روايه وصـرنـا بـالـعـشـرهه خـــوات

في يوم من الايام القاسيه الي مرت على هدى ومها في دار الايتام ..الي عمرهم ما اعتبروه دار ايتام .. كانوا يعتبرونه بيتهم الي عاشوا فيه احلى ايام حياتهم بحلوها وبمرها وماتوقعوا بيوم يطلعون منه

مها وهدى خوات توأم نفس الشكل نفس كل شي لقوهم قبل 18 سنه تقريبا وكان عمرهم تقريبا شهر قدام باب الدار
مها : عمرها 18 شخصيه نزغه كسلانه مصرقعه تمووت ع الهبال وماتقعد بالبيت ماتسوي شي لازم تطلع وتنزل تموووت ع السماجه والمزح بس طيبه وقلبها ابيض بس ماتحب تطلع هالشي غير لاختها عشان محد يستغلها
مواصفاتها : بيضاء شعرها اشقر غامق ناااااااعم عيونها خضراء ونحيفه شفايفها وخشمها صغار
هدى : نفس مها بالشخصيه والشكل بس هدى انحف من مها وعيونها ازرق وشعرها نفس لون شعر مها بس افتح شوي

كانت تكلمهم المشرفه الي اعتبروها امهم بكل صرامه وقساوه .. عمرها ماكلمتهم كذا تغيرت فجأه وش السبب .. >> بنعرفه بعد شوي

المشرفه : هدى مها انتوا كبرتوا خلاص يعني عمركم صار 18 ولازم تطلعون من الدار خلال اسبوع
مها .. وهي تصيح .. : لالا يمه لا مانبي نفارقك تكفين يمه لاتطلعينا مالنا مكان نروح نقعد فيه هذي الدار اهي بيتنا
هدى .. وهي منهاره .. : تكفيين يمه بنسوي اي شي بس خلينا هني .. طول عمرك كنتي تعتبرينا بناتك كنتي تحنين علينا وتحبينا شنو الي غيرك ليش تسوين فينا كذا
المشرفه .. من ورى قلبها .. : لاتنادوني يمه ..يلا عاد بلا دلع ماصخ انا مو أمكم انا هني موظفه وبس وراكم بس اسبوع ولا بنطردكم

طلعت هدى مع مها واهم يادووب شايلينهم رجولهم ووصلوا غرفتهم وقفلوا الباب عليهم وتركت كل وحده العنان حق دموعها تنزل

^^^^^^^^^^^^^^^^^^^^^^^^^^^^^^^^^^

عند المشرفه هنادي

تنهدت بألم : يارب ساعدني ما ابي اقسى عليهم اكثر بس مجبوره اسوي كذا .. ولا بنطرد انا شلون سمحت حق نفسي .. شلون طاوعني قلبي اسوي كذا شلون .. معقوله تطلع مني كل هالقسوه عليهم حرام علي لازم اسوي شي

فرحت الي ورى الباب بالي سمعته من المشرفه فرحه كبيره وراحت عشان........^_*

^^^^^^^^^^^^^^^^^^^^^^^

في مكان ثاني في الشرقيه

كانت تركض بأقصى سرعتها ماتبيه يلحقها تعبت منه خلاص كل ليله على هالحاله وامها ماتدري عن شي

وقفت وصارت تلهث لما ايقنت انها ماتقدر تتحرك او تسوي شي خلاص .. جا وراها بسرعه ومسكها من خصرها وسحبها داخل غرفتها عشان......^_*

هذي البنت اسمها ساره : عمرها 18 ونص قلبها طيب حيل والدنيا متعبتها همومها قد شعر راسها ..حساسه حيل وذايقه الويل من زوج ابوها كل ليله ياخذها ويسوي معها ... غصب عنها وموقادره تقول حق امها الي تعتبرها امها
مواصفاتها : بيضاء عيونها رصاصيه شعرها اشقر غامق شوي وفمها وخشمها صغااار شفايفها ورديه ونحييييييييييييييفه

