 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
10-01-2020
|
||||||||||||||||||||||||||||||
|
||||||||||||||||||||||||||||||
رواية الملك لله صحيح لكن انتى من بين خلق الله ملكي البارت السابع عشر
البارت السابع عشر
في بيت قوم بو زايد.... ام زايد وسلمى وزايد وعياله يالسين في صاله سلمى كانت قاعدة عداله وهي ملاحظه ان ريلها الفتره هذي متغير محلو وييهه مرتاح ابتسامته ما تفارقه تكلمت وقالت: زايد زايد طالعها بدون ما يتكلم يترياها تكمل كلامها تنهدت سلمى وقالت: اشوفك متغير هالايام وبذات الفترة هذي زايد من دون ما يطالعها وهو يلاعب عياله ويبوسهم قال: من اي ناحيه سلمى: شكلك مرتاح محلو ابتسامتك ما تفارقك ام زايد بعصبيه قالت: اهب هباج الله بسم الله ع ولديه الله يحفظه اما زايد رد يطالعها وقال ببرود: هي نعم الحمدلله مرتاح كله بفضل الله . ام زايد قالت: عسى دوووم الغالي زايد يبتسم : امين سلمي : وين تسير انته غايب عن البيت اكثر من ٥ شهور ما تي الا قليل ليش شو عندك .. زايد يبوس عياله ويحضنهم قال: يلا حبايبي سيروا تعشوا وناموا طالعها وقال: كان عندي شغل خلصته ورتبت اموري وهذا انا جدامج الحين ... تنهدت سلمى خايفه يكون عنده شي وما يتكلم ... زايد يطلع تلفونه وانصدم ان لين الحين ما في ولا مسج ولا تصال منها معقوله يعني مب مهتمه فيني معقوله الحين هي تسولف وناستني تنهد بضيق ومسك تلفون بقوو لازم هو يتصل يعني طنش الموضوع شوي وقلبه يحترررق غيره سمع امه تقول: حبيبي تبا تعشى هنيه ولا اطلع لك عشا ويا حرمتك فوق .. تنهد زايد واشر لها بمعني لا مابا وقال لمه: الحين هي شفيها تحقق ويايه .. امه: بعد ريلها وخايفه عليك من بنات الحرام .. زايد نطر حوايبه وقال: بسم الله بنات الحرام مره وحده اللي تبا ريلها تحافظ عليه وتتمسك فيه بكل جوارحها ... امه عرفت معنى كلامه وقالت بتنهيدة: فيك شي يا ولديه .. زايد ابتسم مجامله وقال: لا فديتج لا تحاتين .. يت سلمى ويايبه بطيخ وشمام وحطته في الصحن قدام زايد زايد وهو يقول فخاطره وينننج ضاعت علومي اليوم بسببج تنهد بضيق وكل بطيخ شوي واكل امه بيده .. امه بفرحه: فديتتتت روحك ي الغالي الله يفرحك .. زايد ببتسامه: امين وياج .. وين خواني .. امه: ذياب في نادي وطحنون الحين بي ... اي والله احبك ولا أطيق غيبتك لو القدر من دون وصلك حداني والله مايعلم بخافي محبتك غير العليم اللي بحبك بلاني تنهد زايد وقام يغسل ايده رن تلفونه ومشش ايده وطلعه بلهفه ما صدق انها اتصلت ع طول رد وهو يقول: واخيررررا شاف حرمته يايه صوبه واشر لها تروح وظهر خاري وركب سيارته وكمل كلامه: واخيررررا نور تليفون ما بغيتي تتصلين ... شيخه تحاول ما تبين له انها مضايقه على اللي صار ويا حمدان قالت بحب: فدييتتتتتتت روحك ما علي ي قلبي التهيت ويا خواني شوي بس حقك عليه . زايد بحب: والله انى كنت ضايق من خاطري اقول معقوله من متى ما اتصلت عليه لهدرجة تبا فرقاي ... شيخه بعصبيه: بسمممم الله عليك عساني ما ذوق الم