رواية جفاف وردة بيضاء في رُكن الذكريات /24

.
.
..( الرابع والعشرون )..
.
.
‏لو أنّ حبّك كان
في القلب عاديّا
لمللتُهُ من كثرة التّكرار
لكنّ أجمل ما رأيتُ بحبّنا
هذا الجنونُ وكثرةُ الأخطار
حيناً يُغرّدُ
في وداعة طفلةٍ .

- عبدالعزيز جويدة -
.
.
اقترب لهم واتكى على زُجاجة نافذة احد المحلات وهمس زافراً غضبة : والله ماخليه .
هند مسكت ذراعة وبخوف : صار لك ؟! .
مسد عُنقة مُتذكراً كفا ذلك الغبي وهي تخنُقة : لا .
اريان بحنان : اهم شي ماصار لك شي .
هاجر بضجر : خلونا نرجع دامنا بخير .
نظر لها تركي وبعينان ساخرة : دامنا بخير .
واكمل بحدة : انتي بخير ، روحي اشتري اللي تبينة .
هاجر بضيق : وش فيك تكلمني كذا !.
اريان همست لها : ترى هو معصب لايحط الحرة فيك .
تركي بغضب ساخر : خلاص قلت روحو اشتروا اللي تبون ، يعني تبينا لما وصلنا نرجع فاضين .
هاجر بصوت مخنوق : لا خلنا نرجع مو يكفي اللي ضربك .
تركي بامر مُتاففاً من عناد هاجر الذي لا يتغير : اريان انتي اكبرهم ، روحي وخلصو اشغالكم ، وانا بنتظركم .
نطقت اريان بضيق بعد ان ابتعد عنهم : قلت لكم راح يرفض .
هند زفرت انفاسها بضيق : بيجلطني ذا الولد .
هاجر بخوف وعيناها تُراقبة وهو يبتعد : والله قلبي بغى يوقف لما شفت ذاك يهاجمة .
نظرت لها اريان وبخبث : ليتك تكلمتي يسمعك .
هاجر تحركت وبتذمر : تبن .
هُناك بعيداً عن نقطة تجمعهم ، اخرج الصندوق الصغير المُخمل ، وفتحة مُتاملاً الخاتم البسيط وبضيق : لازم فيه شي يخرب علي .
..
اغمض عيناه شاعراً بإلم ينبض في راسة وتنهد محاولاً ابعادة .
تحرك باحثاً بين المارة وعض شفاهه وعينة تقع عليها ، وكيف لا يعرفها .
..
اريان بهدوء وهي ترمي خطة للهرب حتى تشتري ماخططت له لايام : بروح اعدل نقابي بالحمامات .
نظرت لها هاجر وبتمعن وتدقيق : نقابك مافيه شي .
اريان زفرت بصمت وب اقناع : انا اصلاً ابي الحمام .
هند ابعدت نظرها عن المحل الذي كانت تنوي دخولة : خلاص نروح كلنا .
اريان بحدة مُشيرة لمحل ثياب امامهم : لا نبي نخلص بسرعة ، انتم خلوكم بذا المحل لين ارجع .
هزت راسها هاجر : طيب لاتطولين .
ابتعدت بخطوات خبيثة وابتسمت ضاغطة زر المصعد .
دخلت واخرجت هاتفها .
لم تشعر بدخول شخص اخر حتى نطق : اي دور تبين ؟! .
رفعت عيناها تلقائي ، وفتحتها بهلع : انت .
ابتسم انس وامال راسة بحقد : زين عرفتيني .
تحركت بخطوات سريعة ومدت يدها ضاغطة على ازرار المصعد ناويه ان يُفتح حتى تخرج .
تحرك هو الاخر وضرب ظهر كفها وبوعيد : لا ي حلوة ماخلصنا .
سحبت يدها وب انفاس اضطربت : عيب عليك ، اعتبرني اختك .
ظهرت علئ ثغره ابتسامة وبتمعن في جملتها : قلتي اعتبرك اختي ؟! .
حاصرها واكمل ويده اليسار مُمتدة لازرار المصعد حتى لا ينفتح : انتي قولي لي وش تحسين فيه وانتي تهدديني ؟! .
ورفع حاجبة بحدة : تحسبين انك لما تهدديني بتخوفيني ! .
اريان بعينان مُرتعبة من قُربة وصوتة : تستاهل .
ضرب بقبضة يده في حديد جدار المصعد جانب جسدها ناطقاً : من اللي يستاهل !؟ .
اريان بقوة لا تعلم من اين نزلت لها دفعته : الله ياخذك يا قليل الادب .
اقترب براسة وبعينان اشتعلت همس بفحيح : قليل ادب ، مجرم ، قاتل ابوك اللي انا وش دخلك فيني .
اريان وانفاسها تفضحها من قُرب ملامحة لها ونظراتة : كل شي اسوية بس عشان اهلي .
نطق وعيناه تتامل عيناها بعد ان ارتفع عنها الغطاء وببحة ساخرة من لون عيناها فهو من عرف اخوتها جميعاً : متاكدة انهم اهلك ؟! .
اتسعت عيناها وبرجفة ظهرت في صوتها : انت باي حق واقف معي ، وتكلمني كذا .
نطق بهمس وشعور غريب يُداهمه : اعرفك !؟ .
اريان والدموع بدت تتكون في عيناها من الخوف : عيب عليك احترم ابوي اقل شي .
انس عاد للخلف وبربكة ناظراً لعيناها : متاكد اعرفك .
هربت بخطوات واسعة بعدما ان فُتح المصعد .
وقف مكانة ومسك راسة رافعاً نظرة بتفكير : العيون ذي مو غريبة علي .
..
دخلت اقرب محل ووقفت خلف بعض الثياب ومسكت قلبها برُعب وانفاسها تُسمع : انا كيف هددته .
جلست وهي تشعر انها لا تستطيع الوقوف اغمضت عيناها محاولة تخفيف الرُعب ومسح ملامح وجهه .
