رواية جفاف وردة بيضاء في رُكن الذكريات /18

.. البارت الثامن عشر ..
.
.
‏صبرا ًعلى نوب الزمانِ
وإنْ أبى القلب الجريحْ
فلكلّ شيء آخِرٌ
إمّا جَميل أو قبيحْ .
" ابن نباتة"
.
.
استدارت نجلاء لصوت باب المطبخ الخارجي الذي انفتح .
دخلت اريان بخطوات مُتالمة .
انزلت هند قدر الارز المُنقع في الماء الذي تحملة واقتربت بقلق : وش فيك مغبرة ؟! .
فصخت اريان عبائتها المليئة بالتُراب ونزعت نقابها وطرحتها ورمتها فوق المنضده الجانبية وبإلم ظهر في صوتها : اعطيني ثلج بسرعه .
عادت هند بخوف لثلاجة : اريان وش فيك .
نجلاء باهتمام : بسم عليك ، تكلمي تبين المستشفى ؟!. هزت راسها برفض ومدت ذراعها : اعطيني الثلج الحين .
مدت الثلج هند وبخوف : وش تبين بالثلج .
جلست ارضاً وعكفت قدمها اليُمنى ، وبسطت اليسُرى وبهدوء وألم اتضح على ملامحها بدت ترفع البنطال عن ساقها .
شهقت هند وعادت خطوة للخلف : اريان وش ذا .
نظرت اريان لندبة الخضراء التي تكونت وسط ساقها البيضاء وبهمس مُتوجع : طحت .
امالت نجلاء راسها بملامح مُتوجعه من المنظر ثم غطت ثغرها بكفها الايمن وبضيق : لازم تروحين المستشفئ الثلج ماراح يسوي شي .
اتكت بظهرها للخلف وباسترخاء اغمضت عيناها من برودة الثلج : اذا ماراح الالم قلت لابوي .
دخلت اسيل وبسُخرية : ي ماشاء الله ، انتي هنا وحنا ندور عليك .
اللتفت اريان : ليه ؟! .
نطقت هند وهي تعود لما تفعل : فهد هنا .
فتحت عيناها اريان بصدمة : متى جاء ؟! .
اسيل اقتربت : ماله ساعه ، وقال لاحد يطلع لان بيجون معة رجاجيل ، ودورنا عليك .
قطعت حديثها بحيرة من امر الثلج : وش في رجلك ؟!
وقف عقل اريان عند كلمة رجال عقدت حاجبيها وبسكون : رجاجيل ؟! .
قلبت نجلاء القدر الذي امامها وببتسامة : ايه مُديرة ومعه واحد ثاني ، وبيستاجر مزرعتنا ابشرك .
نقلت نظرها بينهم : تمزحون صح ؟ .
اسيل ب استغراب : نمزح في ايش ؟! .
اريان بتوتر انزلت نظرها على ساقها : ابوي بياجر المزرعه .
هند : لا والله مانمزح ، امس ابوي قالة ولا نسيتي .
اريان وقفت وهي تُغطي ساقها : ايه تذكرت .
نجلاء : وين بتروحين ؟! .
انزلت الثلج وابتعدت خارجة : بروح ارتاح .
اسيل تنظر لاختفاها : وش فيها رجلها ؟! .
نجلاء حملت الطاسة المليئة بالخُضروات ووضعتها بين كفيها : تقول طايحة .
واكملت ب امر : يلا قطعي الخضره .
اسيل بضجر مُتافف : ي سلام وليش بناتك مايشتغلون .
نجلاء رفعت حاجبها : وتحسبيني بخليهم ؟! ، عليهم تغسيل المواعين مع روان .
اسيل ببتسامة خبيثة : قولي كذا من اول .
غمزت لها هند : الحين بتقطعين بروقان .
..
دخلت الغرفة تصلبت قدمها بعد ان وقع نظرها على هاجر .
هاجر وقفت : اريان وينك مختفية .
التزمت الصمت وهي تتحرك جهة مكان نومها بالارض وبإلم عقدت حاجبيها .
هاجر نطقت بتوتر : اذا زعلانه من امس .
اللتفت وقاطعتها بهدوء : مو زعلانة ولا شي ، بس اخاف اتكلم وتزعلين صايره حساسة ع اي كلمة .
هاجر تقدمت وهي تحتضنها : نفسيتي امس كانت تعبانه وزدتي عليها .
ابعدتها وببتسامة صفراء : مو زعلانة منك ، وحتى طلعت ادور عليك ولا لقيتك وين كنتي ؟! .
هاجر : كنت مع سيف بسيارته .
نظرت ب استغراب لاريان التي اندست بفراشها : بتنامين ؟! .
غطت اريان راسها وبصوت خرج من تحت الغطاء : ايه ولاحد يصحيني للغداء .
نظرت هاجر لساعتها : باقي نص ساعه ع الصلاة ، صلي ثم نامي .
اريان بصوت مكتوم : هاجر يرحم امك اتركيني انام ووقت الصلاة بقوم لاتخافين .
هاجر بخوف من صوتها : وش فيك ي بنت ؟! .
التزمت الصمت وهي تتذكر صوت الرجل الذي كان امام النخل ، اغمضت عيناها محاولة طرد صوته وبهمس : مستحيل يكون مدير فهد .
..
في الخارج .
هاجر بخوف : بنات وش في اريان ؟! .
ام علي : تقول طايحة وبتنام .
نطقت اسيل وهي مشغولة بتقطيع الطماطة التي امامها : ماشفتو لون ساقها ؟! .
ام علي ب اهتمام : وش فيها ساقها ؟! .
رفعت الكوسة ووجهت نظرها لوالدتها : لونها اخضر زي ذي .
