ماهزتك ذكرى حبيبك وحنيت !!

الحظ جابك مرحبا بك وحيّـيت اقلط على حدب الضلوع النحيله حبك يميت الحيّ ثم يحيّيّ الميت ! الله يعظم أجـر جرحٍ أشيله ماهزّتك ذكرى حبيـبك وحنيت ! ياما على شانك رقيت الطويله لي رجم عالي لاطرى البعد ذبيت منهو يحس الجرح لجل اشتكيله يآ ليت قلبي ماعرف قلبكم ليت ماكآن عيني دمعها كالمخيله تفيض عيني كل ماالفكر مريت الشكوى لله مابيّديَ حيله غنيت لك ياصاحبي كم تغنيت وكل القصايد في غيابك عليله مآغير اهذريبك ليآ رحت وان جيت ضيّعت درب الحب وانت الدليله الله واكبر يوم شفتك وصديت مآكنّ جنبك عشت ليله وليله مدري تكبر ؟ أو عليـنا تغليت ؟ شفت القدر فرّق خليل وخليله انا ادري انـك في غيابك تماديت وانقطعت اخبارك ولا به وسيله لكن عن حدود الفكر ماتعديت ! وفرقاك صعب وجيّتك مستحيله تدري وش اللي في غيآبك تمنيت ؟ ترجع لنا ذيك الليالي الجميله