فراقك الله يخليك لي ولهلك يا عين مغليك ... زايد تنهد وقال: ترى بحرك سياره وبيجج ما تحمل كلامج شيخه تتنهد وقالت بهدوء تام مع ضيقه : لا حببي فديتك اليوم لام عيالك الغالي لا تخرب فرحتها فيك . زايد بلا مبالاه قال: ما اهتميت فيها انتي تدرين انتي شو بالنسبة لي . شيخه بحب: ادري يا عيوووني زايد: احبج شيخه: امووووووت فيك وفي روحك وهمست بحب وقالت: واعشق لمسك وهمسك ودلعك لي زايد اللي صدق ماقدر يستحمل قال: خلاص والله بييج ماقدر اصبر شيخه تتنهد: لا والله ما تي حبيبي لا تحسسني بذنب يكفي اني ماخذتنك منها خلك عندها . زايد: ما اتحمل اسبوع من دون ما اشوفج ... شيخه قالت بدلع: احسننن انزين عشان يزيد نار شوق فيني وفيك عشان اللقى يكون له لذته .. ضرررب ايده بالسكان بقو وقال: لا تيننيني والله بييي تراج قاعده تعذبيني بها الكلام . شيخه جابت العيد وقالت : عسى الوصل بيني وبينك يا روح مضنونك ما ينقطع ابد ... زايد اللي استجمع كل حواسه وحاول يهدي عمره قال: شيخوه قسم بالله مب قادر اسيطر ع عمري تكفييين خلاص خليني ارد لج ولحضنج مب قادر وخذ شهيييييييييييييق طويل وزفره.. شيخه بحب قالت: وتخلي ام عيالك بعدين بتشك فيك وبنفترق عقب اذا دروا هلك .. زايد يشوف طحنون اللي ياي صوبه وفتح الباب وقعد عداله وكمل زايد كلامه : محد يغنيني عنج وراحتي وياج وسعادتي وياج .. محد يقدر يبعدني عنج حتى هليه ما يوقفون في طريق سعادتية .. طحنون يضحك ع كلام اخوه وزايد ياشر ع قلبه وقال لشيخه : يا روح مغليج ليش ساكته شيخه تلعب بخصلة شعرها قالت: عيني على شوفك ولهى وقلبي على حضنك متلهف ... زايد مستانس بالكلام اللي يسمعه منها كمل وقال: واذني ع صوتك شفقانه وايدي ودها بملامس ايدك ومعانق روحك ع روحي . شيخه بهمس: اعشقك عشق ماله حدوود عشق يوصل حتى النخاع . زايد قال: ترى والله اتهور خلاصصص قسم بالله بييي شيخه لامت عمرها وقالت: لا خلاص والله اسفه يلا حبي روح الحين تعشى وقعد ويا هلك وعقب نلتقي . زايد بحب قال: وبتسكرين جي من دون بوسه شيخه ضحكت وقالت: عساس انها بتوصلك البوسه زايد : المهم شي يصبرني لين ما ييج .. شيخه تعطيه بوسه: اموووووواح ولا تزعل يا نظر عيني . زايد تنهد وقال: فدى البوسه وراعية البوسه ... شيخه: يلا الغالي فداعة الله زايد: بتصل بج عقب ردي شيخه بلوم: حرام عليك اقعد عندها لا تخليها تحس بشي.. زايد: ما عليج منها انتي انا اعرف راحتي وين .. شيخه بتنهيده: اللي تشوفه .. سكر زايد عنها وهو ما وده يسكر ... طحنون قال وهو يغمز له: الله الله من متى هالرومنسية زايد تنهد بحب وحط ايده ع قلبه وقال: قسممم بالله ما حس اني عايش الا يوم اكون عندها قسم بالله ما ارتحت في حياتي الا وياها اه اه بس اه منج يا شيخوه خذتي عقلي وقلبي وروحي طحنون بجديه: هييي بو شباب لا تنسى عيالك وحرمتك لا ترد مراهق زايد لف يطالعه وقال: هاي حرمتي ثانيه مب وحده من شارع هذي اللي لها الخافق يهلي والقلب يفز لها .. انصدم طحنون وقال بهدوء:انت طول الفتره هذي كنت