من عز نومي صحيت وشفت في عيني

من عز نومي صحيت وشفت في عيني
دمع تهادى على جفني وانا غافي
سترت دمعي بكمي قبل يغريني
واخذت هذا الجسد من باقي لحافي
وسريت تايه ورى خطوات رجليني
لا الوجه وجهي ولا الاوصاف اوصافي
امشي واقول لطريقي لاتوديني
لعيون ناس تبي تدري عن الخافي
امانتك ....... خلها بينك وبيني
خابرك يا الدرب خوه عمر وسنافي
ما ودي الناس تدري وش يبكيني
كرامه النفس ورث ابوي واسلافي
امشي واحس الخناجر في شراييني
والبرد يمشي وراي وينهش اطرافي
وحيد والليل بردونه يغطيني
تقول كن البلدروح بها السافي
الين ما اوحيت لي صوتا يناديني
صوتا اعرفه مثل ما اجهل وش خلافي
قمت أتفلت وانادي لاتخليني
ما غير الصوت هذا صوته الدافي
ولمحت زوله من ورى الدرب لافيني
مدري وش اقول لكن حي هالافي
تعال شف غيبتك كيف اثرت فيني
تعال شفني وانا اغرق عقب مجدافي
تعال خذني ورح بي من عناويني
تعبت اعدي على جمرك وانا حافي
تعال واقطف بصوتك زهرهـ سنيني
كل المواعيد بعدك شمعها طافي
تعال و ازرع خصل شعرك بكفيني
بضمها لين احس بليلك الظافي
تعال وش فيك خايف ؟انت ناسيني؟
قطعت صوتي عليك وطال ميقافي
حتى بديت احس ان الحب معميني
وان انت حلم عثى فيني وانا غافي
لكن امانه ترى اللي فيني كافيني
ان رحت منك كذا ما رحت متعافي
بصدق الحلم واحذرلا تصحيني
في خاطري كلمتين وان قلتها كافي
امانه الله عليك ان غبت عن عيني
لايكون قلبك مثل قلب الزمن جافي
مع كل دمعه تذكر رعشه ايديني
ومع كل ضحكه تذكر قلبي الوافي


مما راق لي ............

ابدعتي غلااااااي

راااااااائعه بروقه

تسلمي ياقمرررررررر

لاهنت يليتني طفله على طلتك الغاليه

فديتك نظوره على الطله الغاليه

يسلموووووو اخر احساس على مرورك الغالي

يعطيك العافية عالطرح الراقي


سلمت على الإختيار الموفق


ودمت بكل خير

يسلمك ربي اخوي محمد على طلتك الرائعه

لاعدمنااااك والله