شهقت هاجر : مو لدرجة ذي .
اسيل بدون مبالاة : والله واسالي نجلاء وهند .
وقفت هاجر : بروح اشوفها .
نطقت ام علي بإمر : خلوها تنام ، اذا حست بشي بتقول .
..
دخلت ببتسامة : السلام عليكم .
ام ماجد بعينان لم تُحركها من التلفاز : وعليكم السلام .
بعد صمت نطقت وهي على حالها : بيتنا مو لكل من هب ودب .
ابرار بعدم فهم : هاه ؟! .
ام ماجد استدارت نحوها : من قال هاه سمع .
ابرار بطولة بال : بس صدق مافهمت قصدك ي خاله .
ام ماجد فتحت عيناها وبغضب : تقولين لي خالة ؟! ، الله يخلخل عظامك مو خالتك انا .
ابرار بصدمة : وش اقولك طيب ؟! .
ام ماجد : تقولين لي ام ماجد ، ام سعود ، ولا ام نورة .
ابرار بتافف لم تظهره : بس ماجد قال اقولك خاله .
ام ماجد ببتسامة خبيثة : ع طاري ماجد ، خطيبته نوف بتجي بكرة لا اشوفك نازلة عشان ماتفشلينا فيها .
ابرار رفعت حاجبها : وش شايفه فيني عشان افشلك ؟! .
ام ماجد اتسعت عيناها : وش ذا الاسلوب معي ؟! .
وقفت ابرار وب استفزاز : ابادلك الاسلوب ي ام ماجد .
اشتعل جسدها غضب وبصُراخ حتى يصل لها بعد ان خرجت : خلي ماجد يجي اذا ماخليته يربيك ي قليلة التربية .
صعدت وبملامح انتصار عضت شفاهها السفلية : اذا ماخربت عزيمتك انتي ونوف ذي ماكون ابرار .
وقفت على صوت نورة : تكلمين مين انتي ؟! .
اكملت صعودها بخطوات واسعه وببتسامة : جابك الله .
استدارت براسها يميناً : مانسيت وش سويتي فيني .
ادارت وجه نورة ناحيتها بكفها الذي اصبح اسفل ذقن نورة وباستفهام مُصطنع : لية وش سويت ؟! .
نورة رفعت حاجبها بسُخرية : من تركني البارح لحالي اغسل ؟! .
انفجرت ابرار ضاحكة : والله اخوك رفض اساعدك .
نطقت نورة : ماعلينا ، وش كنتي تبين ؟! .
سحبت ذراعها وهي تصعد بها جهة غرفتها : خلينا نروح غرفتك وتكملين سالفة امس ثم اقولك اللي عندي .
تاففت نورة : يوة لاتذكريني .
..
بعد دقائق طويلة .
همست بدهشة : وكيف شكلة ؟! .
ضربتها نورة بضيق : انا ويني وانتي وينك .
مسكت يدها وبعينان مُتسائلة : لية وينك ؟! .
بتوتر نطقت : يعني وين افكر بشكلة ، وهو حالته المادية مو مثلنا .
فتحت عيناها بخبث : احد قال تفكرين فيه ؟! ، لا لا ي بنت وين رحتي .
سحبت المخدة ورمتها اتجاهها وبخجل : وجع وجع ان شاء الله .
وضعت المخدة بحجرها وببتسامة غمزت لها : اوصفي شكلة اخلصي علي .
رفعت حادقتاها للاعلى وبهدوء وهي تتذكر شكلة : عادية ملامحة ، وجسمة قريب لسعود .
بفضول : وكيف عادية ؟! .
نورة : يعني مملوح مافيه شي يميزة .
ابرار ب استفهام : من اجمل انس ولد عمك ولا هو ؟! .
ضاقت عيناها : وش ذا السؤال ؟! .
ابتسمت : بشوف خاطرك مايل لمن .
تربعت بحماس : شوفي ي حلوة مو يعني لما اقول لك صارت لنا صدف اني احبة ، بس تحسين انه ينتمني لك هذا الاسم ، لانك صرتي تعرفينه فهمتي !؟ .
هزت راسها بلا .
رتبت للمكان الخالي امامها : اجلسي هنا قدامي عشان افهمك .
تربعت الاُخرى وببتسامة : هاه قولي .
نورة : لما اقول لك اسم سعود اخوي ، و انس ولد عمي من يجي ببالك ع طول ع انك تعرفينه وكذا .
نطقت بعد تفكير : اكيد سعود ، بس وش دخل ؟!.
نورة حركت حادقتيها بغرور : ماعرفت نفسي صراحة وانا اسولف بمواضيع نفسية .
ابرار استدارت لتُلامس اقدامها الارض ورفعت جسدها وهي تهم بالوقوف : اروح اشغل نفسي بشي احسن من جلستك .
مسكت ذراعها وسحبتها للجلوس وبغيض حركت ثغره يميناً وشمالاً : مادريت انك تغارين من عقلي ، الا قولي وش كنتي تبين مني ؟! .
شهقت ابرار : يوة كيف نسيت .
نورة بخوف : وش فيه ؟! .
ابرار برجاء : بكرة نوف خطيبة ماجد بتجي ، ولازم اتكشخ وابيك تساعديني .
وقفت نورة وهي تشهق بصدمة : لاااا .
ابرار بعينان مصدومة : وش فيك .
نظرت نورة وبكُره: من قايل لك انها خطيبة ماجد ؟! .
ابرار بضيق : امك .
ابتسمت نورة : دام ماجد ماقال يعني لا يهمك .
ابرار سحبت نفس طويل : بس اللي فهمته منه انه يحبها ويبي يتزوجها .
