إثنيننا نحتاج صُبح وسحابه

. . رتّب على كفّ الغيوم أمنياتك واقرب لها تقرب معاك استجابه خلّك كذا مابين: روحك وذاتك كنّك هنا مابين: قلبي وبابه هات الحكي لاكان صمتك مماتك واسكت إذا صبّيت حزنك كتابه ما كان حلم الوقت ينزع عباتك لذا تدارك مابقى من ثيابه لاضاق صدرك هات حزنك وهاتك تلقى بصدري.. يارفيقي رحابه وإن كنت من عيني تخاف انفلاتك فابشر بقلبٍ يحتريك انسكابه إجمع شتاتي أنتثِر في شتاتك غنّ وترنّم واعتبرني ربابه جمّع عصافير الأمل هن بناتك عطها وهي تعطيك عز ومهابه إطلِق عبارات الفرح من شفاتك شتت طوابير الملل والرتابه إلى متى والياس إحدى سِماتك؟ إثنيننا نحتاج صُبح وسحابه وش هو الحلو؟ ( تشبه حياتي حياتك) بس عيبنا إنّا نعيش بكآبه