خواطر قلب الامير / خالد بن سعود الكبير

قالوا علامك قلت مدري علامي
شفت الخطا واضح ولاني مخليه
حبي لديني ساقني للكلامي
واللي يحب الدين لابد نفديه
حنا عن التوحيد لازم نحامي
ونزه أهل العلم والشرع تنزيه
سلام مني للرجال الحشامي
من لا يدانيكم ترى ما ندانيه

،،،،،،،،،،،،،،،،

إعرف حدودك يا الهبيل
لا تحسب الديره همل
حوثي ولا يمك سبيل
إذلف وقصع لك قمل
ضايع وضيعك الدليل
منتب على قد الحمل
أصبحت في دمك قتيل
نمله وواطيها جمل

،،،،،،،،،،،،،،،،،،

يامرسلين الرسايل لا يجي فيها
مبروك راس السنه وإلا كرسمسهم
مسلم ونفسي على ديني مربيها
والغرب لو عيدوا مانيب غابطهم
عيادهم عادتي ما احب اجاريها
مانيب تابع لهم والا مجاملهم
العيد عيد الفطر والحج ثانيها
سنة محمد وصحبه ذي شريعتهم

،،،،،،،،،،،،،،،

يالايمي في الشعر منتب على حق
الشعر نعمه نعم من هو عطاها
الفحل في الشعار فارس ويلحق
إلى صفق في القوم سيل دماها
والشاعر البارع للأوطان يسحق
عدوانها بالشعر قول لطاها
اللي كلامه عندنا صادق وحق
قاله لحسان الفحل ما كناها
عليه تسليم من الخالق الحق
كثر العباد بأرضها أو سماها

،،،،،،،،،،،،،،،،
يا رب باعد بين ذنبي وبيني
بعد النجوم السابحة في فلكها
يا رب ساعدني على حفظ ديني
من ظلم نفسي والذنوب وشركها
متعلقة في حبل عفوك يديني
والنفس طاحت في رجاك وشبكها
انت الإله اللي بدينك أديني
وانت الوحيد اللي حياتي ملكها

،،،،،،،،،،،،،،،،،،،،

العبد لي شاب في خدمة معازيبه
بروه بالعتق رحمه وأطلقوا قيده
واليوم يا رب غطى مفرقي شيبه
عتقي من النار عتق العبد من سيده
يارب أنا لجوتي بك ما بها ريبه
النفس أمارة بالسو وتريده
يا رب عبدك خلقته وأنت تدري به
كثرة ذنوبه وبابك قاضبه بيده

،،،،،،،،،،،،،،،،
مدري علام الناس تقسى على الناس
هذا جهل والا غرور وتعالي
حنا بشر والأصل من طينة الساس
لو قيل ساس الراس من راس عالي
الله خلقنا أشكال وألوان وأجناس
ولا جعل فينا ملاك مثالي
ما أحد نزيه من الخطايا والأدناس
ولا أحد يظن إنه من النقص خالي

،،،،،،،،،،،،،
هذا الشرف وإلا بلاش
طعنه من أصحاب الفتن
،،
الله جعلها لك وسام
فخر(ن)على مرالزمن
،،
ياخوي يامحمد تعيش
ويعيش من يحمي الوطن
،،
حنا اخوانك نفتخر
بأفعال مثلك في المحن

سلمت يمنــآك
طرح جميل جدا

قصيدة أكثر من رائعة
دام أبداعك وعطائك الراقي
لك مني جزيل الشكر والتقدير...
ودي وعبق وردي

عوافي ع الطرح

جمال الانتقاء هنا
فاق الافق ي نقاء
سلمت الروح و الحرف
وسلمت يداك على جمال عطائك
لا حرمنا منك

سلمت آناملك آلمتألقه لروعة طرحهآ..
ودي لك ولروحك ,,~

يعطيك العافيه

طرح جميل

طرحك روووووعة
واختيااااارك ارررروع

وذوووق

يعطيك العااااافية

نجمكم

رآق لي طرحك
امنياتي لك بدوام التألق والابداع
بانتظآر جديدك القآدم..
لروحك جنائن الورد ,..