لماذا يالحريم مجالس رجالكم تصفر فيها البوم والعناكب معششه فيها

ماهي حال مجالس رجالكم
يالحريم الان هل صحيح
ان البوم يصفر فيها
ومعششه فيها العنكبوت
راحت سلوم الرجال الاولين
قهوه العصر وقهوه
العشى وقهوه الضحى
الحارة عندنا لي
كم سنه ماشفت
عزايم وسيارات
واقفه عند البيوت
لو على قهوه
مو شرط عشى
ياليت كل واحد يدخل
يعطينا حال مجالس
منازل حارتهم
وما هو السبب
في ذلك
هل هو رخامة الرجال
ولارخامة حريم هازمن
ولاالنعمة اشغلت الناس
عن بعضهم
ولا القلوب اللي
في الصدور
هي السبب

بقلمي المتواضع

هلا بك أخوي تسلم على طرحك المتميز
بيوت العز والاصل مآ تقفل مجالسها أبد
قد يكون فيه شوية تقصير
ماله علاقة برخامة رجال اوحريم
لاكن الدنيا تلاهي وكل شخص وعنده التزاماته وظروفه
اشكرك على الطرح
لاهنت

انت تبي تتهاوش بااي طريقه
ههههههههه

مجالسنا تلق لق والحمدلله ما عندنا عناكب
وبيوت

ورجالنا من زود مرجلتهم يعزمون حتى بالرصيف
ويبطحون التيسس والغنم

.. سلمت على الطرح اللي اصابني بصدمه بعض الشي << متعوب عليها هالكلمه هع


ودي

؟؟
أنا أتمنى أن لاتطلق هذا الكلام على الجار ..
ولكن وجهه هذا الكلام لنفسك أنتَ شخصياً ..؟
أنت أجب على السؤال ،‘ لأن أظن بأنك تحكي عن وآقع مجلسك
ولكن بصوره اخرى تبعد النظر عنك فـ وجهتها للـجار ..

وأيضاً ومضه بسيطه الحريم وش دخلهم بالموضوع
لاصار مجلسك أنت مو عامر خلاص الحريم هم السبب ؟
المجلس يروح ويرجع على الرجل ذاته لاعزم صار عامر
ولاتراجع من العزايم صار ميت ومهجور ..
فـ لاتسلط ضوء هالنقاش ان حريم البيت لهم دور فيه ..

والحمدلله مجالسنا لازالت عامره والنار بها حيه ..

تبقى وجهة نظر شخصيه
والإختلاف بالرأي لايفسد للود قضيه
تحياتي ..

هذا رايك واللي تشوفه عندك وعند غيرك

وبعدين وش دخلنا احنا توجه الكلام لنا مو يمكن الرجال يتقابلون في اي مصيبه

ولا كل شي ينحط براس الحريم والله انت مواضيعك

ماادري وش نبغى

هههههههههههههههه

مااعتقد ان اذا بيجونك ضيوف المجلس مكركب
وغير معقول اطلاقآ
الشي الاخر
من المتعارف عليه المجالس ليست للجلوس
اليوم
انا عندك مجلسي يوميا يتمسح وريحة عودالبخور
تفوح منه
وهذا حال الكل المجالس تكون مجهزه للضيوف
اخالفك
ويمكن فيه بس قليل ولكن ماتوصل ان البيوت ماهي مرتبه

خخخخخخخخخ اكلتوا الرجال هع هو قصده معشعش فيها العنكبوت مو وساااخه وقرف وهيك هي كنايه عن هجر المجالس هع <قامت تتفلسف
فعلا ممكن الحريم لها دور برفضها مثلا الطبخ او غيره ولا تمد له بوزه تكرهه بالعزايم
شوي شوي ع الراقل موضوع للنقاش مو شرط يكون مجلسه من هالنوع ربماااا مر عليه ناس من هالنوعيه
عموما
الرجل هو الاساس بهالموضوع والحمدلله اتوقع لازالت مجالسنا عامره الا ماندر
تشكر اخي ع طرحك للموضوع

الصلااح من الله وانا اخوك

في بعض الحريم ترفض عزيمة رجالها حتى لا اهله فيقول مالي ومال المشاكل
وفي حريم تفز برجالها حتى لو انها تعزم من حر مالها اذا شافت منه تقصير
وبعضهم والله تبيع ذهبها عشان تعزم ضيوفها
وهذا يرجع اوﻵ واخيرآ للبنت وعلى ماتربت
والحين طلعت سالفة الاسترحات الرجال عزايمهم فالاسترحات واستحلو الحريم مجالس الرجال
الى في مناسبه خاصه مثل تمايم و غيرها
الله يعطيك العافيه طرح يحكي القليل من نماذج المجتمع

رأيي من رأي مجنون
وغيرة صاحب
وعقلانية شموووووخ