 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
|
|
#1
07-29-2011
|
||||||||||||||||||||||||||||||||
|
||||||||||||||||||||||||||||||||
|
من قال اني رخيصه .,
فأترك لكم القراءة ووقت ممتع اتمناه لكم
/ / / > >< البـ الأول ـارت ><< سحر : لمووي لمى : هاه سحر :تدرين ؟؟!! لمى :...... " قاعده تسوي بحث حق الجامعه على الاب توب مالها " سحر : لموووي أكلمج ! لمى : نعم تراج طفرتيبي .. أففففففف. سحر: تدرين ؟؟!! لمى : شنو " من غير نفس " سحر مسترسله : بن سالم خطبج .. لمى : يع يعععع لا تييبين سالفة الخطبه انا وراي بحث مابي الوع جبدي .. سحر : ليــــــــش؟! لمى : اكره شيء فحياتي الريايل لا تسوين نفسج ماتعرفين . سحر : ادري .. لكن ابوي تظنين بيسكت لج ؟؟؟؟؟ لمى : بكيفه اهو ! انا الي بتزوج.. طالت و شمخت بعــد يتحكم فيني.. سحر : انت ما تعرفين وراج 3 بنات عزابيــــــه ! و فوقج 2 متزوجات وانت بنص تروحين.. يمشي الدرب . لمى :..........] معطيتها بو لباس " مطنشتها "[ سحر : ألا لمى انت ليش تكرهين ابوي ؟؟ لمى : لاسباب خاصه انزين ... تاركه لج الغرفه أف تلوعين الجبد اقوم للصاله احسن .. "وقامت " سحر : انت الخسرانه .. بس غريبه اهي كيف بترفضه سمعت انه غني وايد ... اوووووف وانا شعلي اروح اذاكر احسن لي .. -------------------------------------- شخصية لمى قويه و عنيده واذا انت راسك يابس اهي ايبس منك واهي لابغت تسكت سكتت بمزاجها وكانت تكره ابوهاعشانه بعد ما اعطته امها توكيل عام على حلااالها اللي جمعته يوم كانت بزنس ومن وقبل لا ييها سرطان " بعيد الشر عنكم " فباق حلالها و طلقها و امها ماتت بحسرتها و لمى تحمل ابوها كل المسؤليه لانها كانت تحب و تعز امها وايـــــــــد و كانت امها تحبها اكثر شيء من بين 6 بنات وولد عشان جذيه كان ابوهم يكره امهم عشان كله تييب بنات ومكان يدري بسالفة البوق الا لمى و خوالها لانها كانت اكثر وحده تفهم امها و ما كانت شرات خواتها كلمه تييبهم و كلمه توديهم مع انها الوسطى فكانت امها تشكي لها من الظلم الي اهي فيه فزاد كرهها على ابوها وهي عاشت وياى يارا و امها عند خوالها بعد الطلاق 3 سنين وبضبط بعد ما أنولدت يارا آخر العنقود وياى امها سرطان الرحم ... وبعد وفاة امها راحت تعيش عند ابوها وكان عمرها ذاك الوقت 12 سنه و هالسالفه جديمه من تقريباً 8 سنوات عشان جذيه لمى رافضه الزواج لانها تكره الرجال بالإضافه للفلوس " البيزات " اللي تعمي النفوس.. ----------------------------------------------------- @((عائلة بو زياد))@ ريناد : عمرها 25 سنه متزوجه من ولد عمتها يعقوب و عندها منه عبد الله :5 سنوات و نوره : 3 سنوات . لمياء : عمرها 23 سنه متزوجه من محمد ولد خالتها و عندها منه رهف : 3 سنوات لمى :عمرها 20 سنه "وهاي تقدرون تقولون البطله الرئيسيه " اهي جذابه و احلى خواتها عيونها عسليه لوزيه ولها انف صغير و شفايف مرسومه بدقه متناسقه مع بشرتها البيضاء و شعرها الاسود شبه الناعم ويكون دائما اذا اخذت شاور كيرلي و هي في ثاني يامعه تدرس طب وهي مهتمه بدراستها وايد لانها تعتبرها مستقبلها لانها مب ناويه تتيوز. زياد : عمره 19 سنه مدلع و مخقق من قبل ابوه خكري " شرات البنات مايع " و الفلوس تلعب بين ايديه ..