بس بهالليله ماقدر زوج امها يستفرد فيها لانه لما سحبها الغرفه انفتح الباب بقوه وجت امها وياليتها ماجت وشافته يقرب من ساره وساره تبعد وتبكي بقوه الام ليلى ... واهي معصبه ودموعها على خدها ..: يا الخاينين ليش تسوون كذا حطيت كل ثقتي فيكم بنتي الي اعتبرها بنتي سااااره يمه ليش تسوين كذا فيني تخونيني ومع منو مع زوجي .. وانت يا محمد ليش ليش تبيع عشرة العمر الي بينا حرام عليك ... طلعوووا طلعوووا برا بيتي بسسسرررررررعه طلعوووووووووووووا
محمد .. بربكه وهو يحاول يقلب الموضوع ..: انا ماسويت شي يا ليلى ماسويت شي اهي الي دخلتني الغرفه وحاولت تتقرب مني صدقيني ياليلى
ساره : والله ماسويت شي اهو كل يوم يسوي كذا
ليلى.. صدقت محمد لانه ماعمره سوى كذا وواحد آدمي بنظرها : ياحساافة عمري الي عشته معاك وتربيتي الي ضاعت يا ساره وهذي اخرتها طلعيييي براااا بيتي مابي اشوفك .. >>> يبيله طق هذااا محمد
ساره انصدمت وانقهرت لما شافت ابتسامة النصر على وجه محمد .. بس مع كذا حبت تطلع وتطلع نفسها من العذاب الي ذاقته من محمد .. لمت الي بقى من كرامتها وهي حاسه بالانكسار ولمت اغراضها وطلعت وتركت لهم البيت

^^^^^^^^^^^^^^^^^^^^

في دار الايتام

سمعت حنان صديقة مها وهدى الصغيره كلام المشرفه هنادي من ورى الباب وفرحت وطلعت تقول لهم ...وصلت باب غرفتهم وسمعت صياحهم ودقت الباب

<<طبعا حنان صديقتهم الصغيره وعمرها 14 تحب مها وهدى وتسمع كلامهم>>>

حنان : مهاوي هداوي تكفون فتحوا الباب ترى عندي خبر بيفرحكم

فتحت لها هدى الباب وكان وجها قالب احمر من الصياح دخلت حنان وهي حزينه على حالهم لقت مها بنفس حالة هدى .. ركضوا وضموا حنان وهم يشاهقون من البكى كأنهم يبون منها الامان .. وتفجر شلال دموع حنان معاهم

وبعد صياح استمر 10 دقايق قررت حنان تقولهم الي سمعته من المشرفه

حنان : هدى مها لاتصيحون خلاص ترى يمكن تنحل المشكله تدرون شسمعت من المشرفه تو

هدى ومها مستغربين منها وبنفس الوقت عطتهم امل وبصوت واحد : شسمعتي منها

حنان : ...الله يسلمكم كنت واقفه عند الباب رايحه اشرب موويه .....وقالت لهم على السالفه)

هدى ومها استانسووا وبنفس الوقت حزنوا على حالهم وراحووا ركض حق المشرفه الي يسمونها امهم

فتحت هدى الباب ومعها مها وحنان شافوا المشرفه هنادي تصيح .. دمعت عيونهم بقوه ... وركضوا لها وهي ركضت لهم وطاحوا عالارض وهم ضامين بعض ويصيحون ويشاهقون كان شكلهم يقطع القلب ..

