ديوان العــــــقــــد الفـــــريـــد

***(((هلا والله )))*** يقول الفلاسفه القداما :ان لكل حجر من الأحجار الكريمه معنى وصوره فالألماس يدل على الشجاعه، والملك الذي يضع خاتماً ماسياً يطلب الشجاعه لنفسه ولشعبه أما الياقوت فيرمز للجرأه والمرأه التي ترتدي مجوهرات من الياقوت ترغب في التخلي عن خوفها بقليل من الجرأه هنا بوح الياقوت ... أهلاً ديوان العــــــقــــد الفـــــريـــد *** هــــــــــــــــــــــــــــــلا والله *** إهـــــــــــــــــداء للعابرون....... ولكل من أحب ( كبريـــاء ) وغمرها بلطف المتابعه ولكل من انتقد (الكبرياء) وقدم لها حجاره استفادت منها في مواصلة بناء (كبرياء الشعر) شكراً ديواني الأول ( العقد الفريد) أغزو به الأفئده وألامس الرووح أستمتعوا مع بوووح الياقوت

وسط الضجيج بقرية المفتاحـه 000 هفهف على سمعي نحيب بنيـه كانت من الواضح ماهي مرتاحه 000 او في اهلهـا حلـت المقضيـه منها اقتربـت وقلـت ياتفاحـه 000 وش قصتك تبكيـن ياحوريـه؟ قالت وتمسـح عبـرةٍ نسّاحـه 000 شباصتي ضاعت هنا ياخيّـه.!! قلت آه ياقلـي وقـل الراحـه 000 ياويل حالي مـن همـوم فيـه تبكين ياعذب اللمـا شباحـه!! 000 وانا بكيت من الطعـون الحيـه صدري قطين الهم مدري مراحه 000 والعين عن حلو الكـرا منهيـه تفطرت كبدي عقـب مرواحـه 000 وفي كل عام يلحّق ابهـا كيـه ذبيت في وجه الهبوب وشاحـه 000 وعديت رجـمٍ ماحـد معديّـه وناديت ياذا الريـح يالفواحـه 000 ماجا معك من ريح خلي شويـه والله لو دربه خطر لاأجتاحـه 000 واعنّ خطوات القدم ليـن إيـه واخم يـدّه والعـب بمسباحـه 000 واقول أنا والله العظيم (مافيـه)!

دخيل الله ربـي رب كـل الكـون والحيّـات إلهي مازبنت أكـرم منـه والنفـس مرهوبـه قضيت العمر أعد من الخطايا وأفهق السيّـات وبن آدم لو شبع من كل طيّب مااشبـع ذنوبـه يسج وياخذ مْع الذنب لـه روحـاتٍ وجيّـات وإلا ناداه حبل الغي مسّـه وإنجـذب صوبـه وانا كملت عشر وعشر واربـع كلهـن نيّـات لاطاب لْي الثمر فيهـن ولاراقصـت نبنوبـه هداني عاثر الحـظ الـرديّ شـوي وشويّـات وخلاني بليـل الخـوف ماكولـه ومشروبـه زرعت أرض اليتيم و قلت ربي يعلـم النيّـات عسا مع صرمة الرزق القليـل يرقّـع بثوبـه ولكنْ أصعب انواع الجفـا لاشحّـت الريّـات من كْفوف السحاب وكانت الدعوات محجوبـه فقيـر وقطّعـه ليـل الخـوى والآه والأيّـات يقول( أي) ويقول( آه) ويقول (أخ) وماحسوا به مياسم عثرته تركـي عليـه بصالـي الكيّـات ويتهجا حـروفٍ مـن علـى جبهتـه مكتوبـه وانا من يوم عيني فتّحـت تطوينـي الطيّـات قليـل الفـرْح لـو هلّـت تباشيـره ويادوبـه تعودت أقضم الظلـم وليـال الظلـم مثليّـات سواد وجيههن ينبيك عـن باكـرك و كروبـه نزفت العمر وجروحي عن العـذال مخفيّـات وليل البارحه نفّضت ثـوب الجـرح وجيوبـه نطف دمعي على رزق اليتامى والعرب بيّـات ومسحته في كفوفٍ عاشت العقديـن مسلوبـه