في اول يامعه .. سحر : عمرها 17 سنه في ثاني ثانوي . سهر : عمرها 15 سنه في ثالث اعدادي . يارا : آخر العنقود و عمرها 12 سنه في اول اعدادي ماتت امها وهي عمرها 3 سنوات عشان جذيه لمى تحبها وتشفق عليها ولا ترفض لها طلب لانها ماذاقت حنان الام لان ساعتها في امها سرطان ولانها موصيتنها عليها قبل ماتموت . -------------------------------------------------------- "بو زياد يدش البيت " بو زياد : لمـــــى ... لمـــــى و صمخ ان شاء الله وينج ؟؟! لمى " تسكر اللاب توب و تحطه في صوب" : نعم يوبا .. بو زياد : نجبتي الغدا ؟؟؟؟! لمى : لا .. لحظه وانجبه .. "وراحت " بو زياد : بسرعــــه لا بارك الله فيكم ولا فامكم هالبواقه .. (( اهو قايل لبناته ان امهم هاللي باقته ويوم كشفها ياها عقاب من الله سرطان و ماتت ... و اعياله كانوا يهال وصدقوا .. واكبرهم ريناد اللي فهمت نص السالفه وهي ان امها ياه سرطان بعد ما ولدت يارا ويوم كبرت عرفت كل الحقيقه من عمتها و اللحين اللي يعرف الحقيقه ريناد و لمياء واهم ماكره ابوهم شرات لمى لانهم ما عرفوا كيف تعذبت امهم ولا ماتت بين يديهم مثل لمى )) يت لمى وفرشت السفره ونجبت الغدا وراحت تنادي خواتها .. نادت خواتها ..وراحت لزياد لمى القت نظره سريعه على غرفته الملكيه اللي اذا يت عدال غرفتها اهي وسحر تصير غرفتها غرفة خدامات مقارنه بغرفة اخوها لكن هذا قلما يهمها .. لمى : زياد .. زياد .. زياد : هاه .. لحظه حبي في وحده مدري شتبي .. البنت "بكل رقه ودلع ": ويــــه لتكون تكلم وحده غيري ترى اجتلك .. زياد : لاعمري انا ما خونج انا اصلا ودرت كل البنات عاشنج يا بعد عمري والله .. لمى : زياااااد تراني نجبت الغدا .. "وراحت " زياد : طيب ..طيب .. هلا لا تغارين هاي الخدامه تقول نجبت الغدا يالله بااااي.. " زياد لو سمعته لمى يقول عنها خدامه يويله منها اهي اصلاً كرهت الريايل من اخوها وابوها ابو حرامي بواق واخو خقاق و نذل و اناني و اكبر جذاب بالعالم ولا يستحي يكلم رفيجاته قدامها " -------------------------- بو زياد : لمى وويع .. لمى "كانت تاكل رفعت راسها " : نعم "من دون نفس " بو زياد : وين سندي وروح وحياة ابوه ولدي زياد ؟؟ "زياد ياي" لمى : كاهو ياى ... بو زياد : تعال يا غناة الروح عدالي .. " ياى و يلس عدال ابوه " بو زياد : شفيك تأخرت ؟؟ عسى ما شر ياولديه .. زياد : كنت اكلم رفيجي و اسأله عن كيفية تقديم البحوث تعرف اول يامعه .. << " مايبالها سؤال " بو زياد : عسى ما زعجتك لمى ؟؟ زياد "وهو يناظر لمى " : لا يوبا عادي .. لمى : ...." معطيتهم بو لباس تكرهم وما دانيهم بعيشة الله " -------------------------------------- "بيت بو يعقوب " كانت ام يعقوب يالسه وياى يعقوب و ريناد يتقهوون ام يعقوب : ريناد.. يمه صدق اللي سمعته ؟؟! ريناد : خير عمتي شنو سمعتي ؟؟!! ام يعقوب : سمعت ان بن سالم خطب اختج .. ريناد : مدري عمتي بس ليه تسألين ؟؟!! يعقوب : شنو ليه تسأل هذا ولد رايح فيها كم مره صادوه الشرطه مع بنات و يطلع منها زي الشعره من العيين .. له نفوذ وابوه غني بالحيل وهذا اللي مقويه و خطب كل بنات البلاد و كلهم رافضينه .. ريناد في نفسها " عز الله رحتي فيها يا لمى دام عنده بيزات ما بتقدرين تردينه ابوي بيوقف في ويهج الله يعينج على ما ابتلاج " ام يعقوب :و الله انا اعرفه ابوج دام بن سالم عنده بيزات بيوزه لمى و الله انج مسكينه يا لمى لو عندي ولد ثاني كان يوزتج اياه كنتي حبيبة المرحومه .. ريناد : الله يرحمها . يعقوب : الله يرحمها .." شاف الحزن على ريناد " جان يقول : ليه يمه ولد ثاني انا موجود << قالها عشان ماتحزن ريناد ريناد شافته بنظره ام يعقوب : هو يا ولديه ! بتاخذ عليها اختها ؟؟ يعقوب : شفيها يمه الشرع حلل اربع .. " وهو يبتسم " اضربته على راسه ريناد و قالت : يمزح خالتي .. مايقصد ..بعدين ماييوز .. يعقوب : أي يعووور .. " ناظرته ريناد " ايه ما أقصد وبعدين ما ييوز.. بس حبيتكم تضحكون ..هي هي هي هي "ويناظرهم " ريناد : ما يضحك .. جان تييهم بنتهم نوره وهي تصيح .. يعقوب : تعالي حبيبتي في حظني .. شنو فيــج ؟؟ نوره :اهيء اهيء بابا شوف عبوود شنو سوى يعقوب : شنو سوى ؟! نوره : ياخذ لعبتي و يرميها عالطوفه و يقول سوبر مان اهيء اهيء بابا هاي مو سوبر مان هاي باربي اهيء اهيء يعقوب:ههههههههه المره اليايه بيطيرج بدالها خنشوف شنو عنده.. " وقام يعقوب مع بنته عشان يشوف شنو قصتها " ------------------------------ @(( عائلة بو يعقوب ))@ بو يعقوب : الله يرحمه مات من سنتين شجون : عمرها 32 سنه متزوجه من مسعود وعندها منه ((سديم : وعمرها 12 سنه وهي رفيجة يارا الروح بروح واختها من الرضاعه ..في اول اعدادي . عمر : 10 سنوات مايد : 7سنوات ريم : 4 سنوات)) يعقوب :عمره 28 سنه و متزوج ريناد . شجن : 17 سنه واخر العنقود ورفيجة سحر في ثاني ثانوي ---------------------------------------- " وفي بيت او خلونا نقول قصر بن سالم كان هالقصر عود وايـــد وكان معاه عدة ملاحق و حديقه عوده تفتح نفس الواحد بعشبها الأخضر و اشجارها اللي محاوطتها.. وعلى كراسيها اللي كانت تتميز بعراقة التصميم و روعة الزخارف .. كان يالس عليها ام جاسم ويا ولدها جاسم يشربون عصير " ام جاسم : ولديه ابشرك لقيت لك بنت مزيونه و خطبناها لك .. " واهي تبتسم " جاسم " بلا اهتمام ": واذا يمه مثلها مثل غيرها بترفضني " ويشرب العصير " ام جاسم :ليه يا ولديه انت احسن الشباب بالفريج و البلاد بكبرها .. جاسم : في خاطره "صدق انج على نياتج .. بلاج ماتعرفين شنو يسوي ولدج وليش ابوي يبي يوزني بسرعه بسبت البلاوي اللي انا اسويها .. " ام جاسم : ولديه بس تعرف ..؟! " يلتفت لها جاسم ويقطع سرحانه " هذيلا قالوا عطونا فرصه نفكر يومين و نرد عليكم . جاسم " باستغرب ": غريبه يمه منو هذيلا ؟؟!! ام جاسم : بن سهيل . جاسم :منو بن سهيل ؟؟!! ام جاسم : ابو زياد هذاك ابو البنات اللي عنده 6 بنات وولد عرفته ياولديه ؟؟! جاسم : ايييييييه هذاك التاجر اللي طايح سوقه " بصوت خافت " مو لله بيناسبنا .. ام جاسم : شنو تقول ياولديه ؟؟!! جاسم : ما شيء .. ما شيء .. " وقام " يالله يمه انا رايح توصين على شيء ؟ ام جاسم : لا سلامتك . " طلع جاسم من الحديقه وهو محبط و قابل ابوه في الطريق جان يي ابوه يقعد يشمشمه " جاسم : شنو تسوي يوبا ؟؟!! ابو جاسم : اتاكد انك ما تشرب عقب ذيك الليله انت ولديه الوحيد وخاف عليك .. جاسم : شدعوه ماكو ثـقه ....خلاص انا ودرته عشانك .. ابو جاسم : طيب شنو هذي ريحته ؟؟!! جاسم : زقااير .." ابوه يناظره بدون تصديق" زقاااير .. حتى شوف " ويطلع له بكيت الزقاير من دشداشته " بو جاسم : الله يهديك يا ولديه انا خايف عليك من رفاق السوء .. " جاسم طنشه وكمل طريجه " بو جاسم "يصوت عليه " :جانك ماتدري .. ترى ملجتك الاسبوع الياي.. "وقف "جاسم : شنوووووووو .. بو جاسم : اظن سمعت .. انا بروح ابشر امك .. "جاسم راح وهو معصب حده من ابوه اللي حدد ملكلته من دون شوره ما توقع احد يوافق عليه اهو مشهور انه راعي بنات .. ركب سيارته .. وحرك .." ----------------------------------------------------- جاسم : عمره 26 سنه.. عطالي بطالي لا شغل ولا مشغله ماوراه الا ملاحق البنات وتفضيحهم ..الولد الوحيد حيلة امه و ابوه .. وسيم نظراته حاده عيونه وساع وانفه شرات السيف المسلول ..عنيد يحب يمشي في الاتجاه المعاكس ..واذا عصب لحد يشوفه ..مدلع من قبل امه وممسوك شويه من قبل ابوه .. راعي بنات من الدرجه الاولى ..خقاق .. مغرور.. ------------------------------------------------- كان قلبها ينغزه كأن فيه ابره.. تحس شيء بيصير ولا انتبهت للدكتور شنو يقول .. دانه "بهمس":لموي شفيج ؟؟! لمى : بعدين اقولج .. كانت تحس ان مصيبه بتصير و تمت تقرى على نفسها اذكار الصباح والمعوذات.. لان قلب المسلم دليله وهي عمرها احساسها ما خاب ..... -------------------------------------- كان في السياره وخلقه ضايق وايـــــد ففكر يتصل على رفيجه خالد .. خالد : الوووووو جاسم "بدون نفس": هلا.. خالد : هلا براعي هالصوت .. جسوم شفيك متضايق ؟؟! جاسم : شنوجسوم !! اصغر عيالك انا ..المهم عندي سالفه تيي نروح للقهوه ؟؟!! خالد : اوكي لحظه واكون عندك.. جاسم : لا انا بمرعليك .. انت بالبيت ؟! خالد : ايه ..