بعد دقائق فتحت عيناها على صوت سيدة مارة : حبيبتي تبين مساعدة ؟! .
وقفت اريان برجفة مُحركة راسها شمالاً ويميناً بمعنى " لا " .
ارخت راسها على حقيبتها وصوت رنين الهاتف المُزعج اخرجته بكف مُرتجف وفتحته ناطقة : انا مع تركي بسرعة اطلعو .
غادرت المحل وبدت تنظر بخوف للجميع ، تنفست ب ارتياح واتجهت ناحية وجهتها الرئيسية : فيه شريحة مسجلة باسم ؟! .
صاحب محل الاتصالات : اية اختي .
اخرجت النقود ومدتها هاتفة : اعطني وحده .
..
خرج من السوق الكبير ودخل مواقف السيارة وبغضب من نفسة : كيف هربت مني .
اقترب ب استغراب من الورقة المُعلقة على زجاجة نافذته مكتوباً عليها : المملكة ترحب بعايد العايد ، مابغى يرجع لها .
صرخ بصوت عالٍ : الله ياخذكم ، وش تبون ب اهلي .
صعد سيارتة وانحنى على المقود وارتفعت انفاسة من إلم وضيق مايشعر به ،حرك السيارة هامساً : انا ولا انت الموت ينتظرنا .
دهس الفرامل مُتذكراً ماكُتب ادخل يده في جيب بنطاله باحثاً عن الهاتف ، رفعة لاذنة انزلة وبدا يشتم عندما اتاه الرد بمُقفل ، واصوات ابواق السيارات خلفة تطلب من الحركة .
..
ارتدت عبائتها ونزلت بخطوات مُستعجلة ، وقفت على صوت خالتها : وين وين ؟! .
ابرار نظرت لها وبعجلة : ماعندي وقت .
ام ماجد تحركت ومسكت ذراعها : ليكون تبين تنحاشين بنصف ذا الليل ؟! .
نظرت لها ابرار وبعينان ساخرة : ودي اسعدك ، بس مع الاسف ماراح انحاش ؟! .
ام ماجد تركت ذراعها وبكُرة : وين طالعة ، بدون اذن ؟! .
ابتسمت ابرار وربطت نقابها : راح ارجع بس جدتي عند الباب بدخلها .
شهقت ام ماجد ، وهربت ابرار مُبتسمة بخبث .
نظرت لصينية القهوة والشاي الفخمة ومايتقدمها من انواع الحلويات المُختلفة وبغضب : ذي مو باقي غير تعيشهم عندي .
وصرخت متجهة للمطبخ ، فكيف ان يدخل المنزل احد ويتم تجهيز القهوة له والخدم لم يُخبروها .
..
اتسعت ابتسامتها بعد ان دخلت جدتها ناطقة بحُب : ماشاء الله ماشاء الله ، وش ذا البيت الزين .
قبلت انفها وراسها وانحنت لظهر كفها المُجعدة بقُبلة طويلة : يالبية ي الريحة ، والله اني اشتقت لتس ي ام هزاع .
الجدة ضربت راسها بعد ان سحبت يدها : وش ذا الحب اللي نزل عليتس .
ابرار ببتسامة بانت من عيناها : جعلني ماعدم شوفتس ، والله اني مشتاقة لتس ولامي وابوي واهل الديرة كلهم ، خليني اشمهم فيتس .
الجدة استدارت تتامل البيت الكبير : الكل بخير ولاناقصهم شي ، انتي بشريني عن صحتس .
ابرار ببتسامة عريضة : الله يديم الخير عليهم ، وانا بخير وصرت بخير زياده لما شفتس .
وبتردد اكملت : وين راجس ؟! .
ام هزاع نظرت لها وبهدوء : راح .
ابرار بتوتر : وين راح ؟! .
ام هزاع : بقلعته .
اغلقت الباب ب استغراب من غضب جدتها ، ومسكت ذراعها متجهه بها ناحية الباب الضخم : ليت راجس دخلتس لين العتبة ، المسافة طويلة عليتس .
ام هزاع ضربتها بعصاها : تبين تكبريني ؟!.
سارت بخطوات بطيئة وهي تقود جدتها وبضحكة : لا افا .
اجلستها على الارئكة العريضة التي كانت في مُنتصف الصالة يمين الباب : والله تو مانور البيت .
ام هزاع ب انفاس مُتعبة من السير : هو انتي لحالتس بذا البيت ؟! .
ابرار بخجل لم تُظهرة : لا .
وسكبت لها القهوة ناطقة بحُب : هاتس سمي .
ام هزاع لم يعجبها استقبال ابرار لها وحدها فهو ليس من عاداتهم : رجلتس وينة ؟! .
رفعت ابرار عيناها ع دخول ماجد : هذا هو .
استدرات يساراً وبعينان ناقدة بانت من خلف الملثم الذي ترتدي : وش قومة لابس كذي .
ابرار بتإمل فمن النادر ان ترى ماجد يلبس تيشيرت وبنطال همست : هذا لابسة .
اقترب وببتسامة انحنى مُقبلاً راسها : ارححححححبي مليون ، عساك ماتعبتي .
وابعد راسه وب اهتمام : اخبارك وعلومك .
ام هزاع بحدة : ماعلي اخلاف ، وش قومك ماستقبلتني مع مرتك ليكون سلمكم غير عنا ؟! .
ماجد ب احراج من غضبها مرر اصابعة على عُنقة : لا الله يهديك ي جدة .
ام هزاع انزلت نظرها ببطء : الا الله يهديك انت وش ذي الملابس اللي لابس ؟! .
اغمضت ابرار عيناها بفشلة ومسكت جبينها .
ماجد بملامح مصدومة انزل نظره لثيابة ورفعها مستغرباً : وش فيها ؟! .
ام هزاع بتذمر : مو عاجبتني حقت كُفار .
ماجد ابتسم ساخراً : حتى انتي اللي لابسته ع وجهك ماعجبني .
