كب كيك السينابون

السلام عليكم ورحمة الله وبركاته
انا اليوم جايبه لكم طريقة سينابون جدا لذيذه وسهله خصوصا في طريقة خبزها
ولاحظت انه مافي احد خبزها بذي الطريقه مع انها اسهل وتطلع كلها قد بعض

المقادير:

4 كوب دقيق كويتي
4 ملاعق كبيره حليب بودره
ملعقه كبيره خميره سريعه
ثلث كوب زيت
ماء دافي للعجن

الطريقه:

اعجني المقادير مع بعض جيدا الين تتكون عندك عجينه ناعمه وطريه نوعا ما وكل ما عجنتي اكثر يكون احسن ....وبعدين اتركيها تخمر لمدة ساعه
تفردي العجينه على طاولة مرشوشه دقيق وخليها على شكل مستطيل وادهنيه زبده وكثريها
وبعدين رشيها سكر اسمر وملعقه كبيره قرفه وملعقه كبيره كاكاو بودره
لفي العجينه على شكل رول وقطعيها بسكين مدهون شوي زيت عشان ماتلصق فيه العجينه
وحاولي تكون القطع متساويه

ادهني قالب كب كيك بزيت وصفيهم فيه حبات السينابون وخليها تخمر ربع ساعه ودخليها الفرن الييييين تستوي بدون ماتحمر وترى ماتاخذ وقت .....يعني خليكي جنبها

خرجي السينابون من القالب وهو حار وصبي عليه الخلطه الاولى وهي عباره عن
علبه حليب مكثف + 6حبات جبن كيري
وغطيها الين تبرد

جهزي الخلطه الثانيه وهي عباره عن
كوب سكر اسمر +ملعقه كبيره قرفه + ملعقه كبيره زبده + ربع كوب ماء

حطيها على النار الين تغلي وتثقل ولما تبرد صبيها على السينابون وقدميها بالعافيه
هااااه ؟ ايش رايكم ؟ ان شاء الله يكون عجبكم
جربوه تراه سهل ولذيذ جدا