نطقت نورة : ابوي رافضها ، ومستحيل يكسر كلمتة ماجد .
ابرار بفضول : ليش رافضها ابوك ؟!
نورة بهمس : لانها لما طلعت تدرس برا ، كانت كاشفة .
ابرار بملامح عدم فهم : كيف كاشفة ؟! .
همست نورة من جديد : يعني ماتلبس حجاب او نقاب .
اغلقت ثغرها بكفها وبصدمة همست : اعوذبالله ، وكيف حبها اخوك ؟! .
بضيق اجابت : اخر سنة له درست معه بنفس الجامعة ، ثم وصاه خالي عليها وصار يهتم فيها ، ومدري كيف حبها ، بس اخوي ماعنده ذوق .
بحقد نطقت ابرار : هذا اللي اكتشفته .
نورة : ماجد يحب التحرر الزايد ، التعليم ، المراة اللي تكون ضعيفة قدامة .
قاطعتها ابرار : الله يهنيهم ، لايقين لبعض صراحة .
نورة ببتسامة خبيثة : بالعكس احسك لايقة له اكثر وبتكسرين راسة .
وقفت ابرار : وين لايقين لبعض ، وهو يفكر بالتعليم لدرجة انه شاك اني ادرس .
غمزت لها بدهاء : طيب مشيه على تفكيرة وطقطقي عليه ، وكوني عكس اللي يبي ، وشوفي كيف تكسرين راسة .
نظرت لها ب اندهاش : اول مره اشوف وحده تبي راس اخوها ينكسر .
رمت جسدها ع السرير وبروقان : لانه رافع ضغطي ، و امس كرفني .
ابتعدت ابرار للباب وبتنبية : قولي كذا من اليوم ، الا لاتنسين بكرة ي راس الداهية .
نورة اغمضت عيناها : ماعليك ماراح انسى .
..
التفتو على دخول الفتاة الصغيرة الصارخة : بابا اريان رجلها انكسرت وتبكي وماما تقول تعال شوفها ، لانها مو راضية تسكت .
وقف ابو علي بخطوات حاول ان تكون واسعه ، ولحق به تركي والصغيره خلفهم .
نطق فهد بخجل من ذكر اسم اخته خصيصاً : اعذرنا ي ابو عايد ، لكن اختي ذي غالية على ابوي .
ببحة وابتسامة اظهرت غمازته : عاذرينه ، والله يشفيها .
وقف ، ووقف الجميع .
نطق علي : وين بدري .
بهدوء فتح هاتفة ومده اتجاة فهد : والله وراي اشغال واعذروني .
علي صافح كفة وببتسامة : اعذرنا انت ع القصور ، وحقك.. .
قاطعه انس ب اعتراض : وش ذا الكلام ، والله ماشفت منكم غير اللي يسر .
ابتسم فهد وهو يُعيد له هاتفة : كتبت رقمة .
..
ابو علي بضيق : ي بنتي خليني اشوفها .
اريان شدة بقبضتها على اللحاف وبخجل تلون مع البُكاء : صرت احسن ، خلاص .
تركي بحنان مُهتم اقترب : اريان تبين مُسكن ؟! .
هزت راسها بتعب : اية
صرخ تركي بخوف عليها : جيبو مسكن .
اجابت نجلاء : مامعي .
هتفت هند مبتعدة للخارج : ولا انا ، بروح اسال البنات .
نظر لهاجر الجالسة بجوار اريان يميناً وبغضب : وانتي ؟! .
رفعت نظرها وبملامح مُشمئزة من صُراخة : لو معي تكلمت .
وقف ابو علي وبإمر : روح شغل السيارة ي تركي ، نجلاء امشي معنا بنوديها .
اريان بصوت مُتعب : انا قلت مابي اروح .
ابو علي : انا كلمتي ماتنثني .
ساد الصمت على خروج ابو علي وخطوات تركي خلفة .
نطقت نجلاء وهي تحمل عبائتها : لاترفعين ضغط ابوي ، شوفي كيف وجهه تغير عشانك .
اكملت هاجر : اي والله .
اتكات بعد وقوفها على كتف هاجر بذراعها اليُسرى وبهدوء : هاجر اعطيني سروال بيجامة ، الجنز ضايقني .
دخلت هند وب انفاس مُضطربة : لقيت مسكن .
..
.. في الصالة ..
نطقت ام علي لنجلاء القادمة لها : بروح معها ، انتي اجلسي مع ورعانك .
نطقت الجوهرة ب اعتراض : عمري 14 وتقولين لي ورعه ، افا ي جدة ماتوقعتها منك .
ابتسمت اسيل : عشنا وشفناك واخيراً ي ست الجوهرة تقولين جدة .
نظرت لها بنظرات طويلة ابعدتها وهي تسمع والدتها : ماراح تتحملين الوقفة بالمستشفى ي يمة ، انتي اجلسي مع البنات .
ام علي بتنهيدة : طمنيني عليها ، اريان من يومها ماتحب تشكي .
اسيل بضيق : يمة مافيها الا العافية كلها طيحة .
ساد الصمت الا من صوت همس ام علي بالاستغفار .
اشارت نجلاء للجوهرة بتعالي .
همست اسيل لروان الجالسة جوارها : تلاحظين دايم امي ماتحب تحسس اريان بالاهتمام ؟! .
بملامح مستفهمة : مافهمت ؟! .
همست من جديد : يعني مثلاً لما صارت تبكي اريان من رجلها ، قالت لريما تنادي ابوي ، وهي مافكرت تدخل وتشوف ، ولما اريان تتضايق .
..
قاطعتهم نجود وهي تُبعد رؤوسهم عن بعض وبغيض : تحشون عني .