اتسعت عينان ابرار صدمة ، وصرخت ام هزاع من قلة ادبة : وش قليل الحيا ذا اللي مزوجتس ابوتس اياه .
واكملت بقهر : ليتة مارفض راجس .
انصدم ماجد من ذكر اسم رجل امامة ونظر لابرار بمعنى "وش السالفة" .
ابرار زفرت خوفها واقتربت مادة لهُ الفنجان : سم .
ماجد جلس بجوار الجدة تارك يدها مُعلقة بالهواء والفنجان يتوسطها وبتساؤل : مين راجس ؟! .
ام هزاع توترت من مانطقت : واحد ماتعرفة .
ونطقت مُغيرة الموضوع : اخذ فنجالك .
ماجد رفع نظره وابعده سريعاً هاتفاً بحدة : ماشرب قهوه قبل انام ، وهي تعرف .
اتسعت عينان ابرار وعضت شفاهها بضجر فهي تعلم ماسينتظرها فوق من صوتة : لا ماعرف .
ام هزاع سكتت وهي تتفحص وجههُما .
ماجد محاولاً تناسي ماسمع وابعاد نظره عنها : والله مادريت بجيتك يالغالية الا قبل ساعة ، وتعرفين الزحمة ، ولا كان استقبلتك و ب احسن الملابس بعد .
ورفع نظره ب استفزاز : عاد اول مرة اشوفها لابسة جلابية ، شكلها عارفة نظامك ولا علمتنا .
شهقت ابرار : كذاب مو اول مرة اللبس .
نظرت لها ام هزاع وبعينان اشتعلت : تكذبينة وقدامي .
تغيرت ملامحها للقهر وجلست يمين الجدة .
ابتسم ماجد من اسلوب هذه الجدة فبدا يُعجبة : جاية مع من .
ام هزاع بهدوء مُرتشفة فنجانها : راجس .
رفع نظره بتلقائية لابرار ونطق : ولية مانزل الراجس ذا ؟ .
ام هزاع نظرت لابرار وانزلت نظرها في صينية القهوه امامها : مايبي وبراحته .
ابعد ماجد وجهه عن ابرار بعد ان اتاه صوت والدته ونورة .
ام ماجد بضيق اخفته : السلام عليكم .
واقتربت مُقبلة راس الجدة : زارتنا البركة بجيتك ، وش اخبارك .
ابتسمت نورة لابرار مُحركة شفاهها : مين قدك .
ماجد وضع ساق على ساق وابتسم بسُخرية : وش ذا اللبس ي نورة .
نورة عدلت جلابيتها وهمست وهي تتخطاه ناحية الجدة : تقول ابرار انها ماتحب الا اللبس اللي كذا .
تمتم ماجد وعيناه تُراقب ابرار : شكلها العجوز ذي بتسوي تحديد كامل لنا .
ووقف مُشيراً لها ب ان تلحقة .
..
نظر لها وهي تقترب ناحيتة .
نطق بزفير غاضب : ليش ماعلمتيني من بدري بجيتها ؟! .
ابرار اغمضت عيناها هاربة من غضبة : انا مادريت الا العصر .
قاطعها بفحيح : شوفي من متى دارية ، الا تبين تطلعيني قدام اهلك بشكل غلط .
نظرت له وبضيق : لا تقاطعني طيب عشان تفهم صح .
ماجد استدار مُغادراً : يعني وش بتقولين بعد ، المهم قولي لها اني تعبان ، وبكرة عشاها عندنا .
مسكت ذراعه ووقفت امامة : والله ماردت لي خبر انها بتجيني الا قبل اكلمك بدقائق ، لان راجس كان رافض جيتها عندي .
سكت ثواني واقترب هامساً : من راجس ذا ؟! .
ابتعدت خلفاً خطوة وبتوترت : ولد خالتي .
عض شفاهه وبهدوء تصنعه : راح ابلع موضوعة .
واكمل مُبعداً نظرة عنها : المهم قولي لها ماتروح لين تتعشى .
ابرار حركت راسها : طيب .
واكملت : بكرة عندها موعد الصباح ، وبروح معها .
نظر لها وبتساؤل : ومن بيوديها ؟! .
ابرار بتوتر : راجس .
اتسعت عيناه وبغضب : راجس راجس راجس وش ذا الشخص اللي طلع لي فجاه ، وانطقي مافيه روحة معة .
ابرار انصدمت من غضبة : وليش ؟! .
ماجد بعينان اشتعلت : بس .
واكمل صاعداً : لاحد يزعجني .
ضربت بقدمها ارضاً هامسة : الا يقهرني .
وصل لها صوت ماجد من اعلى السلالم : لاتنكسر رجلك .
..
دخلت وجلست جوار نورة .
نورة ببتسامة : حبيت جدتك .
ابرار تنهدت وبملامح ضايقة ارخت نظرها : مين مايحبها .
نورة همست : وش فيك ؟ .
ابرار بللت شفاهها وهي تمسك عبرتها : اخوك ذا بيذبحني يوم .
تافف نورة : مهب انتي لحالك .
وهمست : بيذبح امي وانتي وانا ولاتنسين نوف .
رفعت عيناها ودفعتها بقرف : شكلك تبين تخربين علي الليلة ذي ببنت خالك .
..
بعد ساعة ادخلتها الغرفة المُخصصة لضيوف .
نزعت ملثمها ووضعته جوارها .
حملت ابرار العصا واوقفتها جوار راس السرير : ي زين شوفتس .
ام هزاع مددت ساقيها على السرير وبصوت مُتعب من السير خالطة انتقاد : ذي خالتس ماهيب عاجبتني .
واكملت رافعه نظرها : ولا ولدها ، ماقول غير الله لايوفق ابوتس ع ذي الزيجة .
ابرار جلست امام ساقيها وبهدوء محاولة ابعاد الضيق من كلام جدتها : بكرة عشاتس عندنا .