انتظرك ..باي جاسم : باي .. "واتجه لبيت خالد .. ------------------------------------------ ما صدقت على الله خلص الدكتور المحاضره جان تطلع مع رفيجتها دانه عالكوفي وطلبت شاي .... دانه : شفيج لمووي ؟؟! كنج متروعه ؟!.. لمى : والله مادري بس قلبي ينغزني يقول في مصيبه بتصير الله يستر بس " وشربت الشاي " دانه : انت روقي اعصابج ..ذكري الله ..الله معج .. وقل لن يصيبنا الا ما كتب الله لنا .. لمى : صدقتي قل لن يصيبنا الا ماكتب الله لنا .. " تنهدت " .. الا دنوي انا بروح.. اوديج معاي ؟؟! دانه : لا مشكوره.. انا وراي محاضره ..يا حضج .. لمى : قولي ماشاء الله .. دانه : ماشاء الله .. بعدين مالقيت الا انتي اصكج بعين اصلا ً انا يوم الاربعاء اخلص قبلج .. لمى :هههههههههه طيب ..طيب ..كلتيني بقشوري .. يالله مع السلامه .. دانه : مع السلامه .. ----------------------------------- كان ياي من عند تقاطع بيت خالد اللي يتقاطع مع مدرسة سحر لمى كانت بتسير سيده واهو بيلف عالشارع اللي هي فيه وتصادموا... جاسم " وهو نازل من السياره ويصرخ": هاي انت ماتشوفين .. قدامج .. ( اهو بروحه معصب وغلطان وحط حرته فيها ) لمى " وبكل هدوء " : عفوا اخوي بس انت الغلطان فلا تقعد تصرخ علي .. ( اهي خلقه اعصابها مرتبكه لان قلبها ينغزها بالشر وهذا اوله ) جاسم" وهو قاعد ويسب ويلعن" : الشرها مب عليج الشره على الدوله اللي خلت الحريم يسوقون ... " اهي هني عصبت وخافت تفقد اعصبها ركبت وحركت وهي تقول" لمى : اليوم كله شكله بيصير نكد .. لا إله إلا الله .. استغفر الله .. هالريايل من طينه وحده .. اففففففففففف ------------------------------------- " بيت ابو سعيد " كانت ام سعيد وياى بو سعيد و لمياء زوجة ولدها محمد و بنت ولدها سعيد رغد ام سعيد " تكلم بالتلفون": ان شاء الله يا بو زياد .. الله لا يجيب احقاد .. فمان الكريم .."وصكرت " لمياء : شنو يبي ابوي خالتي ؟! ام سعيد : يخبرنا بملجة اختج لمى .. و يقول فرصه ننسى الاحقاد الي كانت امبينا والي استمرت بعد يوازج .. لمياء : منو هذا اللي بيملج على لمى ؟؟!! ام سعيد : قالي جاسم بن سالم .. لمياء : انزين منو ؟؟!! ابو سعيد : والله يابنتي هذا ولد غني وايـــــــد بس اشين ولد بالبلاد ريحته فايحه منه وهو قبل شهر خاطب بنت يارنا رفضوه لانه راعي بنات.. بس شكل ابوج بيناسبهم طمعاً فيهم بعد خسارته بالبورصه .. -------------------------------------------- @((عائلة بو سعيد))@ سعيد : 37سنه متزوج اخت رفيجه شذى وعنده منها : (رغد : 15سنه في ثالث اعدادي.. جاسر : 10 سنوات .. نوف : 5 سنوات ..) سعد :33سنه متزوج سابقاً وماتت زوجته وبنته ..