رفعت نظرها اسيل وب استفزاز : ابد قلنا متى يبدا وقت المُربية ؟! .
صرخت نجود : ي حيوانة وش قصدك .
انتفضت ام علي من الصرخة وبغضب : وجع يوجعك وش ذا اللسان ، حتى الرجاجيل اللي برا ماحسبتي لهم حساب .
اغلقت اسيل ثغرها محاولة ان لاتخرج ضحكتها والاُخرى روان .
بصوت مخنوق اجابت : وشسمة انا ماقصد .
بعينان غاضبة اشارت للمطبخ : قومي اغسلي المواعين انتي وروان واسيل .
اعترضت اسيل : لا يمة انا مساعدتهم بالغداء .
ام علي : اقول قومي اغسلي ، لا اقوم .
وقفت اسيل وبحقد دفعت نجود واتجهت للمطبخ .
..
امام سيارتة وقف وهو يودع هذا الرجل الحنون : لا ي عم والله انك معذور ، وبنتك ماتشوف شر .
ابو علي ب اعتذار ظهر في صوتة : انا طالع لمستشفى قريب في المزاحمية ، اجلس لين ارجع .
انس ببتسامة : الايام واجد بينا ، وان شاء الله بكرة بجي عشان موضوع تصميم الاسطبل ، ولا اليوم والله اني مشغول .
ابتعد ابو علي نحو السيارة الواقفة امام باب المنزل وبجانبها يقف سيف وتركي .
نطق انس لمنير : انت خلك لان العُمال بيجون ، وفهد يرجعك ، او كلم الشركة ترسل سيارة .
هتف فهد : لا ان شاء الله راح ارجعه .
صعد سيارتة وحرك المقود اتجاه باب المزرعه ، وقع نظرة للفتاة الخارجة وبهمس وهو يعبر جوارهم خارجاً : اعوذبالله ، ماهيب ذي اللي شفتها بجهة النخل .
استدار بالمقود يميناً : الله يستر ، شكل طيحتها قوية .
شعور بالذنب داهمة بعد ان استقر على طريق مُعبد وانطلق فوقة : انا ناقصها ، يلا تستاهل مرة ثانية تجلس في مع اهلها داخل ولا تتسمع الناس .
..
في الخلف تجمدت وبهمس لهاجر الواقفة جوارها : هذا مُدير فهد ؟! .
نطقت هاجر باحثة عنه بعيناها : اما مُدير فهد , وينه?! .
نطق تركي وهو يدفعها ويمسك اريان : ايه مُدير ، ليكون حاطه عينك عليه .
اتسعت عيناها التي ظهرت من فتحات النقاب وبفحيح هامس : ونعم الزوج فعلاً .
اللتفت تركي وبغضب هامس : وش مطلعك انتي ؟! .
مسكت ذراع اريان الاخر وبهمس : بروح مع اريان .
سحب اريان نحوة واشار بعينان مُشتعلة : ارجعي داخل .
شدة ذراع اريان وبعناد : ماراح ارجع وش بتسوي .
فتح عيناة : انتي للحين تعانديني ، يبي لك تكسير راس .
ب استفزاز مُتحدي : اتحداك تكسرة .
ابتسم تركي وبخبث : تتحديني ي زوجتي العزيزة .
صرخت هاجر بغضب : عم شوف ولدك .
صرخ تركي : يبة شوف بنت اخوك .
بضيق سحبت ذراعيها : كسرتو يديني تبون تتهاوشون ، تهاوشو بعيد عني .
ابو علي بصوت عالي حازماً : تبون تفضحونا بالرجال ؟! ، اجلس انت وياها مافيه ماراح .
واكمل بنداء : ي علي تعال .
عادت هاجر بخطوات غاضبة لداخل : مايرتاح لين يخرب طلعتي .
تحرك تركي ووقف جانب سيف وبتنهيدة : اختك بتذبحني .
نطق سيف ونظرة على علي الواقف يُحادث عمة : انا اشهد مو لحالك بيذبحك .
اللتفت تركي وبغمزة خبيثة وابتسامة مائلة : تحب وماقلت لي .
هتف سيف وهو يتجة للمجلس : وش عرف انس ب اخوك راكان ؟! .
نظر له تركي بملامح مصدومة : شوف الكلب بوادي ثاني .
ابتسم سيف : ماشوف اني قلت احب .
سار بجانبة وبهدوء : طيب ، الا ليش السؤال ذا ؟! .
نطق بتفكير : لان انس طلب رقم راكان من فهد .
ابتسم تركي محاولاً تناسي هاجر : اللي اعرفه ان ولد عم انس خوي راكان .
وقف بصدمة بانت على ملامحة .
استدر سيف بجسمة للخلف وب استغراب : وش فيك ؟! .
تركي بملامح لازالت مصدومة : اذا سعود ولد عم انس ، اللي هو ولد عم دكتورنا بالجامعة اصلاً ، يعني دكتور ماجد يكون قريب لسعود ؟! .
بعدم فهم نطق : انت وش تقول ؟! .
تركي ضربة على راسة : شغل التنك ذا .
رفع حاجبة : اذا شرحت زين ي حمار ، تعال حاسبني .
هتف تركي ببطء : سعود خوي راكان طلع من عائلة العايد ، وزي ماعرفت اليوم ، ان دكتور ماجد يقرب لهم ، انصدمت اني مادريت من زمان .
اكمل سيرة سيف وبضحكة ساخرة : عرفنا من التنك .
تافف تركي : ترى مو يعني خوي اخوي اعرف اسم ابوة وعائلته .
نطق سيف بملل : خلصت ؟! خلنا نروح نسبح .
تركي بعدم مُبالاة : روح اسبح لحالك لاني مستحيل ادخل في ذي الشمس .