معرس زايد هز براسه بهيه كمل طحنون وقال: وانا اقول شو تغيير هذا اشوفك مرتاح ومستانس احسك تضحك من قلب واحس ان ويهك مرتاح حتى صحتك ردت حتى ويهك نور والله عبالي انك مهدود من شغل وتبا ترتاح طلعت سالفه حب وغراميات ... تنهد زايد وقال: تصدق طحنون قسم بالله من خمس سنين يالس ع نار كنت خايف انها تروح لغيري ما صدقت اني اخذها واملج عليها واستقر وياها ورتبت اموري تصدق طحنون احس الدنيا ضحكت لي احس ان صدق الله حقق امالي وتحقق حلم كنت خايف انه يروح مني ويتم طيفه بس الحمدلله ان الله حقق لي هالحلم . طحنون يربت ع كتفه وقال: اييه يا الغالي ثرك متخشع يلا الحمدلله ..بس ما قلت لي كيف عرفتها زايد يطالع اخوه وقال: يبالها قعده والحين الوقت ما يسمح لي ان اتكلم عن قصة حبنا ... طحنون: وسلمى زايد : طحنون انا مب مرتاح وياها ابدا انا عقلي وروحي ملك انسانه وحده بس وحده وهي شيخه تنهد طحنون وقال بهدوء:اذا عرفت بزواجك زايد بلا مبالاه: ما يهمني والله بطقاق يطقها طحنون: تفكر تيب من شيخه عيال زايد لف عليه وقال: هي ان شاء الله اذا الله كتب لي عيال منها بس ليش تسال؟؟ طحنون حط ايده ع ايد اخوه وقال: كنت اتحسبك ماخذنها نزوه بس دام جيه السالفه االله يسعدك وياها سعادة ابدية زايد من قلبه قال: اميييين يارب العالمين .. نزلوا ودخلوا الصالة وشافوا امهم حاطه العشا وكانت ع طاولة الطعام الذ الاكل واشهاها محشي مشكل (عنب .ملفوف.كوسه.فليفلة) والباستا ، الباشميل. قال زايد وهو يقعد: الله شو هالزين بس يا ام زايد عني فداج تسلم ايديج . ام زايد مستغربه قالت في خاطرها توه مايبا عشا والحين انفتحت نفسه ع الاكل والله وراك شي يا ولدية ردت ببتسامه: يعله مليون الف عافيه . زايد وهو يتلذذ بالاكل: يا سلاااااام يعلني ما عدم طبخج في دنيا يا الغالية ورفع عينه وقال : يعافي قلبج يا ميمتي قالت سلمى : توك ما تبا اكل تقول ما تشتهي الحين اشوفك تعشيت . زايد من دون ما يطالعها: انفتحت نفسي ولله الحمد سبحان من يغير كل شي بلحظه . طحنون في خاطره يقول معلوم نفسه بتنفتح دام كلم الحب والله يحظك وهنيالك يا زايد يوم عندك وحده تحاتيك وتخاف عليك نفس شيخه صدق يبين انك مرتاح مالومك والله سلمى وايد متكبره وما تفكر الا بنفسها وبس حتى عيالها ما فكرت تنتبه لهم ام زايد : طحنون طحنون ينتبه : هممم امه: بلاك حبيبي شارد ذهنك فيك شي طحنون يتحنحن وقال ببتسامه: لا فديتج ليش ؟؟؟ امه تتنهد: اشوفك شارد بعقلك .. طحنون ياكل من المحشي : لا والله بس شوي مشغول وشوي حدر ذياب وقال: اووووه بو خليفة هنيه .. ضحك زايد عليه وقال وهو ياكل من الباستا: تعال يلا بيفوتك العشا لذيذ . ذياب يبتسم:لا برايكم كملوا عشاكم بسير اتسبح وارتاح عقب بتعشى ... سلمى قالت : مب غريبه دايما الطاولة عامره بالاكل الا انته مالك وجود كأن البيت مخلنه فندق بس تشل ثيابك وتطلع حتى رقاد ما ترقد . طنشها زايد وقال فخاطره بس قولي الكلمه اللي في بالي وبخلي لج البيت وبروح لها انا اصلا اباها من الله قوليها يا سلمى يلا ، انتبه ع كلمه امه وهي تقول: بسسس عاد احترمي نفسج وتعشي وانتي ساكته .. وشلون كل هالحس شايله صدري؟ ابغيك؟ ياخي شويّه ان قلت ابغيك انا وصلت لمرحلـة حب .. تــدري احس فيها مدري شـلون اعطيك بعد العشا بربع ساعه يشربون جاي وقال لامه: شي جرفة امه: هي فديتك زايد طالع سلمى وقال: سيري يبي لي جرفة مطحونة شويه في فنيان وهاتي خاشوفه صغيرة . راحت سلمى ويابت له حط في دله شوي جرفه وخضها وصب له كوب جاي احمر بنكهة الجرفة . قالت سلمى : ماحيدك تحب الجرفه زايد : عاد حبيتها ويا الجاي الاحمر يوم كنا مسافرين الشباب ما عندهم غير الجاي الاحمر بجرفة وعاد انا حبيته. سلمى قالت: انته كل شي فيك تغير انته اصلا كنت ما تحب الباستا ولا تحب الباشميل بس استغربت ان اليوم كلت منهم. زايد بحب قال وهو يطالع امه: كل اللي تسويه امي يعيبني حتى السم منها عسل .. امه اللي صدق مستغربه من زايد قالت في خاطرها والله انه حد في خاطرك يا ولدية عساها تهنيك بس دامك مرتاح وابتسمت وهي تقول: عله مليون عافية فديتك ولازم بتغير شوي وبتجرب الاكلات صح . طحنون رد وقال: هي والله انج صادقه خص يوم يكون الواحد مرتاح وده يجرب كل الاكل ابتسم وكمل كلامه وقال حتى النفسية تكون مرتاحه وحلوه والواحد يشتهي كل شي .. ضحكت امه وزايد ابتسم وقال:هي عيل شو ... سلمى راحت فوق تشوف عيالها وام زايد طالعته وقالت بحب وحنية الام: جان صدق حد في خاطرك ومخلتنك مرتاح واشوف ابتسامتك طول الوقت يا عسى الله يهنيك ويوفقك.. انصدم زايد من كلام امه ما توقع ان امه بتعرف انه تغيره الجذري وراه بنت ابتسم بخفيف وقال طحنون : شفت حتى امايه ملاحظه فرحتك .. دخل ذياب وسلم ويلس عدال اخوه وقال: عضيدي الغالي بلاكم عليه ... امه تقول: من زمان ماشفت فرحة اخوك من زمان وضحكته اللي من زمان غايبه عن ويهه اليوم يوم شفته يضحك من خاطره احس اني ولدته من يديد ذياب غمز له وقال: الحب وما يسوي شكله عضيدي لاقي حب .. زايد ضحك وقال: لهدرجة يبين عليه اني متغير امه بفرحه قالت: هي والله يا ولديه اقولك انا من شفتك تضحك وانا احس اني اليوم مظهرتنك من بطني ... ذياب قال بجديه: امايه تبين صدق بنت اخوج مب مريحه العضيد ومب مهنيه عليه عيشته انا لو منه قسسسم بالله بالباجر ثاني يوم الحرمه اليديدة في حضني وانا في حضنها . ضحك طحنون وقال: ههههههههههههههه اووووه الله يقدرني واعرس واشوف الحب كيييف .... ذياب طالع امه واخوانه وقال: والله اني صادق ما تنبلع سلمى مع احترامي لخويه الغالي .. زايد قال : واعععع الحين شياب طاريها ترى فقعه مرارتي بحنتها وزنتها والله وعفس ويهه بضيقه. قالت امه بحب: انزين انته مب مرتاح ويا سلمى . زايد تنهد وقال: بصراحه يا امايه لا انتي تشوفينها كيف تتعامل ويايه دوووم نقيره ودوم تظهر وتسير عند هلها وربيعتها وتخلي عيالي اي راحه اللي تتكلمين عنها الراحه يوم ايي من دوامي والقاها تطلبني فلوس عشان تروح تاخذ هديه لفلانه ربت وفلانه عرست الراحه يوم اييي ارقد تقول لي