ياغالي ليه تِطْعَنِّي ..

ويِطُولْ اللِّيلْ في عِيني وأقولْ: الشَمسْ خوَّانه

سِمَا .. وقلبي مِثلْ طيرٍ يطيرْ وفَارِدْ الجنحان

وبَعَدْ مَا طَار لِكْ قلبي تِكَسِّر ليه جنحانه..!

زِمَنْ غيَّر وفا قلبك وخلاكْ الزِمَنْ خوَّان

وأنا اللِّي أحْسِبَه قلبكْ يصُونْ القلبْ لو خانه

أصدِّقْ وإلا ما أصَدِّقْ .. أخافْ إنِّي أنا حلمان

تدُور الدنيا في عِيني وإلاَّ عِيني نعسانه..!

هقيتْ إنَّ الوفا عِندكْ يِشِبْ بقلبكْ النيران

يدفِّي قلبي البَاردْ .. ويحْضِني بشريانه

لقيت إنَّ الوفا عِندكْ رمَادْ وبَسْ بُقى .. دخَّان

وحُبكْ مَاتْ في قلبكْ .. خَنَقْ حُبي بدخانه

عِرَفتِكْ مِنْ هَذاكْ الوَقتْ وعِشْنا كِنِّنا اخوان

تخُونْ اليُومْ مِنْ دوَّرْ رضَاكْ وزَعَّلْ إخوانه

يا غالي ليه تِطْعَنِّي .. وأنا اللِّي لدنيتِكْ شفقان

( افا ) وشلونْ تتْرِكْهَا .. عُيوني تِنامْ زعلانه

تِخيِّلْ ما قِدَرْ يِمْسَحْ دُموعِي مِعْطَفْ النسيان

تِطِيحْ الدَّمْعَه مِنْ عِيني على طاريكْ ولهانه

تخُونْ اللَّي لَجِلْ وصْلِكْ رضى يبْعِدْ عَنْ الخِلان

تخُونْ اللِّي يِشِيلْ الهَمْ .. عنِّكْ فُوقْ أمتانه

تخُونْ اللِّي لَجِلْ عِينِكْ ضَحَكْ قلبَه وهُو خسران

وكِلْ ما شافِتِكْ عينه .. نِسى هَمَّهْ وأحزانه

تخُونْ اللِّي سَهَر جنْبِكْ بَعَدْ ما قِلتْ له : تعبان

تخُونْ اللِّي عِيونه لِكْ طوالْ اللِّيلْ سهرانه

تخُونْ اللِّي عَطَشْ قلبه بَعَدْ ما قِلتْ له : عطشان

تخُونْ اللِّي نِسى الدنيا وكِتَبْ إسْمِكْ بديوانه

تِصدِّق كل هذا صَارْ .. لأني كِنتْ أنا غفيان

حَلَمتْ اليُومْ أنا بحبِّكْ وأثاري الشَّمسْ خوَّانه

ارجو ان الموضوع قد نال اعجابكم..

الله يعطيك االعافيه
طرح موفق وراقي

ساكون دوما على متصفحك

لك مني الاهتمام والتقدير والاحترام

صح لسانك ولسان الشاعر
مزيدك منتظر

صح لسانك ولسان الشاعر
قصيدة روعه ..!!
ألف شكر لك
أختي أتعبني غروري ..!!
واصلي ابداعتك فأنا من متابعيه
لك الورود و الشكر ..

يسلمووووو.

يعطيكم العافيهـ...

ع الردود

اعجاب بما قرأت
فقط اطبع توقيعي البسيط
على متصفحك الراقي

قصيدة ولا اورع ..صح لسانك يالغلا..وبانتظار المزيد

تسلمين حياتي ...

ان شاء الله تشوفي المزيد اللي يعجبكـَ

ثانكيوووو حبيبتي ....


على مروركــ العسل على قلبي ....:in_love:


ماننحرم منك ولا من ممواضيعكـــ.....