..
في السيارة شردت بعد ان شعرت بالراحة في ساقها من اثر المُسكن ، وهي تتذكر مُدير فهد ، وراه شي .. قتل ، القتل مو شي بسيط يعني هو مجرم .. بس انا ماقدر اقول لاحد .. ايه ي اريان ماراح تقدرين لانه اكيد بيفصل فهد ، وفهد ماله يومين متوظف ، تنهدت ب اسى .
همست نجلاء : تحسين بشي ؟! .
حركت راسها وبهمس : لا بعد ماكليت المسكن صرت احسن .
..
صرخ فهد بعد ان توسط الصالة : من اللي مرسل ريما لنا ؟! .
ام علي بحدة : انا .
فهد بغضب : وانتي عارفه انها فشلتني في الرجاجيل وهي تقول اسمها .
ام علي بغضب بمُماثل : تبي اختك تموت عشان الرجاجيل لا يعرفون اسمها .
فهد بعينان مُشتعلة : ايه خليها تموت .
ام علي اشارت جهة الباب : اطلع ، مالي ولد مايفتخر بخواته في المجالس، وهم عزوته .
ارخى صوته وبهدوء : يمة انا ماقصد كذا .
ام علي : وش تقصد ي ولد نايفة .
ابتسم وغضبة يتبخر : شفتي انتي فهمتي اني مابي اي اسم ينذكر قدام الرجاجيل حتى لو اسم امي .
ام علي بحدة : بتنذكر اسمائنا وغصبن عنك ، واللي براسة بطحا يتحسسها .
اقترب فهد وابتسامته لازالت تُزين وجهه : تراني ماحبيت راسك ولا خشمك .
ام علي بضيق : هو انت خليت فيها حب .
نطق بإسف : الشيطان اعماني .
بعد فترة من الاحاديث هتف بتنبية : لازم ترجعون اليوم .
ام علي : عسى ماشر لية ؟! .
فهد : المزرعه يبي لها تعديلات وبيجون عُمال واشغال .
ام علي بعدم مُبالاة : ام سامي بتجينا بالعصر .
هز راسه فهد : ماعليه اهم شي تطلعون قبل بكرة .
..
في المطبخ اغمضت عيناها وب استفهام : انتم تلاحظون فهيدان غريب ؟!
نظرت لها اسيل : كيف غريب .
الجوهرة بتفكير : هو الوحيد اللي يتنرفز ويعصب بسرعه وافكاره غير عن راكان وتركي .
التفتت اسيل لروان ونجود الجالسات فوق كراسي صغيرة في الارض ويغسلون بعض الصحون امامهم : ماكانها توصف نفسها .
نجود هزت راسها : اي والله .
رون ابتسمت : من زمان ملاحظة فهد والجوهرة بينهم شبة كبير .
صرخت الجوهرة ب اعتراض : وش قصدكم .
عادت اسيل لمسح الفُرن وببتسامة : مانقصد شي ، الا ماودك تقولين لنا وش قلتي لامك امس وخليتي وجهها يتغير .
رمت الجوهرة المنشفة الصغيرة المُخصصة للفناجين وبغضب اتجهت للباب : مالك دخل .
وقفت روان وبصراخ : تعالي مو يعني عصبتي تنحاشين .
اسيل بإمر : نجود تنشف الفناجين بدلها .
اكملت نجود غسل مابين كفيها وبتذمر : دايم اشغالها تجي فوق راسي .

..
تربعت بجوارة وبهدوء : اسمعك تكلم اخوك وش قال ؟! .
رفع نظرة ثم اعادها للاوراق التي امامة وبحاجبنا انعقدت : مافيه شي جديد .
ب استغراب : كيف مافيه شي جديد ، وانا اسمعك تهاوشة .
بضيق اجاب : هاجر زوجها بالكلب تركي .
بدهشة نطقت اماني : مو هذا اللي تبي .
تافف : الكلام غير عن الفعل .
بضيق سالت : الا اخوك متى يرجع .
بتركيز في امامة : مدري عنه ، وازين له ماشوف وجه .
مدت له كاسة الشاي وببتسامة : لاتعصب طيب . .
..
ارتشف من كاسة الشاي وبضحكة : في المجلس .
ام ناصر شهقت مُمسكة صدرها : وتخلية .
عبدالرحمن : قال اناديك ، وجيت اسلم واسولف معك قبل تروحين .
ام ناصر بغيض : بيتي تدلة .
ام احمد بضحكة : الجيل ذا تغير .
عبدالرحمن بعينان مُتوسلة : تكفين ي خالة اعذريني .
نطقت لُجين ب اشمئزاز من حركاته : كم عمرك انت ؟! .
عبدالرحمن ب استفهام : بتزوجيني ؟! .
ابتسمت ام احمد : العروس جاهزه .
بادلها الابتسامة وبغمزة : منهي .
نطقت ام ناصر بحماس : وحدة من بنات خالتك ، ي اسير ولا اثير .
فتح عيناه وبقرف اخرج لسانه : لا يع مالقيتو الا ذولا .
ب استغراب ام ناصر : وش فيهم بنات خالاتك ؟! .
بملامح ساخره نطقت لُجين : يحصل لك وحده منهم بس .
عبدالرحمن بنرفزة : يمة انشغلي ب احمد ، والثانية ولدك موجود زوجية ، وانا ماعاد ابي العرس .
ام احمد بهدوء : اخوك مايبي الزواج الحين .
نطقت ام ناصر وعيناها تستقر في عينان لُجين : وولدي حالف مايتزوج .
عبدالرحمن بطولت بال : واذا ولدك مايبي يتزوج انتي وياها تنشبون لي ؟! .
