ليش تنكرني وانا لجلك بكيت

السلام عليكم ورحمة الله وبركاته
ابيات واتمنى ان تنال رضاكم جميعا

ليش تنكرني وانـا لجلـك وفيـت=ليـش تنسانـي وقلبـي مانـسـاك
ليش تجفانـي وانـا ماقـد جفيـت=ليـش ترميـنـي بـيـدك للهلاك
ليش تحرمني وانـا ماقـد سليـت=كيف تكرهني وقلبـي قـد هـواك
يعلـم الله عقـب صـدك ماغفيـت=آاتمالـك دمعتـي واركـض وراك
ماهقيـت الغـدر منـك ماهقـيـت=منهو غيري حتى انفاسـه عطـاك
كل شارع مر بـه قلبـي سهييـت=اتذكـر وقفتـي وسطـه مـعـاك
لو دريت ان الهـوى بلـوه سليـت=لو دريت اخفيـت حبـي يامـلاك
مادريت بطعـم جرحـك مادريـت=جالـب اللوعـات قلبـي وش دواك
هل ترى هي غلطتـي لمـا وفيـت=هل ترى جرحي غدا غاية هـواك
اعترف لك مانسيتـك لـو نسيـت=اعترف لك حبـك ابقلبـي شـراك
كم كتبت الشعر بعدك كـم قريـت=كم عطيتك بالعمـر هـذا رضـاك
هو جزايه بالهـوى لانـي عطيـت=او جزايه بالوفـا جرحـي ويـاك
واعترف لـك مانسيتـك ماحييـت=واعترف لك ماعشق قلبـي سـواك
وانـت تهـدم بالخيانـه مابنـيـت=منهو غيري نفس حبي قـد خـذاك
لو عشقت انسان مثلـي ماحكييـت=لانـي بالدنيـا عشيقـن ماسـلاك
وااخـر التعبييـر والله ماهقـيـت=ضاع عمري وانتضر لحظة رضااك

كلمات
ابو هاجر

صح لسانك يابو هاجر

كلمات كلها حزن وجماليه



همسه


ابتعد عن تكرار القاف حتى لو انك تعديت الست ابيات
هنا يجوز التكرار
لكن تضعف في القصيده وقافك جميل ومفرداته متعدده

لكن بيض الله وجهك

صح لسانك مليون
ياياســـر

كل الود

لو عشقت انسان مثلـي ماحكييـت
لانـي بالدنيـا عشيقـن ماسـلاك
وااخـر التعبييـر والله ماهقـيـت
ضاع عمري وانتضر لحظة رضااك

قصيده رائعه اخوي لاهنت والله