ام هزاع بتذمر : ومن قال اني ابي عشاء ؟ .
ابرار ببتسامة : والله قاله ماجد ، وكلمتة ماتنثني .
ام هزاع بسُخرية : مسوي فيها يحلف ابو شوشة .
ابرار من بين ضحكتها : وش ابو شوشة .
ام هزاع حركت يدها اليُمنى بغيض وظهر صوت اساورها الذهب : انتي ماتشوفين شعر راسه كانه مرة .
واكملت بتذمر وهي تستلقي : م اكون رزنة بنت عائض اذا ماعدلتة .
اتجهت ناحية الاضاءة واغلقتها مُتمتمة : اجل وش تقولين عن تدخينة .
عادت وانسدت في حضن جدتها : اشتقت انام بجنبتس .
ام هزاع بهدوء هامس : حضني مهب زي حضن رجلتس ، لاتخلينة لحالة ثم عينه تشوف غيرتس .
ابرار توترت ودست وجهها في صدر جدتها : يوم ماراح يضره .
التزمت الصمت مُتمتمة بالاستغفار .
..
انزل معطفة وسحب كُرسي يمين والدته وببتسامة : ي صباح الُحب .
ام احمد نظرت له بملامح عدم رضا : وينك امس سحبت علي ، وانت تقول بترجعني .
انفجر عبدالرحمن ضاحكاً : والله انشغلت .
جلس احمد امامة وب استغراب : يلا صباح خير .
ام احمد بضيق : ماراح يعقلة غير الزواج .
عبدالرحمن من بين ضحكتة : تؤام بنات اختك امنعيني منهم .
وتنهد مُتذكراً اريان : والله ي اني شفت امس وحده احلف اني ماشفت مثل عيونها ، ليتني اعرفها بس .
احمد ب اندماج في موضوعة : وين شفتها ؟! .
عبدالرحمن بدا يرسم على طاولة الطعام امامة : بكوفي نايف الجابر .
واكمل بخبث : معنا انس .
احمد بتذمر : كارفني ورايح يتمشى معكم ، خلني اشوفة بس .
عبدالرحمن اغمض عيناه مُتنهداً من جديد : ليت من يرسم لي عيونها بس .
ام احمد بغضب رمت عليه الملعقة : ماتستحي وبعد قدامي توصف بنت .
جلست عبير وبهدوء : صباح الخير .
ام احمد ، واحمد ب اصوات متفاوتة : صباح النور .
عبدالرحمن دس في ثغرة زيتونة يحبس ضحكته .
عبير رفعت نظرها له : ضحكنا معك ؟! .
عبدالرحمن اشار لها مُندمجاً ب افطارة : لا خليني ساكت ، مابي امك تخرب علي روقاني .
ام احمد بغضب من استهتارة : والله مالك غير وحده من بنات العائلة .
عبدالرحمن بملامح عدم رضا : دامك حلفتي مافيه غير وتين ، لاني مستحيل اخذ وحده من بنات اختك ، ها شوفي العلم جاك .
احمد استدار له وبغضب حبسة في داخلة : وتين ماهيب من العائلة .
عبدالرحمن بغمزة : دامها بنت عمك بالرضاعة ، كانها بنت عمي .
ام احمد بعينان اشتعلت : اختار بين اسير ولا اثير .
عبير بملل : انا صايرة ماشوف عبدالرحمن الا اسمع طاري تؤام خالتي .
ام احمد بقهر : الله لا يلومني ، يفكر ببنات العالم ، وبنات خالته مايفكر فيهم .
عبدالرحمن وقف ساحباً معطفة : كثر الله خيركم ، لازم تسدون نفسي .
استغفرت ام احمد محاولة ابعاد غضبها من هذا الابن .
رفعت نظرها ب استغراب من صوت سكين احمد في الصحن امامة : لية ماتاكل ؟!.
احمد مُغيراً مجرى سؤالها : الا كيف فهد امس معكم ؟! .
ام احمد بعينان مُتسائلة : ومين فهد ؟! .
احمد : واحد من الشركة ، مخلية يوصلهم .
عبير بتوتر اخفتة وهي ترفع كوب الحليب : مُحترم .
احمد بتاييد : ايه فعلاً .
واكمل : والله انة ثقة ، عشان كذا متى ماتبون شي ان شاء الله هو اللي بيوصلكم .
اتسعت عيناها وبربكة هتفت : ووينك انت وعبدالرحمن ؟! .
احمد : مو هذا طلب لُجين تبي سواق ؟! .
شتمت لُجين بنفسها وبرفض : بس انتم موجودين .
ام احمد : لا اخوك صادق ، دامة واثق فيه ، فايكفي ، وانتي عارفة انشغال اخوانك .
واكملت بتذمر : ها شوفي اخوك امس وش سوا فيني نزلني وخلاني ، لو احمد ماجاء كان امسيت عند العرب .
احمد نظر لوالدته : ماراح نعتمد عليه ، انا بس بطلب منه هذا اذا مارفض .
واكمل بعد صمت : هو مهندس يمكن يرفض .
زمت ام احمد شفتاها : فرحتني ع الفاضي .
وقفت عبير ببتسامة ، وهتفت وهي تُعيد الكُرسي محلة : الحمدلله شبعت .
نطق احمد ونظره يستقر ع كوبة بعد خلو المكان : كيف وتين ؟! .
ام احمد بضيق : مارحت لها ، بس البنات يقولون انها بخير ، لكن ماتكلمت معهم .
احمد زفر غضبة : بتجلطني يوم .
ام احمد مسكت كفة الممدودة ع الطاولة : وش لك فيها ؟! ، والله بدورك اللي احسن منها .
اغمض عيناه ساحباً يدة : انتي عارفة مابغى غيرها .
واكمل ناهضاً : اذا بدورين دوري لعبدالرحمن .
تنهدت بتعب من عنادهم ، واكملت ارتشاف قهوتها .