وقفت لُجين بتوتر وخرجت بخطوات واسعة .
نظر عبدالرحمن لاختفاها وبتافف : يكفي عندنا مجنونة وحدة تجيبون لي ثانية .
ام ناصر : وش تقول ؟! ، وافقت .
وقف عبدالرحمن : اقول ياخالة ولدك من اليوم برا .
..
دفع الظرف الضخم الابيض اماماً : الحساب كامل .
سحب الظرف نحوة ، بعد نظرة سريعة لما في داخلة ، اخرج الظرف الاسود المتوسط ودفعه بقوة اتجاهه : الحين تصافينا ، وان شاء الله نقول ماعاد نشوفك .
بعينان خبيثة : اذا تبي فلوس ، ادع انك تشوفني .
ضحك بخبث : من بعد بتزور له اسم ، غير اسمك واسم ولدك .
وقف حمد : ماندري وش الزمن خاش لنا .
وقف الاخر : انا موجود وتعرف وين مكاني .
(تنبية : التزوير صعب جداً ونادراً وجودة عندنا بسبب الجهات المُختصة وعملها المُمتاز بالسيطره على من يحاول ان يفكر بالتزوير او يفعلها ) .
فتح الظرف واخرج مابداخلة ، وابتسم بتإمل .
بعد وقت صرخ : كارممممممااا كارماااا .
دخلت بتوتر : نعم سيدي .
حمد بغضب : اين جابر ؟!.
الخادمة بتلعثم : نائم .
حمد فتح عيناة : من الامس نائم ؟! .
هزت راسها الخادمة .
وقف حمد وسار بخطوات واسعه .
ابتعدت الخادمة عن طريقة .
في الاعلى مُستلقي على بطنة العاري وينام بعُمق .
فتح الباب بقوة وبغضب : جااابرررررر .
انتفض جالساً : سم .
حمد بعينان مُشتعلة : سم يسم بدنك .
جابر بملامح مليئة نوم : وش مسوي ؟! .
حمد اقترب : من امس وانت نايم ، وتقول وش مسوي ؟! .
جابر بغضب : لك شهور وانت توديني يمين ويسار وانا ماعرف شي ، واقول ابشر ، والحين عشان كم ساعة ارتاحها تهاوشني .
حمد ابتعد : ربع ساعه واشوفك بمكتبي .
عقد حاجبيه من صوت اغلاق الباب العالي ، القى نفسة للخلف وبتذمر : يبني اموت عشان يرتاح .
..
تكتفت وبحقد : ومن متى ابوها بالمستشفى ؟! .
ام مساعد بغيمة حزن تكونت على ملامحها : له كثير بس توه جاء الرياض لان هنا احسن له .
وبتافف : وطيب ليش عمي مايوديهم لازم مساعد ؟! .
ام مساعد ب استغراب : تهاني وش ذا الكلام ؟! ، مساعد لازم يروح عشان يسلم على عمه .
عادت تهاني لداخل بخطوات غاضبة بعد ان خرجوا .
..
دخلت ريما وبصراخ : الجوهرة الجوهرة خالة ام سامي تبيك برا .
قفزت الجوهرة من النوم وبخوف : ام سامي وينها .
ريما نطقت وهي تعود راكضة للخارج : برا .
نطقت بصدمة : برا .
نظرت لها اسيل من خلال المراءة وبهدوء وهي تربط شعرها : بسم الله عليك ، من اليوم اقول اصحي صلي مافكرتي تصحين ولما قالو ام سامي نطيتي .
الجوهرة نهضت متجهه للحمام وبتافف : ماعلي صلاة ، وترى ماهيب انتي اللي تعلميني بصلاتي .
..
دخلت بشبه ابتسامة وبتوتر : هلا والله بخالتي ام سامي ، توى مانورت المزرعه .
ام سامي ببتسامة : هلا ببنيتي ، نورك .
همست الجوهره لروان : ماقالت شي عن ضربي لولدها ؟! .
هزت روان راسها : لا ولافكرت وشكلها ناسية .
الجوهرة ببتسامة وشعور الذنب يخف : الحمدلله .
ام سامي ب استغراب : الا وين اريان ونجلاء ؟! .
ام علي بضيق : طاحت اريان لها على حصاه وانتفخت ساقها ودوها للمستشفى .
قاطعتها ام سامي بشهقه : بسم الله عليها .
ام علي : الحمدلله الحين بخير ، وراحو للبيت .
نطقت ام سامي بتنبية مُهتم : اقري على البنت وخليها تحصن نفسها ، عيون الناس ماترحم ، تراها امانتن عندك .
ام على بتنهيدة : الله يحفظها .
هتفت ام سامي بتسائل وهي تبحث بنظرها عن ابنها : عندكم مسبح هنا ؟! .
هند ببتسامة : ايه
همت بالوقوف : وانا اقول الورع وش فيه مقذيني ، يبي يسبح .
مسكت فخذها ام علي : وينك قايمة ؟! .
ام سامي بقلق: بروح اجيب رامي لايطيح في الماء .
ام علي : الجوهرة وروان البسو عباياتكم واطلعو جيبو الورعان .
وقفت الجوهرة بتذمر وبهمس لروان : مالقت غيرنا ؟! .
روان : احسن ع الاقل تزين صورتك قدامها .
الجوهرة ببتسامة : اي والله .
..
ترجل من السيارة وعدل نظارته الشمسية وبهدوء بعد ان اغلق السيارة : انتم اسبقوني .
اثير اقتربت وب استفهام : مساعد وين بتروح ؟! .
مساعد بهمس : عشان وتين تشوف ابوها وتتكلم معه براحتها .
هزت راسها : زين سويت ، بس لا تطول .