المشرفه هنادي : سامحووني يمه اني قسيت عليكم سامحوني كنت مجبوره
مها وهي تحضنها بقوه : مسامحينك والله مسامحينك
هدى : يمه لاتفارقينا تكفين مانبي نطلع
المشرفه هدتهم وراحوا على غرفتها قعدوا على سريرها
المشرفه هنادي كانت قاعده على السرير وفارده رجولها وهدى حاطه راسها على رجول المشرفه ومها قاعده جمب المشرفه وحاطه راسها عند رقبتها وحاضنتها من الجنب والمشرفه تلعب بشعرهم والانوار خافته << شكلهم خياااااالي ... شرايكم ما اناديها المشرفه اناديها هنادي

هنادي : حياتي انتوا لاتخافون مهما صار مابيفرقنا الا الموووت
هدى ومها : الله لايحرمنا منك يمه
نقزت هدى نقزه سريعه وطلعت فوق السرير (قرده هالانسانه ماتعقل) وصارت تصارخ وتقول : احبهم يانااااااااااااااااااااس
وطلعت مها وياها وصاروا يغنون ويرقصون فوق السرير وهنادي ميته ضحك على اشكالهم المبهره وكشتهم وطلعت ترقص وتغني وياهم وآخر شي ضمووا بعض ضمه قويه
مها وهدى : الله لايحرمنا منك يمه
هنادي: ولامنكم ياروحي
ورجعوا قعدوا على السرير ويتغشمرون ويضحكون
هدى : ماما شبتسوين الحين حنا لازم نطلع على حسب قانون الاداره وخرابيطهم
هنادي وهي تقرص خد هدى وتبتسم: هههههه يمه منك انتي ام الخرابيط..(وسكتت شوي وهي تتنهد) بقدم استقالتي بكرا وباخذكم ونروح نسكن في بيتي
مها : صدق ماما يعني مابنتفاارق ....بس بنخسرك وظيفتك
هنادي : فداكم الوظيفه وكل شي ياعمري انتوا بناتي اسوي كل شي عشانكم
هدى : الله لايحرمنا منك يمه
وناموا وهم على نفس الوضعيه وهنادي تلعب بشعرهم وتبتسم

^^^^^^^^^^^^^^^^^^^

لكن في عيون ما ذاقت النوم

عند ساره ...... حملت اغراضها وطلعت برا البيت ماتدري وين تروح وين تقعد .. الحمد لله ان عندها شوية فلوس وراحت على فندق وحجزت غرفه وقالت لهم ان اخوها بيجي عشان يخلونها تحجز وقعدت وهي تفكر بمستقبلها وشنو بتسوي .. لبست بجامتها الورديه الي بلوزتها ورديه ساده عليها بس قلب حب كبيربالبني وبنطلونها البرموده الي عليه قلوب بنيه صغيره ..وانسدحت على سريرها وهي تفكر والنوم مجافيها لين ماغمضت عينها ونامت

^^^^^^^^^^^^^^^^^^^

الصبح

قامت هنادي لقت مها وهدى على حضنها ونايمين وشكلهم ملائكي.. تذكرت كل شي صار امس وقامت وحطت راسهم على السرير ,,, خذت لها شور ولبست لها بنطلون جينز ازرق فاتح عليه زخارف بالاسود وبلوزه لونها اسود ساده كت ضيقه عليها زخارف على لون البنطلون .. ازرق فاتح ورفعت شعرها البني فاتح وربطته ذيل فرس ونزلت القذله (الغره) ولبست صندل اسود ورشت من عطرها وراحت تقوم هدى ومها الي مازالوا نايمين دخلت الغرفه لقتهم قايمين ومرتبين السرير وراحت هدى حضنتها ومها قالت يه يه يه شهالجمال شهالحلاوه شهالزين يمه طالعه قمر اصغر منا مامي
هدى : يالكشخه يالكشخه خفي علينا ترى ذبنا
ضحكت هنادي وقالت : هههههههههههه ياحياتي انتو اجمل واحلى

هنادي : عمرها 45 تقدرون تقولون عنها نسخة هدى حسين الاصليه في مسلسل اميمه في دار الايتام( الي هي شخصية اميمه )بالشكل بس حنوووونه حيل ومليارديره وبنعرف السبب الي جابها تشتغل في دار ايتام بعد شوي...