..
سحب شماغة واستدار : لبية .
اقتربت ياسمين بحُب : وين رايح مافطرت ؟ .
نايف وقف امام المراءة وارتداء شماغة وبهدوء : بروح افطر مع امي .
قبلت وجنته وببتسامة : بشتاق لك ع الفطور .
نايف ابتسم وامال راسة لها : وش رايك تلبسين ونروح نفطر مع بعض ؟! .
بملامح ضيق : انت عارف ماقدر اروح وولدك نايم .
ابتعد مُرسلاً لها قُبلة بالهواء : نعوضك يوم ثاني .
خرج وسار خطوات ليست طويلة وصعد عتبات الفلة الامامية لفلتة ، وكان يُحيط بها سور واحد .
نطق بهدوء عندما توسط المكان : وين امي ؟! .
الخادمة رفعت نظرها من الصحون التي كانت تُرتب ع المائدة : انها قادمة .
جلس في الُكرسي المُخصص له وبتساؤل بعد صمت دام ثواني : وين رياض ؟! .
الخادمة رفعت نظرها مرة اُخرى وبهدوء : نائم بالاعلى .
زفر غيضة ووقف صاعداً للاعلى .
فتح الباب وصرخ ناظراً في بعثرة الغرفة : وش ذي الوصاخة ؟ .
تافف مُغطياً راسة بالغطاء : ماعندك بيت انت .
نايف تحرك مُتجاوز الثياب المرمية والاجهزه ألالكترونية وسحب اللحاف : رياض اصحى .
فتح عيناه الواسعة وبضيق : وش تبي ؟! .
تإمل ثيابة وبهدوء : نايم بملابسك ؟! .
رياض بنرفزة : شكلك ناسي الكف .
نايف تحرك خارجاً : عشر دقائق تتروش وتغير ملابسك وتنزرع لي تحت ، ولا ...
قاطعة رياض جالساً : ولا ايش ؟! .
نايف بوعيد وهو يبتعد : انت عارف .
..
ابتسم وعيناه تقع على تلك الملامح المليئة بتجاعيد السنين والُحزن : الله يصبحك بالخير يالغالية .
ام نايف رفعت عيناها وببتسامة : هلا والله بالزول وراعية ، ماصدقت الخدامة لين شفتك .
قبل اعلى راسها وظهر كفها وببتسامة جالساً جوارها : بشريني عن صحتك .
ام نايف : الحمدلله ، من وين نازل ؟ .
نايف بضيق : من عند رياض يعني من وين .
ام نايف : الله يهدية ذا الولد .
واكملت بتساؤل : وش مسوي له امس ؟ .
ابتسم نايف ونظر لها : وش تتوقعين بسوي له ؟ .
ام نايف تنهدت : انا عارفة انه في مصلحته ، بس من بيفهمة .
نايف بصوت مُتعب من استهتاره : عمره 24 وبدون فايدة ، عال ع المجتمع بحق .
رفع نظرة بعد ان اتاه صوتة : اعذرنا ماصرنا اساتذه زيك ، ولا كان صار لنا دور بالمجتمع .
ام نايف بخوف علية : نازل لنا وشعرك ماء ، روح نشفة لا تتعب ؟! .
سحب الكرسي ورفع شعره عن عيناه وبدون مبالاة : اللي بيتعب انا .
ام نايف حركت راسها بضيق .
نايف بهدوء : كل شي متوفر لك ليش ماتشتغل زي الناس والعالم ؟ .
رياض بضجر رفع راسة وبعينان حادة : وماشفتني امس اشتغل ، لين جيت وفشلتني قدام الخلق بكفك .
اتسعت عينان ام نايف : وش يقول اخوك ي نايف ؟ .
نايف حمل الابريق وسكب له ناطقاً : مابي اضايق امي ب افعالك ، لكذا خلني ساكت .
ام نايف ب اسى رفعت فنجان القهوه العربية وهي تلتزم الصمت من عدم مُبالاة ابنُها الاصغر .
تصلبت ملامحة ع ارتجاف الفنجان في كف والدته ونطق بضيق : يمة انا مابي اضايقك ، بس انا مو قادر اتاقلم مع اي شغل ، متى بتفهمون ؟! .
ام نايف تركت فنجانها وبصوت خالطة الُحزن : مافيه ضيقة مثل ضيقتي بقتل اختك ، ف لاتخاف علي .
عض نايف شفاهه السُفلية واغمض عيناه كارهاً هذا الموضوع : يمة سكرنا موضوع منال .
ام نايف برجفة رفعت يدها الُمجعدة ماسحة دمعتها : والله ماسكرة وانا اتحلم فيها كل ليلة .
رياض وقلبة ينكمش ضيقاً رغم مُرور السنوات على قتل اخته التي لا يذكرها ان ذاك ، الا دموع والدته تُذكره فيها .
نايف بهدوء وانفاسة تضطرب : يمة الله يخليك لي ، ولد الراشد وخذا حقة وش تبين بعد ؟َ!.
ام نايف بصوت مُتقطع : ولد الراشد ماذبحها .
رياض بقرف وكُره لاسمة : كيف ماذبحها ؟!.
نايف وقف ومسك كفين والدته هاتفاً : يمة ذي احلام بس .
وقفت وابعدت يديه واتجهت ناحية غرفتها بخطوات حزينة .
ضرب الطاولة بقبضة يده صارخاً : وش استفدت ؟!.
رياض بهدوء : لا تكذبها ، وخلها تفضفض ع راحتها .
نايف تحرك بضياع : امي خرفت ، الموضوع تقفل له سنين وللحين تعيد فيه .
رياض رفع عيناه : تراها بنتها حتى لو ماتت .
