اقطف من بستان مخاوي الليل...

هذه قصايد خالد عبدالرحمن وكلا يختار اللي تعجبه وتناسبه
أقطف من بستان مخاوي الليل واهديها لااغلى الحبايب
مع ارق تحيه مرشوشه بفل وعنبر


لاتعتذر
تصبح وتمسي وترقد دون تسمعني...عودت قلبك على هجري ونسياني
انت تعمدت بغيابك تقاطعني...وانت تسببت في همي واحزاني
صبرت بس الصبر ماكان ينفعني..ومليت مل انتظار وبعدك اشقاني
ياماتمنيت شوفك وانت تمنعني... وانت تجاهلت احاسييسي ووجداني
لاتعتذر في العذر ماعاد يقنعني.. من عقب ماذقت من صد وحرماني
انا اتحداك اذا تقدر ترجعني... اوا نت تقدر على بعدي وهجراني
ماعاد لك اي دافع شوق يدفعني.. من عقب مانت تبيع بارخص اثماني
بالحيل عانيت من بعدك ولوعني..جرب عذاب الفراق ويمكن تعاني
لالا تحاول وابعد روح وطاوعني ..ولاتفكر انك تعود لدنيتي ثاني
ماعاد حبك ولاشوفك يولعني ..انا نسيتك واطلب منك تنساني
================
وجه المرايا

غاب القمر وانكسر وجه المرايا فيك.. والحزن نثر على وجهي شظاياها
والليل اصبح عذاب وحسرة وتشكيك... يرسم همومه واحاول اتحاشاها
حتى المدينة حزينه عينها تبكيك... ويبكيك قلبي وعيني نثرت ماها
ياغايب عن عيوني خاطري يطريك... في كل لحظة عيونك كيف بانساها
لو غبت ماغاب طيفك عني وطاريك.. كنك معي في خفايا الروح واقصاها
الله يصونك ويهنى بشوفتك غاليك.. وتقر عينه بشوفك ياهنياها
يامن سلب مهجتي هذا العنى يرضيك.. وغيبتك عنا صعيبة ماقويناها
ودي اجبر كسر وجه المرايا فيك.. واحضن همومي وابروزها بمراياها
================
الصورة المكسورة
بجانب كحلك ومشطك وبعض اشياء منثوره.. وعطر غامض مثلك يخبي في الزجاج اسرار
انا عشت الهوى قربك مجرد صورة مكسورة.. على تسريحتك عاشت حبيسة كذبة وغبار
اشوفك تنظرين لها بضحكة عين مسرورة.. وافكر نظرتك شوق معاها جملتين اعذار
واثاري نظرتك مرت عليها بس مجبورة..قصدتي خلفها وجهك تشتت في مرايا الدار
نسيتي واصبحت صورة مع الايام مهجوره..نسيتي وابتدت ترحل من البرواز والاسوار
نسيتي بس خليها يابنت الناس مستورة.. نسيتيني وانا مثلك نسيتك والزمن دوار
انا نفسي بديت انسى ملامح هذي الصورة..دخيلك لاتخليها بالبوم الصور تذكار
بديت انسى شقى نفسي ووجه الحزن وشعوره.. وقولي لمن سال عنها تشابه صورة الخوار