها الضيق : افا وهذا وانا خويك ماعزمتني لحفلتك ذي .
رياض وعيناه تشتعل مسك ياقة قميصه وصرخ بشماته : اطلع ي **** ، ولا خلني اقول ي ولد سواقنا .
تركي بقوه مسكه ولف ذراعه ناطقاً بفحيح : حدك ولا تغلط على ابوي .
واستدار مُكملاً بنظره في الموجودين : ماتوقعت مكانك يوصل لهذي المزبله .
رياض ضغط على اسنانه من إلم ذراعه : ي كلاب واقفين تناظرون ، امسكوه .
استدار الجميع ب استغرب من انقطاع صوت الموسيقى وهدوء المكان ليظهر صُراخ احدهم : اذا فيكم خير قربو له .
رياض اتسعت عيناه صارخاً : هذا *** الثاني .
لواء تركي ذراعيه خلف ظهره واوقفه امامه وبتهديد للجميع : قسم بالله شوفوني احلف اذا مابعدتو ان اجيب الشرطه بدقيقتين .
هرب الجميع وهم يتركون رياض خلفهم .
همس تركي بشفقه : الكلاب اوفاء منهم صراحه .
رياض وضغطه يرتفع : اختصر وش تبي ي ولد سواقنا ؟! .
تركي دفعه وبحده وهو ينحني عليه بعد ان سقط ارضاً : عشان تعرف من تتمرجل عليه مره ثانيه .
وبصق داهساً قدمه : قلت حدك الا ابوي .
رياض سحب قدمه وضحك بقوه ونطق من بين ضحكه : يوه لا تقول ابوك خاش ماضيه الاسود عنك .
تركي قفز في عُنقه وضغط عليها ب اصابعه : اذا مثل ماتقول ابوي اشتغل سواق ، لاتنسى انك اشتغلت نادل .
رياض بملامح احمرت وهو يحاول ان يُبعد كفين تركي التي طوقت عُنقه : اشتغل نادل لاني راغب ، ولا تنسى ان المقهى لنا .
سيف سحب تركي بالقوه وبهمس : انهبلت تبي تذبحه .
تركي وانفاسه تُسمع من شدة غضبه : فكني خلني اذبحه .
سحبه سيف وخرج به هاتفاً : ماطحنت اللي براسك ، مايكفي خربت حفلته .
تركي بصوت مقهور : يغلط على ابوي وتبيني اسكت .
وهتف بتفكير سريع خبيث : والله وشوفني حلفت ان كل علومه ان توصل اخوه .
ابتسم سيف وهو يفك ذراعه : اللي براسك بتسويه ماعاد لي كلام .
رفعت عيناها من هاتفها وبتافف وتوتر : الله ياخذ ذولا التكاسي مالقو يختفون الا ذا الوقت .
عاليه ورعبها اقوى : خلينا نوقف برا ع لاقل .
قطعت حديثها الاُخرى وعيناها تتسع هاتفه : تركي .
وتشجنت ملامحها وعيناها تدور في ملامح سيف وتركي .
تركي وقف بصدمه ونظره لمن اتسعت عيناها ونطقت اسمه .
عاليه وكزت كتفها : وش تبين بالمجنون هذا اللي خرب الحفله .
سحبت ذراعها وسارت بها راكضه : ي ويلي .
عاليه ب انفاس اضطربت من السير والخوف : وش عرفك فيه .
دخلت شارع فرعي ووقفت خلف بنايه بعيده عن الانظار وانحنت وهي تمسك صدرها : كل الاثنين عيال خوالي .
عاليه نظرت لها وانفاسها تنحبس : مشاعل وش تقولين .
مشاعل اغلقت ثغرها بكفها وبرجفه : هذا تركي اخو اريان .
عاليه بتقزز : اما عاد .
مشاعل جلست على ركبتيها واقدامها لاتحتمل الوقوف اكثر :
اخلصي دوري لنا تاكسي .
عاليه بتافف : المشكله انهم اخوياء سامي ولد اخوي .
مشاعل ضربت فخذيها برعب : والله لاننكشف لانموت ولا احد سال عنا .
..