استدار له نايف وبغضب تمكن منه : الراشد ومات ، واختي وماتت ، والسالفة وتقفلت ، وش بنستفيد ؟!.
واكمل زافراً غضبة مُشيراً لغرفتها : هذا اللي بنستفيدة دموعها .
ادخل قطعة الخبز في ثغرة مُتمتاً : الله يرحمها .
نايف وقف مكانة ونظر له وبتهديد : الشغل ترجع ، وفوقها الولد اللي امس بيشتغل معك ، عشان مره ثاني ماتغلط ع احد .
قاطعه رياض مُعترضاً .
رفع اصبعة ع ثغرة : ولا كلمة ، ودق ع هُدى تجي عند امي ، لاتجلس لحالها .
وخرج تاركاً رياض خلفة .
رمى كإس العصير خلفة صارخاً : تراك مو ابوي .
..
وقف امام باب سيارتة ونظرة مُصوب اتجاه ابواب الفندق ، مُستغرباً هاتفة المُغلق ، ورفع هاتفة ناطقاً بعد ان وصلة صوت الطرف الاخر : متاكد موجود ؟!.
اتاه الصوت بثقة : اية ، رجع الساعة 12 ونصف ، ودخل ولا عاد طلع بعدها .
راكان همس : فيه احد يراقب المكان غيركم ؟! .
الطرف الاخر : لا وهذا اللي مستغربة .
اغلق الخط وتحرك بخطوات واثقة .
خرج من المصعد وضغط زر الجرس
اعاد تكرار الضغط بملامح قلقة .
..
فتح عيناة على صوت الجرس وتافف واقفاً ، سحب بجامتة وارتداها ع عجلة واتجه ناحية الباب .
فتحة وبعينان ناعسة : هلا .
تنهد راكان ودفعه داخلاً : وش ذا النوم .
رفع شعره بكفية وبصوت مليئ نوم : ماحسيت بنفسي .
استدار له مُذكرة بعمل اليوم : اليوم شكلك نسيت الروحة لام هادي .
قطع كلامة ونظرة يستقر على الندبة المُخضرة في الجهه اليُمنى من جبينة : وش ذا ؟! .
انزل شعره وبهدوء اتجة ناحية الحمام : ولا شي .
سحبة راكان وبخوف : احد مسوي لك شي .
ابتسم انس وبخمول لازال مُسيطر علية : لا والله ماحد سوا فيني شي .
راكان ب استغراب : طيب وش ذي العلامة ؟ .
نظر انس لوجهه في المراءة ورفع شعره الاسود وبهدوء لامس الندبة : الغرفة كانت ظلام وصكيت الجدار .
انفجر راكان ضاحكاً .
ابتسم انس ع ضحكة وهو يدخل الحمام .
بعد وقت قصير صعد السيارة بجوار راكان : وين رايح ؟! .
راكان حرك المقود يمين مُتجاوز السيارات : راح يكون فيه اجتماع اول بعدين المكان اللي اتفقنا فيه مع ام هادي .
انس تذكر همس تلك الفتاة في السوق ليلة البارحة : واذا عرف سعود ؟! .
نظر له بنصف وجه : وش يدرية ؟! .
تنهد بضيق : يمكن احد يقول له .
راكان ابتسم : لا تخاف ، وترى مايعرف الا انا وياك وكم شخص ثقة في الشرطة .
اغمض عيناه بقهر فهو لا يستطيع ان يقول اختك هي من ساتُخبرة .
راكان بهدوء : انس لا تخاف ، انت الحين ب امان ومتى ماوصلو اهلك ارض السعودية راح يكونون ب امان .
فتح عيناه فجاه وبهدوء اخرج هاتفة على انظار راكان .
هتفت بعد ان اتاه صوت الطرف الاخر : لماذا هاتفك مُغلق ؟! .
بملامح اشدت غضب : عذر اقبح من ذنب .
واكمل : اين اهلي ؟! .
صرخ بغضب : الله ياخذك ، كيف طالعين لسعودية ولا علمتيني .
تصلبت كفين راكان من غضبة الغريب واوقف السيارة على حافة الطريق وبهدوء بعد ان راه يُغلق الخط : عسى خير ؟! .
انس وهو لا يستطع ان يمسك غضبة وبكلام مُتقطع : الكلاب هذولا يراقبون اهلي .
وضرب بقبضتة الباب جانبة : هم اللي علموني بجيتهم ولا كان مادريت .
راكان محاولاً تهدئتة : ماراح يصير لهم شي .
ورتب ع فخذة : متى بيوصلون ؟! .
انس ب انفاس مضطربة : يقول ع المغرب .
..
نزل بهدوء وجلس على مائدة الغداء : وين ابرار .
نورة نظرت لوالدتها وسريعاً م ابعدتها ناطقة : تاكل مع جدتها .
ام ماجد رفعت ملعقتها لثغرها وبقهر : توهم راجعين من برا ، يحسبون البيت فندق .
رفع عيناه وبغضب ارتسم على ملامحة : من اللي توه راجع ؟! .
ام ماجد : ابرار وجدتها .
وقف صارخاً : انا قايل لا تطلع .
ام ماجد بخوف وقفت ماسكة ذراعة : لاتفشلنا مع جدتها .
سحب يدة بقوة واتجه ناحية غرفة الجدة .
ضربت صدرها برعب : ي ويلي بيفشلنا .
نورة وقفت وجسدها يرتجف : كلها منك يمة ، لو انك سكتي .
..
داخل الغرفة .
ابرار ببتسامة جالسة ف الارض امام جدتها : خذي ذي اللقمة من يدي .
الجدة ابعدت يدها : يديني مافيه غير العافية .