ابتعد مساعد واخرج جواله وهو يجلس على الكراسي الخارجية للمستشفى .
اسير : ليش مساعد مايدخل ؟! .
اثير نظرت لوتين : عشان ناخذ راحتنا .
نطقت اسير بعد ان عبرو بعض الممرات : وحده تشيل سلة القهوه ظهري انكسر .
وتين بعينان تقرا ارقام الغُرف : انتي شايفة كل وحده شايلة لها شي ، و خلاص وصلنا .
اسير بتنهيده : واخيراً .
..
رفع نظره من عمة لجهة الباب الذي انفتح .
نطقت اثير بدهشة : احمد اخوي هنا .
بضيق همست : وش يسوي عند ابوي .
ابو وتين ببتسامة : هلا والله بالحامل والمحمول .
اثير انزلت صينية الحلا فوق المنضدة الجانبية وبسُخرية وهي ترفع النقاب : قول هلا بالمحمول ، ولا تتعب نفسك وانت تلف وتدور .
وقف احمد وبهدوء : انتبه لصحتك ي عمي .
ابو وتين ب اعتراض : وينك رايح ، توك جيت .
احمد : عشان البنات ياخذون راحتهم .
ابو وتين : اقول اجلس ، مافيه احد غريب ماغير خواتك وبنت عمك .
ابعدت عيناها بعد ان وقعت في عيناه وبربكة همست لوالدها بعد ان قبلت راسه وانفة : بشر ان شاء الله بنرجع قريب .
ابو وتين بصوت متعب : ان شاء الله بنرجع ، الا ماودك تذوقيني من قهوتك .
رفعت حاجبها اسير : يمكن انا اللي مسوية القهوة ، ليش متاكد انها بنتك .
ابتسم ابو وتين : كلكم بناتي .
..
صفر ب اعجاب : وش يسوون الحلوات هنا .
نورة ترتشف من كوب القهوة السوداء وبملل : جالسين نشم هواء اختنقنا من البيت .
نظر لابرار الصامتة ونظرها لكوب قهوتها .
بهدوء مُستغرب : انتي لية ساكته .
ابرار رفعت نظرها وبتافف : وش تبيني اقول مثلاً .
اقترب وهو يسحب كوب القهوة منها وارتشف وبملامح مُتلذذه : اشوف عقلك رجع براسك ولا رحتي مع ابوك .
وقفت ابرار بغضب : ماتستحي انت .
انزلت كوبها ووقفت بينهم وببتسامة لماجد : دامك عصبت الحلوات لازم تطلعنا لسوق .
نظر لها ماجد ب اشمئزاز : مستحيل ، واصلاً سيارتي مع انس .
نورة سحبت الكوب منه وبسخرية : كذاب السيارة برا .
ابتسم ماجد : والله كانت معه بس رجعها عاد .
نورة ابتعدت : خلاص مايمديك تكذب ، يلا رايحة اتجهز .
نظر لها بعد ان جلست : وش فيك اليوم ، مو من عوايدك ؟! .
التزمت الصمت .
انحنى وهو يرفع راسها له و ببطء نطق : انا اكلمك .
نظرت له وبعينان مُشتعلة : مابي اتكلم ، غصب الكلام ؟! .
ماجد نظر لعيناها وبعد ثواني استقام بوقفته مُبعداً نظرة : لما اكلمك غصب تردين ، ويلا روحي تجهزي بطلعكم .
بتوتر من نظراته نطقت : مابي اروح ، وليكون الروحة بعد غصب ؟! .
التفت لها : ابرار روحي تجهزي ، لاتخليني اكنسل الطلعه ذي .
وقفت وبخطوات غاضبة ابتعدت: عشان نورة ماتقتلني بس .
ابتسم على شكلها الغاضب وهمس بعد ان ارتشف من كوبها : متزوج مجنونة انا .
..
في السيارة انزل النافذة وب استغراب من وقفهم وتهامسهم : وش فيكم ماتركبون ؟! .
نورة من بين ضحكها : نتهاوش من يركب قدام .
ماجد نظر لهما لبرهة وكانة لم يسمع ماقالت او لم يفهمه ثم رمى جسده خلفاً للمقعد ودوت ضحكته الرجولية .
ابرار ب استغراب مصدوم من ضحكة : وش فيه ؟! .
نورة لا تختلف عنها صدمة : مدري .
تنحنح مُعدلاً صوتة بعد الضحك وبمتعة : اقول اركبو .
ابرار نظرت له بقهر : الحين وش يضحك ؟! .
ابتسم ماجد بتسلية : ولا شي ، بتركبون ولا انزل .
فتحت نورة الباب الامامي وبإمر : ابرار بسرعه اركبي لاينزل والله ماعاد يطلعنا اعرفه .
ماجد ببتسامة صارمة : الكبيرة تركب قدام .
نورة نظرت له وبسٰخرية : كانك جبت شي جديد ؟! .
نظر لها ماجد بعدم فهم .
نورة ابتسمت : احسن مو لازم تفهم .
ماجد بفضول اخفاه : الا كم اعماركم ؟! .
اتسعت عينان نورة : اختك وماتعرف عمري ؟! .
ماجد نظر لهن بصمت .
ابرار بهمس : انا مابي اركب معه قدام ، وانتي اخوك يالله اركبي لا يذبحنا .
ركبت نورة وببتسامة وهي تُغلق الباب : خلاص حلينا الموضوع .
ماجد بهدوء بعد ان حرك المقود : يعني افهم انك طلعتي الكبيرة .
نورة هزت راسها ب اعتراض : مو يعني ركبت اني الكبيرة بس زوجتك رفضت تركب وياليت اعرف السبب .
ماجد ب استفهام : كم عمرك ابرار .
