رح للسهر والعالم الملتمه...!!

رح للسهر والعالم الملتمه
و اسهر وانا ربي يروف بحالي


وابعد واذاضاقت عليك اليمه
تدل بيتي وتعرف جوالي


خل اليتيم الي فقد حضن امه
مال اليتامى غير ربي والي


تموت روحه في يدك من سمه
غالي ولايفداك غير الغالي


لاهانت العشره تهون الذمه
في وقت تنباع الذمم بريالي


الشان شانك وانت ابوه وسمه
تبقالك الفرحه وانا يبقالي


هم(ن)يزايمه البحر مع همه
ويصير من بعد الملوحه حالي


وشعر(ن)يذكرني براس القمه
والوجه الابيض والمقام العالي


ودرس(ن)يذاكره الزمن ويصمه
لاواهنيك يالفؤاد الخالي


وقصة ضياع وبعثره ومطمه
من جالك وحطيتها في جالي


اقف دلالي من دموعي جمه
واروح منها يابس(ن)فنجالي


اقص جرحي في الظلوع بدمه
وان هان الاول مايهون التالي


واجلس والارض لجلستي مهتمه
مدري وش اللي ماطرى في بالي


اشعر بقربك يوم ربي تمه
واناظره واثره ماغير ظلالي


انثر شتاتي في العرا والمه
ماعندي الاغترتي وعقالي


اصبح على الاطلال ضايع يمه
وامسي تحت جنح الظلام لحالي




عذراً .. للشاعر .. مدغم او شيبه


انثر شتاتي في العرا والمه
ماعندي الاغترتي ولثامي