تراك ما طلعتني انا وعيالك افف انا مليت من حياتي شوف خواتي سافرن شوف خواتي رياييلهن ماقصروا وياهن وانا في ذمج يا امايه بشو مقصر سفريات واسفرها من يوم خذتها وطلعات واطلعها ومصروفها واصلنها هي وعيالها وزود وهدايا واييب لها ورغم هذا كله ماشفت منها شي ابدا بس تحب تاخذ ما عمرها احتوتني نفسيتي تعبت منها ويوم شافتني ابعد عنها من فتره ما كلفت ع عمرها وسالتني انته شوفيك مضايق ولالا عقب زواج دام ٨ سنوات مالقيت راحتي وياها انا من خمس سنين عايش احلى عيشه بعيد عنها وقلبي ملك لوحده ثانيه تسوى سلمى وطوايفها ومدللتني وحاطتني ع راسها من فوق ما عمري فكرت بيوم بلقى حد يداريني بها طريقه بس يوم حصلتها وعرفتها هي كل حياتي الحين .. امه تنهدت بحزن : كل هذا فقلبك يا الغالي عنبو يا حبيب امك تعال وكلمني وقولي زايد بتنهيده قال:انا خذت سلمى بس لجلج يا اميييه لانج انتى تبينها ولا حب ماعمري حبيتها ولاشي بس ماقصرت وياها في كل شي تباه والحين يا الوقت اللي اشوف راحتي ونفسي وين وعند منو ... امه تمسح دمعتها وقالت:سامحني يا الغالي والله ما كنت متوقعه حياتك ويا سلمى جيه .. زايد بتنهيده وضيقه قال: دخيلج امايه لاتفتحين المواضيع القديمه ونش وحب راس امه وقال بهدوء تام مع ضيقه: انتي ما غلطي يا امايه انتي عبالج انها زينه وان اختيارج هو صح لكن هي ما تيوز لي يا اميه وانتي تدرين الايام اللي طافت كيف كنت مارد البيت ودوم شارد وانتي بروحج تشوفين لسانها كيف طويل وترادد .. طحنون يتنهد: هي صح كلامك بس تخسي تراددك هي تعرف ان انته ما بتسكت لو هي طولة لسانها عليك . زايد بضيقه: تهبي طول لسانها عليه هي بس تتكلم قدامكم بجراه وطولة لسان وتحقق ويايه وين ساير وين راد وينكك الحين هي حست بوجودي الحين فقدتني لاني ما اسوي لها سالفه … امه قالت: بنت منو اللي انته تباها وانا بخطبها لك .. زايد يضحك وقال : هههههههههه ايييها يا امي البنت حليلتي الحين . امه بصدمه: في ذمتك قول والله زايد يضحك: هههههههه والله يا امي اني صادق .. امه: وليش ما خبرتني .. زايد: مافي وقت مناسب اخبركم .. امه بزعل: وما يهمك اني افرح لك زايد يحضنها وباس راسها وهو يقول: اويلللي ويلاه ع زعلج يا بنت حامد والله ما تهونين وباس راسها امه بحنية وطيبة قلب قالت: عني فداك وآلله انه يوم المنى يوم اشوفك مستانس وتضحك وفرحان يا قلب امك ... ابتسم زايد وقالت امه: عشان جي كنت ما تبا عشا وعقب تعشيت .. زايد انحرج وقال: ههه لا ما كنت ابا عشا كنت ضايق ما سمعت صوتها طول اليوم بس من اتصلت فيني وكلمتني ردت روحي لي وكلت بشراهه .. ضحكوا امه واخوانه عليه وتمنوا له حياه سعيدة ... انتهى البارت .. مخرج : ذكرياتك كلها ماغاب منها غايب يوم قدني باتشالا جاتني مجتمعه . كل ذكرى في وجعها مثل دمعة شايب طول عمره ماهقا انه ينكسر من دمعه 
 
|
|
10-01-2020
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
يسلمو طرحك روعه
|
|
 
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