قاطعته نورة : ليش تسالها وماتسالني .
ماجد وهو يمُثل الحدة : نورة سالتك وغيرتي السالفة ، وكنسلنا السؤال .
نورة بتذمر نظرت يميناً من النافذة : طيب لا ترفع صوتك .
ماجد بتافف : ليكون بالعه مسجل وانا مدري ؟
ساد الصمت وبهدوء قاطعاً الصمت نظر من المراءة الامامية لعينان ابرار : كم عمرك ؟! .
بعدم اهتمام لسؤال : 22
ماجد بصدمة استدار براسة للخلف : اوف طلعتي صغيرة .
نورة بقهر من تهميشة لها : ليه تبيها زي عجوزك نوف ام 27 .
ابتسم على ذكرى نوف : بالعكس العمر المثالي لزواج اشوفه 27 .
..
روان اشارت جهة السيارة الواقفة يساراً : شوفيهم هناك .
اقتربت الجوهرة وببتسامة قبلت خد رامي : كيفك رامي .
بحدة من خلفهم : ليكون جاية تضربينه بعد .
التفتت وباشمئزاز : يوة روان مو ذا الدب سامي .
روان بهمس : اي دب الولد نحف .
الجوهرة بسُخرية رافعه صوتها : مايهم ماراح انسى شكلة وهو صغير .
سامي بغضب : انتي للحين قليلة حيا ؟.
شهقت الجوهرة بغضب : والله قليل الحيا اللي الواقف قدامنا ويكلم البنات .
سامي ب استفزاز نظر لعيناها الظاهره من فتحت النقاب : مع الاسف ماشوف بالمكان بنات غير روان وريما ، ولا كلمتهم .
فتحت عيناها : احترم نفسك ي الدب .
ابتسم سامي وهو يرى انه اخذ حق رامي منها فهو من يعرفها جيداً .
الجوهرة اقتربت له وبفحيح : وش يضحك ي مجنون .
سامي نظر خلفها وبهدوء اشار للجوهرة : رامي ادخل لامي ، ولاتقرب من ذي ، عشان ماتضربك زي اخر مره .
الجوهرة سحبت نفس : ي هيه انا اكلمك .
سامي بمتعة : تشوفون احد غيرنا ؟.
انحنت الجوهرة بسرعه لترمي مابيدها نحو سامي وانطلقت راكضة حتى اختفت .
صرخت روان بصدمة بعد ان استوعبت مافعلت : الجوهرة وش سويتي .
فتح عيناة بصدمة ، ورفع كفيه ب انفاس حارة محاولاً ابعاد التُراب الذي علق بين خصلات شعرة ووجه : من عرفتها كلبة ماراح تتغير .
روان بهدوء خايف : رامي ريما امشو .
سامي اقترب وبحدة وفشلة نظر لريما ورامي : احنا كنا نلعب ، ولا تعلمون احد طيب ؟.
هز الاطفال رؤوسهم ببتسامة من ماحدث .
همس بفحيح وصل لروان : والله العظيم وشوفيني حلفت ماخليها ، وقولي الدب ماتغير باقي يضربك ويكفخك زي اول .
روان برجفة : حسبي الله عليها بتفضحنا بالولد .
..
انحنى وسحب سيجارة من البكت الموجود فوق الطاولة ووضعها بين شفاهه وبملل : وين الولاعة ؟. اخرجها من جيبة ورماها له : وش ذا النوم عندك .
جابر نطق مُتاملاً الوشم المرسوم على الولاعة المشابه لوشمة : لي كم يوم مانمت زين .
حمد بهدوء رمى الظرف : هاك .
نفث الدخان وبعينان مُتسائلة : وش ذا .
حمد وقف وهو يسحب الولاعة وبحركة سريعة اخرج من وسطها مفتاح صغير وتحرك اتجاه الخزنة وبحقد مدفون : صار الوقت اللي لازم اقابل فيه عايد العايد .
حمل الظرف وبعينان تتسائل مابداخلة : راح يجي قريب لرياض ، الا ماودك تقول وش قصة عايد ذا معك ؟.
بهدوء غامض : راح تعرف كل شي الحين .
جابر فتح الظرف وببتسامة خبيثة شقت طريقها على ثغرة من سرعة تزوير الاسم الذي نطق به واصبح يستقر جانب صورته في بطاقة شخصية وتبعتها بعض المعلومات .
نطق بضحكة رجولية : خطير ي زياد ، تعرف تلعب .
التفت ناحيته وبهدوء : اسمي الحقيقي ميت من زمان .
انزل الاوراق وببتسامة وهو ينظر لقفا عمة المشغول بالبحث عن شي في الخزنة : ايه واللي يشهد ان مو باقي من عائلتنا غيري انا وعمتي ناهد .
حمد استدار نحوه وبخطوات الم خطت طريقها على ملامحة اتجه له و رمى امامة جريدة قديمة بتاريخ 1996 واشار ب سبابته بقسوة على الخط العريض الذي توسط احد عناوين الجريدة .
..
..
.. نهاية البارت الثامن عشر ..
..

سلمت يمناك
طرح جميل جدا

يسعدك الله على الموضوع
وعلى اختيااااره الا كثر من رووووعه

شكرا يعطيك العااافيه

نجمكم

طرح رائع
يعطيك العافية

يعافيك ربي على زاويتك الراقيه
وشكرا لَطـــرحك المُميز وإِختيارك الرائع
’’
عبق الجُــــــوري لـ رُوحِك..’

100
أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

يسعد لي صباااااااحك

وتسلم الأناااامل على هيك

صفحة جميلة ورائعه كما تعودنااااااك


يعطيك العااافيه


وشكر لك