وبهدوء خبيث اضاقت عيناها : من اليوم مقابلتني ماشفتس رحتي تشوفين رجل .
بترت الجدة جملتها ع صُراخ ماجد : ابرار تعالي .
انتفضت ابرار واقفة : يمة .
الجدة رفعت عصاها ووقفت ببطء : وش فيه راس الحية ؟! .
ابرار برعب حبست ضحكتها من أسماء جدتها : مدري .
ماجد من خلف الباب : ابرار تعالي لا ادخل واكسر راسك .
صرخت الجده وابرار تحتمي خلف ظهرها : اذا فيك خير ادخل واكسر راسها .
دخل ماجد ضارباً الباب ع مصرعة وبعينان مُشتعل : تعالي فوق .
الجدة رفعت عصاها وصوبتها اتجاهه : قول اللي تبيه هنا .
نطقت ام ماجد الواقفة خلف ابنها بربكة : ي خالة خليها تروح مع زوجها فوق ويحلون مشاكلهم .
ام هزاع ب انتقاد : ليكون عشانها مامست البارح في حضنك .
وقف الزمن لدى ابرار وحادقتيها تستقر في عيناه الناعسة وبهمس : لا ي جدة مو كذا .
ماجد ابتسم بخبث : انتي تشوفين ؟! .
واكمل مُقترب من الجدة : توني القى اجازة ولما جيت ادورها مالقيتها مع انها مواعدتني . .
خرجت نوره بخطوات سريعة خجلة .
واتسعت عينان ام ماجد من عذرة الذي دعت ان لا يتحقق .
ام هزاع التفتت على ابرار وضربت ساقها بالعصا : لا تعلنتس الملائكة ، وانا امتس متى ماشفتي رجلتس يبي حضنتس فالبية له .
اغمضت ابرار عيناها بفشلة وحرج ووجهها يتقلب لونة
.
ابتسم ماجد واقترب ساحب ذراعها : ممكن ي جدة شوي .
ام هزاع وماجد بدا يروق لها : ماعليه اخذها بجلس مع امتس .
قبض عضدها بقسوة حتى احمر جلدها تحت قبضته هامساً بفحيح : شغلك فوق امشي قدامي .
ابرار همست وهي تسحب يدها : ماقلت انك ممثل مبدع .
ماجد غادر غرفة الجدة ناطقاً بخبث : فوق بقولك كيف صرت ممثل .
..
مُستلقية على جانبها الايمن وتفكيرها يذهب ويعود لانس .
ضربت ساقها الجوهرة وبصوت غالبة البُكاء : تسمعين .
انتفضت اريان جالسة : وجع وش ذي الضربة .
الجوهرة جلست جوارها وبعينان دامعة : قولي لابوي محمد ، يقنع امي .
اريان بخوف من دموعها مسكت ذراعها : جوجو وش فيك ؟! .
الجوهرة احتضنت ذراعها : خلي ابوي محمد يقنع امي مارجع معهم للبيت .
اريان اتسعت عيناها خبث وبصوت ضايق اتقنته : لية هو ابوك بيرجع ؟! .
الجوهره رفعت راسها بتذمر : ايه تخيلي باقي شهر ونص ع بداية الدراسة ونرجع من الحين .
اريان دفعتها ووقفت ضاحكة : مالقيتي الا انا .
الجوهرة حاوطت ركبتيها وانحنت مُخبية راسها .
تنهدت اريان بشفقة : اصلاً ابوك ماراح يوافق . ولاتنسين بيتكم مايبعد عنا شي .
الجوهره بخيبة وقفت وخرجت غاضبة : الشرهه علي متاملة فيك .
دخلت هاجر بعدها وجلست بملامح ضايقة .
تاففت اريان وبعينان مُتسائلة : وانتي وش فيك بعد ؟! .
هاجر بصوت ضايق : جوال سيف مقفل .
اريان عدلت ربط شعرها وحركت عيناها جهت المطبخ : حسبت عندك سالفة بعد ، تحركي نغسل المواعين تراها علي .
نهضت هاجر وتبعتها ناطقة : اخوك دايم نايم ؟!. نظرت لها اريان ورفعت زاوية حاجبها الايمن : وش ذا الاهتمام .
هاجر دخلت المطبخ واتجهت لصحون الغداء ناطقة بتبرير : لا بس كنت ابيه يشوف وين سيف .
اريان كتمت ابتسامتها وهي تربط قميصها حول خصرها : اها قلتي بتشوفين وين سيف .
..
اغلق الباب ودفعها بقسوة ، عادت كم خطوة للخلف وبخوف : وش فيه ؟!.
ماجد بعينان اشتعلت : البارح وش قايل لك ؟!.
ابرار هتفت برجفة : وش قلت .
صرخ مُقترباً : لا مسرع نسيتي .
واشار لها : حركاتك ذي وقسم بالله شوفيني احلف اذا ماعدلتيها ، اني لاعدلها لك .
صرخت هي الاُخرى : تكلم وش سويت ، مو تهايط فوق راسي .
بملامح دكنت غضب سحب شعرها رافعاً وجهها له : انتي تشوفينه هياط .
بحركة سريعة رفعت يديها وسحبت شعره مُساويتة لوجهها .
نظر لعيناها وبحدة شاعراً بالإلم : انتي قد الحركة ؟! .
ابرار عضت شفاهها تكتم وجعها : وانت قدها ؟!. شعرت بالراحة في فروة راسها بعد ان ترك خصل شعرها ، لم تلبث الا شعرت بالإلم ينبض من عضديها وظهرها الذي اصتطدم بالجدار خلفها هامساً : وش موديك مع راجس ؟! .