تركي بسكون غريب وهو يحاول تذكر اين راى هذهِ العينان .
سيف بتردد : من وين تعرف ذي البنت ؟! .
تركي نظر له وحرك راسه : ماعرفها .
سيف بتساؤل : وهي وش عرفها ب اسمك ؟! .
تركي بسُخريه : انت شفت كيف تناظر لك واضح تعرفك بعد .
سيف ضحك : شكلها من بنات المقهى اللي يجيبهم وتخرب عليه .
تركي بتفكير : اي والله حتى صوتها مو غريب علي .
واكمل بتسليه وهو يعود براسه للخلف : والله وبردت حرتي منه .
سيف : تتوقع بيخليك ؟! .
تركي بلل شفاهه وبعدم مباُلاة : بعلم اخوه قبل يفكر حتى ، وعاد بعدها تعال دوره اذا ماخفاه اخوه .
سيف بعد ثواني صمت : ماتوقع يكذب بمساله ان ابوك كان عندهم سواق .
تركي ضحك : لا عاد وش ذا المزح .
سيف بهدوء : م امزح ، سمعت اخوي محمد يقول الموضوع ذا .
تشنجت ملامح تركي وهو يدعي ب داخله ان لايكون هذا الامر حقيقه : اخوك اعوق منه عقل .
..
تاففت بخفوت وهي تبعد نظرها عنهم ف سماع صوته وحتى ضحكته تسبب الغثيان له ، وبتساؤل لازال يدور براسها من امل التي اصرت ع جلوسها معهم بالطاوله نظرت لها .
وقفت امل بتثاقل هاربه : شوي ابي دورة .. .
قاطعتها وتين واقفه : بروح معك .
امل حركت عيناه برفض هامسه : وش بيقول اذا رحنا مع بعض .
وتين ب استغراب : خليه يقول ، اصلاً جلوسي معكم اكبر غلط .
قاطعها امل مُبتعده : بلا كثرت حكي اجلسي شوي وراجعه .
تنهدت وجلست بتشتت وضيق .
لم تشعر غير بمقعدها ينسحب حتى استقر بجانب مقعده وهمس : وش قصدك بالسكين اللي خلتيها عند راسي .
بتوتر من سحبته وهمسه وحتى رائحة عطره : انت عارف وش اقصد .
احمد مسك كفيها وبحنان : يهون عليك تذبحيني ؟! .
سحبت كفيها وبربكه : اختك لاتشوف مو ناقصه انفهم غلط .
احمد سحب كفيها وضممها من جديد وبعدم مُبالاة : خليها تشوف ، وبقول زوجتي .
مالت عليه بقوه مُغلقه ثغره براسها : زي ماتزوجتني وماحد يدري ، بتطلقني وماحد يدري .
ضغط على ذراعيها وبحب مُتملك : ومين قال اني كنت راضي اتزوجك بالسر ؟! .
اعتدلت في جلستها وانزلت نظرها لاحمرار يداها من ضغطه عليها : اوجعتني .
احمد بصوت ضايق وصلها : مو كثر وجعك لي ؟ .
واكمل بتنهيده : ودي اعرف سبب النفور ذا .
عضت شفاهها السُفليه حابسه دموعها : قلت فكني .
خفف مسكته وهو يحكم يديها بقبضة يده اليسار والاخر رفع بها نقابها وقبلها على وجنتها وببتسامه : متى نعلن زواجنا .
سحبت نفسها منه بقوه ووقفت هاتفه برجفه : مو الحين .
رفع حاجبه ب استغراب : لمتى ان شاء الله ، ترى جلستك عند ابوي زايد مو عاجبتني ، ولاتنسين وجود مساعد .
وتين بتوتر : انا كلمت عمي فيصل وبروح عنده .
اشتعلت عيناه غضباً وهو النادر في اظهار غضبه وبحده : وش قلتي ؟.
وتين اعادت ماقالت بثقه ونظراتها تُراقبه ب استغراب : بروح عند عمي فيصل .
قبض على ثوبه ونطق ونظره ارضاً : لو تعرفين وش مسوي مافكرتي تروحين .
ورفع نظره وبغموض : مصير كل شي يظهر .
هتفت ع دخول امل : اكيد مثل ماظهرت .
وقف وحمل محفظته وهاتفه بعد ان رمى بعض النقود : انتظركم بالسياره .
امل بصدمه وخوف : وش في احمد .
وتين بتوتر انزلت نقابها وشدت على كفها : مدري .
امل خرجت وتبعتها وتين وهي تحمد الله ان امل لم تدقق بمسالة النقاب ومارمت من حديث عند دخولها .
صعدت وبقلق : عسى خير ي ابو ناصر ؟! .
احمد بهدوء : لاتشيلين هم .
وتين بجسد ضايق وملامح مُتعبه التزمت الصمت .
نطق احمد بعد صمت طويل قاطعاً الهدوء : وش رايك باللي تعرفينه خجول ، وفجاه يسوي فيها انا القوي والجريء .
امل نظرت له بصدمه وهي تفهم مايقصد .
وتين تكتفت وحبست انفاسها عن اظهار اي رده فعله .
..
اريان استدرت له بصدمه بعد ان تحرك وهو من وقف الان : وين رايح ؟! .
راكان رفع هاتفه ونطق بعد انا اجاب الطرف الاخر بحده : من اللي مراقب ع انس العايد ؟! .
واكمل بصُراخ ارعب اريان : وع اي اساس يسمع لانس ؟! .
هتف مُغلقاً الخط : ادع ربك مايصير له شي .
اريان انقبض قلبها واسم انس يتردد هل سيموت ؟! .
بتلعثم وخوف من سرعه راكان العاليه : انس مين ؟! .
راكان ضرب جبينه مُتذكراً وجود اريان معه ورمى الهاتف : انس العايد يعني من انس ؟! .
اريان بخوف فطري : وش صاير له ؟! .
راكان تنهد : مرسل لي رساله بوجود خطر عليه بالمزرعه .
واكمل وهو يتجاوز السيارات : انا اعرف طريق مختصر ان شاء الله اوصل قبل يصير له شي .
نطقت بعد صمت : قول لشرطه .
راكان بهدوء وعقله يذهب ويعود : قلت وبيحددون مكانه ، لكن بيتاخرون .
بعد دقايق طويله وقف امام المزرعه ونزل راكضاً تجمدت اطرافه على صوت اطلاق نار .
اريان ب انفاس مرعوبه : مات ؟! .
راكان مسك اريان من كتفيها وبهدوء محاولاً تهدئتها : لا ان شاءالله مامات ، خليك هنا .
اريان مسكت ذراعه : خايفه .
راكان انحنى واخرج سلاح صغير من قدمه ومده عليها : تعرفين تستخدمينه ؟! .
اريان هزت راسها : لا .
راكان تحرك وهو يحسب الرصاص : اطلقي في رجل عدوك بس الوضع سهل .
صرخت وكفيها تنتفض برعب : انا ماعرف امسكه .
راكان بنفاذ صبر صرخ : اريان خلاص خليه معك تهديد .
تبعته بخطوات واسعه وبتلعثم وجسدها يعرق : اخاف اموت .
سقطت ع صوت الطلقه العاليه مُغطيه اذنيها : لا .
راكان ضرب جبينه وسحبها : لاتخليني ارجعك ، وامسكي المسدس .
..
..
.. نهايه البارت الثلاثون . .

سلمت يمناك
طرح جميل جدا

يسعدك الله على الموضوع
وعلى اختيااااره الا كثر من رووووعه

شكرا يعطيك العااافيه

نجمكم

الف شكر لك ع جهودك المميزه
يعطيك العافيه

يسلمو ع المرور

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

سلمت الانااامل
لجمااال ماشاهدناااه

نشكرك
ويعطيك العاااافيه

سلمت الآكف ومَاجلبت
إبداع دآئم وتميز مُستمر
لا عدمنَاك
قوافل شكري وتقديري لك

راقني انتقائك الماسي
تسلم يمينك
ودام عطائك العذب
پآقة ورد