قلـت قلبـي قـال بيديـنٍ امينـه قلت واسمي قال من دونـه رجـال قلت واهلي قـال مجـدٍ خابرينـه قلت ربعي قـال ماضيـن الفعـال قلت عذّالي؟ ضحك، قـال الغبينـه قلت غيري قـال ماعنـدي مجـال فتّق ضلوعه وشـرّع لـي يدينـه وانعطفت اضمـه بصـدر الشمـال كل ما عزّم يـروح المـح حنينـه ثم امد يديّ واهمـس لـه تعـااال ان قلط يقلط على جنـب السمينـه وان عبر تخضع له خشوم الـدلال من دواعي فرحتي لاصـك عينـه واستباح بنشـوة الصمـت المقـال في فمه كل الحروف تصيـر زينـه وفي فمي تذبل سواليـف الـدلال..! حـط ربـي جنـه ونـار بيمينـه وحطني طفلـة حرامـه والحـلال والهنوف اللـي سرايرهـا دفينـه خيّمت غصبٍ على عرش الجمـال حوّلتهن عنـه واجتاحـت خزينـه وْلبست بنت الأصل تـاج الجـلال إيـه ياشعـري تفـرّد بالسفيـنـه البحـور السـبـع بيديـنـك زلال كم سهرت احماك عن هتك الحصينه يوم بنت اللاش تشريك ابْريـال..! وكم كسيتـك بالجلابيـب الثمينـه لين صرت بعينهم شمـس الـزوال علّم اللي بـاح مـن غلـه كنينـه بإن شعري راسـيٍ مثـل الجبـال فكـرةٍ عـذرا ومظهرهـا حزينـه يعتصرها الجرح وضيـاق الليـال حزنهـا طاهـر ودمعتهـا رزينـه وخدهابرقٍ كشـف قبلـه.. وسـال ياقصيـدي والفخـر متوارثيـنـه من جدود ومن عمام ومـن خـوال اسمي اسما من ركب فوق السفينـه دام دونه تفتل اشنـاب الرجـال..!

على متن السهر حثّيت رجلي والمدايـن ليـل وسريت الفرجه اللي لو سراها الرَجل طاح بها وانا بنت الغلا والتيـه والزومـات والتدليـل على جفني تطيح النجمـة وتبقـى خرايبهـا تموج بعيني اسرار البنات وهمهمـات الجيـل عنود ونرجسيه واعشـق الدنيـا واجاذبهـا كفوفي لو يقولون الكفوف من الـدلال تسيـل على عرش الترف سالت يديني من قوالبهـا على يمة ديارك سرت والدنيا تصـب الويـل وسط خدي تشوف بعينـك هنيـا مساحبهـا ياكيف اسريك ياليل الهوا الموحش بقب الخيل ورهيفات السيوف امن الملح ذابت مقاضبهـا حبيبي ياحبيبي وش ورا أرحب وريح الهيل؟! دخيلك هاكني وضلوعـي اول ماتهـب بهـا! صبرت ليال من دونك ولاظني بقابـي حيـل عن وسوم الزلال اللي لنا صفيـت مشاربهـا تخايل واذكر الله وارفـع التكبيـر والتهليـل لفتك المزنه اللي عنـك ماشحـت سحايبهـا تمشّى في خبوتٍ دوب مارفّع عليهـا السيـل تضاحك لك نفلها وانثنـى يشـرب مساربهـا تخطى يااول العشاق بسم الله عليـك وميـل على روضٍ تباطـا جيّتـك وابطـا يحسّبهـا عليك امان ربي ربّـع بقربـي وخـل الليـل يمر وشرهـة الدنيـا علـى منهـو يطالبهـا