بكت وهي تُبعد اصابعها عن شعره وتسقط ارضاً : مارحت معه .
وصرخت باكية : والله مارحت معة .
ماجد ترك عضيدها وبتقرف : كذابة .
ببُكاء مُتقطع : والله ماكذب رحت مع السواق .
ماجد ابتعد ناحية الحمام : يلا هذي عبرة عشان ماتروحين معة .
صرخت بعينان دامعة : بروح معه وغصب عنك ، هو خطيبي قبل اعرفك ، متى ماطلقتني تزوجته .
تصنمت قدمة في مكانها , و استدار لها وبعينان اشتعلت : تعترفين انه كان خطيبك .
وصرخ : و تبينة و قدامي ؟! .
غطت وجهها بكفيها وشعرها الطويل ينسدل مُخفي ظهرها ويديها .
جلس على ركبتة وبفحيح دفع راسها للخلف : لاتحلمين تعرفين احد بعدي ، والله ي زوجة ولا معلقة .
اغلقت اذنيها وهي تشهق شهقات مُتتالية .
رفعت صوتة مُحذراً : اسمه لاعاد تنطقينه .
وقف واغمض عيناه وزفر غضبة ثم سار مُبتعد للحمام .
وقفت برجفة واتجهت لعبائتها وحملتها خارجة تاركة خلفها كُل حاجياتها .
..
نظر في حادقتة السوداء وبصوت يُطمئنة : ان شاء الله بتعرف كل شي منها ، لا تخاف .
اغمض انس عيناه واستدار هاتفاً : مانب والله خايف على نفسي ، الا خايف ع اهلي .
قطع حديث على نداء الموظف واقترابة ناطقاً : مُحقق راكان جوالك يدق .
اخذه وبهدوء فتحه : لبية يبة .
ابتسم : ايه وعدتها بس قلت انا بوديها .
واكمل بتفكير : خلاص براحتها دامها تبي تروح معك .
بعد صمت نطق : عيون القطوة والله ماترتاح لين تسوي اللي براسها .
اردف بعد اغلاقه الهاتف : اختي اكتشفنا فجاه انها تحب الخيول ، وازعجت ابوي تبي تروح ، عاد اعذرنا .
قاطعة انس : لا وش ذا الكلام المزرعة ، مزرعتكم واخذو راحتكم .
زفر ضيقة بعد ان سمع النداء ب اسمة لدخول .
..
تقلبت على جانبها الاخر وبهدوء : اسير قلت مابي شي .
اسير بضيق : اللي تسوينة ماراح يغير شي .
صرخت وتين : اطلعععععي .
اسير بصوت عالٍ : يعني لما ماتكلمينا او تاكلين بيتغير شي من القدر .
وتين نهضت وسحبتها ودفعتها مُغلقة الباب خلفها بقوة .
ضربت اسير الباب صارخة : ايه اذبحي نفسك .
وتين بكت : ليتني اموت وارتاح .
..
سحب كل ماتسقط عليه عيناه من الخزنة في الحقيبة الكبيرة وبدا يحاول اغلاقها وتصلبت يده على صوتها : شكلك تبي تهرب مني .
سيف زفر غضبة : اماني للمرة المليون اقول لا يشوفنا محمد اطلعي .
احتضنته بحركة سريعة من خلف هامسة بحب : خله يشوف حبنا لبعض .
دفعها صارخاً : اي حُب ؟! ، من قال احبك .
استقامت في وقفتها وبكت : تحب اريان ؟! .
واكملت : كنت حاسة من اول .
سيف استدار لها وبعينان اشتعلت : احب اريان ، احب فلانة وش دخلك ؟! .
اماني بدت تقذف ماتصل له كفيها : انا وش ناقصني عن اريان .
مسك مابكفها وبغضب نظر لعيناها : انتي زوجة اخوي متى تفهمين ؟! .
اماني بضعف ووجنتان امتلئت دموع : بس انا احبك م احب اخوك .
واكملت : انا متحملتة بس عشانك .
سيف ضحك بسُخرية : ماخرب اخوي الا افعالك .
وبفحيح اكمل : مدري من كذاب عليك وقايل احب اريان ، عشان تلعبين بعقل اخوي لين صار يضرب هاجر عشانها .
قاطعته صارخة : اذا ماتحبها مين تحب ؟! .
سيف ابتسم : لية مجنون اقول من احب عشان تخربين عيشتها .
واكمل بهدوء ورحمة بعد ان سقطت على ساقيها باكية : البيت لكم يالاثنين ، وطلعتي هاجر وبتطلعيني ، ارجعي لعقلك وحبي زوجك ، وعيشو حياتكم ، واذا مثلاً فكرتي تطلعين من حياة اخوي ، تكفين رجعي له عقله .
انتفض خوفاً وهو يسمع صوت الباب الخارجي ينفتح .
.
.
..( نهاية البارت الرابع والعشرون )..

يعافيك ربي على زاويتك الراقيه
وشكرا لَطـــرحك المُميز وإِختيارك الرائع
’’
عبق الجُــــــوري لـ رُوحِك..’

يسعدك الله على الموضوع
وعلى اختيااااره الا كثر من رووووعه

شكرا يعطيك العااافيه

نجمكم

جميل ماطرحت

سلمت أنااملك

يعطيك العااافيه


شكرا لك

سلمت يمناك
طرح جميل جدا

اِنتقاء مميز وجميل
سلمت يمينك ودام عطاؤك

يسلمو ع المرور

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

100
أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري