آلا ياليت لو نعشق حبايبنا بدون قلوب

[ALIGN=CENTER][TABLETEXT="width:100%;background-image:url('https://s-media-cache-ak0.pinimg.com/originals/c8/9a/7e/c89a7ea446a11c749f14d450dafbea97.jpg');border:8px double sienna;"][CELL="filter:;"][ALIGN=center]
[ALIGN=CENTER][TABLETEXT="width:70%;background-color:black;border:5px double black;"][CELL="filter:;"][ALIGN=center]

ألا ياليت لونعشق.. حبايبنا بدون قلوب
عشان ( القلب ) ما يدفع .. ثمن لخيانة أحبابه


والا يا ليت لو حب العشيق .. يثمن المحبوب
ولا يجرح أحاسيسه .. ويحرق غالي ثيابه


خسارة ما بقى وسط المحبه غير حمل ذنوب
خسارة قلتها للحب .. يومه قرر غيابه


خسارة من عنا قصه .. تغربل قاري المكتوب
قست لين أجبرت قلبي.. يبادل وقته عتابه


بدت يومي لمحت اللي... لمحروم النظر مطلوب
وصرت آموت من دونه... واذا جا القلب يحيابه



بذاك الصوب اوجه له.. اذا قالوا بذاك الصوب
وادور لي سبب والقاه لو ما فادت اسبابه


والاقي في شفاه احلى .. عذوبة نكهة المشروب
وفي حضنه مرام اللي نسوه وراحوا اقرابه


واذا حرك سمو الطرف .. أشقى بالهدب وآذوب
واروح بعالم ( ن) ثاني.. سبايب نظرة اهدابه


وفي الآخر يخليني . جريح . مولع . ( ومسلوب)
من الحب العظيم اللي تعدى حبره كتابه


ويترك قلب من حبه .. محال انه بيوم يتوب
ولا هواللي كسب حبه !! ولا خذ منه اتعابه !!

عشقت بقلب لكني .. طلبت يثمن المحبوب
ولكن الغرام اقفى وراحت بعده ركابه


تلوموني اذا كررت .. لو نعشق بدون قلوب؟؟
عشان القلب ما يدفع .. ثمن لخيانة احبابه

[/ALIGN][/CELL][/TABLETEXT][/ALIGN] [/ALIGN][/CELL][/TABLETEXT][/ALIGN]