وطلعووا هدى ومها ياخذون شور ويلبسون ويرتبون اغراضهم عشان بيطلعون من الدار اليوم ... ورتبت هنادي اغراضها لان مو كل شي جابته معها عشان عندها بيت


خذت هدى الشور وطلعت لبست شورت اسود عليه زخارف بيضاء وبلوزه قصيره ضيقه كت بيضاء وعليها زخارف بالاسود وجزمه بيضاء عاليه ساده ونزلت شعرها الاشقر على ظهرها المكشوف بسبب البلوزه وحطت بكله على شكل ورده سوداء على شعرها ع الجنب ورشت من عطرها وطلعت وشكلها خقققققققققققققققققققققققققققققققهه
مها طلعت من الشور لبست لها تنوره قصيره ورديه فيها كسور وزخارف بالابيض وبلوزه كت ضيقه بيضاء ساده عليها زخارف ورديه وصندل ابيض عليه كرستالات بالوردي وتركت شعرها الاشقر القصير وحطت بكله على شكل فراشه على الجنب على شعرها ورشت عطرها وطلعت ...

لما شافتهم هنادي قعدت تقول : الله الله بنوتاتي احلى مني فديتكم ياعمري تهبلون
مها : طالعين عليك يمه
هدى : ايي وخصوصاا بالكشخه
ضموا بعض وراحوا على غرفة هدى ومها يرتبون اغراضهم وهنادي تساعدهم
خلصوا بعد 4 ساعات وانسدحوا كلهم على السرير تعبانين
وجت الساعه 6 ونص تقريبا المغرب .. لبسوا عباياتهم وحطوا شلاتهم وودعوا البنات وخصوصا حنان الي كانت حيل زعلانه على فراقهم بعد ماكانت هنادي مقدمه استقالتها طبعا ...

*************************************

عند ساره كانت قايمه الساعه 5 المغرب عشان ما نامت الا متأخره واسترجعت الي صار امس من احداث وبدت نوبة الصياح
ساره وهي تصيح : والله حرام عليهم الحين وين اروح امي طردتني والحقير محمد قلب كل السالفه يااااااااااارب ساعدني ... وبعد ساعه ونص من الصياح الساعه 6 ونص قامت وراحت الحمام (اكرمكم الله ) وطالعت نفسها بالمنظره وجها شاحب وعيونها قلبت احمر ... في نفسها .. الله ياخذك يامحمد ياربي شكلي حيل تعبان .. يارب ساعدني وين اروح طلعني من هالمحنه يارب
خذت لها شور ولبست فستان قصير ابيض وعليه زخارف بالاسود وصندل اسود ورفعت شعرها وسوته بف ورشت عطرها وحطت مكياج خفيف يخفي شحوب وجها وخذت اغراضها ولبست عبايتها وطلعت وراحت بالليموزين على البحر وقعدت وحطت اغراضها جمبها وراحت تتمشى على البحر الي كان يطل عليه قصور فخمه كبيره ... في نفسها الله كل قصر فيه عايله سعيده ليتني معهم ياربي ساعدني ... وفجأه بدون سابق انذاااااااار ...........

طرحك جميل ..||
دام التألق ... ودام عطاء نبضك
كل الشكر لهذا الإبداع,والتميز
لك مني كل التقدير ...!!
وبآنتظار روائع جديدك بكل شوق...!
ودي وعبق وردي ..||

متصفح جميل جدا

يسعد لي قلبك

وسلمت أناااملك

ونتمنى رؤيتك مره أخرى في صفحه ممتعه كهذه


شكرا لك

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

انتقاء مميز
وطرح بقمة الروعه والجمال
سلمت روحك والانامل
لا عدمناك

طرح رائع
انتقاء مميز
سلمت لروعة جَلبك
كل الود

ماشاء الله تبارك الرحمن

ذوق في اختيارك
وعافيه عليك وعلى الطرح الراقي
لاحرمك الله رضاه

‏لك كل
تقديري واحترامي

مجنون قصآيد

‏

*،




آنتقاء مميز .. مَ ننحرم من جديدك

عوافي

انتقاء مكلل ب اهاديِج الزهور
اشكرك عدد مداد الارض
لروحك الجوري