هـاض الخفـوق وفـاض قافـي وغنـيـت

هـاض الخفـوق وفـاض قافـي وغنـيـت



هـاض الخفـوق وفـاض قافـي وغنـيـت
غنـيـت مــن شـغـل التفـاكـيـر وإنـتــاج


مـن عقـب مـا شفـت البـدو يـوم مريـت
مجلاسهـم طيـب ونـقـاء وفـلـة حـجـاج


يــا ليتـنـي عـايـش مــع الـبــدو يـالـيـت
ولا عشت في ديرة هل الضج و إزعاج


لامــن طــرى للفـكـر طــاري تمشـيـت
أطلـق عنـان الـرجـل مــع كــل منـهـاج


أمشـي وأســج بخـاطـري يــوم عـديـت
بيـن الفـيـاض النـاظـره طــب وعــلاج


ولاجاء العصر جبت الـدلال وتقهويـت
فـوق الطعـوس اللـي لهـا البـال محتـاج


والفـجـر لا نــادى المـنـادي وصـلـيـت
القـا الجماعـة وإقصـراء البيـت أفــواج


وعـقـب الفـرايـض للمـعـازيـم نـاديــت
فـي مروبـع العـمـدان والصـبـح فـجـاج


وصـفـر الــدلال إتـعـد والـنـار شبـيـت
وأسـمـع رنـيـن النـجـر والـنـار وهــاج


ودارت سواليـفـن عـلــى مـــا تمـنـيـت
والعـود الازرق عاثـي وجـالـه عـجـاج


مليـت أنـا مــن زحـمـت الـمـدن ملـيـت
مليـت مــن روتـيـن لاهـيـن و إحــراج


الكـل يدبـك كـل مـا أصبحـت وأمسيـت
منطوقـهـم مشـغـول ومـزحـوم الادراج


مـا كنـي بوسـط الـعـرب لــو تهقـويـت
كنـي غـريـب مـطـوق بـسـور وسـيـاج


الوضـع مـزري ومــن سبايـبـه عانـيـت
حالي إ نبـرا وأرجـي مـن الله الافـراج


طبـع الـدن شايـك وانـا طبـت وأزريـت
بـأ قضـي أوقـاتـي مــع اللـيـل بـسـراج


مـن لامنـي وأعـلـن بيـانـه مــن البـيـت
أقــول بـيـتـك مـرصــد بـكــم مـــزلاج



للشاعر سعود الحافي

طرح رااائع قلبي

ربي مايحرمنا من تواجدك وجديدك الراقي

لاهنتي على القصيده الراائعه

بارك الله فيكم على المرور الرائع
الله يعطيكم العافيه تحياتي وتقديري

تسلمي عزيزتي عالطرح الجميل

كالبدر تسطعون في متصفحي..
وتعبرون جسور الكلمآت برقة حضوركم..
آشكر لكم جميل حضوركم ..
لروحكم جنآئن الورد..
هماليل نجد ..

صح لسانك ولسان قايلها