وهو رافض الزواج .. محمد : 29سنه متزوج لمياء .. طارق: 19سنه اول يامعه.. -------------------------------------------------- =========================== " وصلوا خالد و جاسم للقهوه وقعدوا " خالد : عسى ما شر شفيك ؟؟! جاسم " بعصبيه " : ماكو شيء بس ملجيتي الاسبوع الياي .. خالد : مبرووووووك و عقبالي .. جاسم : لا والله فرحان انت وويهك .. خالد " بمزح " : شفيه ويهي يهبل وكل البنات يقولون اني وسيم ..بعدين تعــــال واذا يعني مب انت وافقت انهم يخطبون لك ؟؟؟!! جاسم : أيـــــه . خالد : هذاك قلتها انك موافق فليش زعلان ؟؟! جاسم : انا وافقت لاني عارف رد الناس و انهم بيرفضوني وبعدين امي بيضيق خلقها و يطبون السالفه بس صار العكس كل ما رفض حد راحت امي ادور بعزيمه اكبر .. خالد : فيه حد مايبي الاستقرار و الهدايه وانه يصطلب حاله ؟؟!! جاسم : ايه انا عايبتني حياتي مابي بنت تغير علي ... انا احب التنويع .. خالد : خلاص لقيتها .. جاسم "بتشويق" : شنوووو؟؟! خالد : تزوج اربع ..وحده من هني والباقي جنسيات على كيف كيفك .. جاسم "بعصبيه" : تتطنز حضرتك؟؟! خالد : لا من صج ايه اتطنز ايل في حد يحب الحرام ؟؟! جاسم : ياخي افهمني مابي اتيوز ..اوووووووف اروح احسن لي .." وراح " خالد : صدق انك خبل ايل فيه حد مايبي الحلال .. اشوف اخرتها معاه .. -------------------------------------------- لمياء بنفس الوقت " قامت عشان تدق حق لمى .. لانها مستغربه موافقتها ..هي متأكده ان اختها تكره الريايل " لمياء : الووووو .. السلام عليكم ..كيفج .. شحوالج .. لمى : وعليكم السلام .. مب بخير .. " توقعت لمياء انها بسبت الملجه " لمياء : انا مستغربه انج موافقه .. لمى : شنو تتكلمين عنه .. انا ضايق خلقي من واحد صار لي معاه حادث بسيط وحط كل الوم علي وهو الغلطان ..الا تعــالي انت مستغربه من شنو ؟؟!! لمياء " شكت انها ما تعرف شيء " : انا بقولج اذا وصلتي البيت .. لمى : لميووه قولي لي بسرعه انا قلبي ناغزني من الصبح .. لمياء : اوكي .. بس انت وينج ؟؟!! لمى : انا توني واصله البيت .. "تكلم سحر" :يله سحر نزلي .. سحر : ان شاء الله شوي شوي علي .. لمياء : الوووو .. لمى وينج ؟! لمى : هلا .. بس دقيقه ببركن السياره ..و اكلمج .. " لمى بعد ما بركنت السياره نزلت " لمى " بقلق " : يله قولي لي بسرعه .. لمياء : مب في الطريج .. اذا وصلت غرفتج ..دقي علي ..اوكي ؟؟! لمى : اوكي .. " وصكرت " ================= " وصلت لمى غرفتها وبدلت ملابسها بسرعه ودقت على لمياء " لمى : شسالفه ؟؟؟!!!!! لمياء : بالول سلمي .. لمى : مب فاضيتلج .. لمياء ولي عافيج قولي .. لمياء : طيب .. تعرفين جاسم بن سالم ؟؟! لمى : منو ؟؟! هذاك اللي خطبني ؟؟! لمياء : ايه .. تدرين ان ملجتج عليه الخميس الياي ؟؟! لمى " منصدمه " : ....... شنــــــــــــــــوووو؟؟! لمياء : والله ما جذب .. ===================== " لمى عقبها ما تحركت من سريرها تنتظر ابوها يي عشان تتأكد .. شلون ملكتها الخميس الياي وهو حتى ماخذ شورها .." بو زياد : لمـــى وويع ..وينج ما نجبتي الغدا ؟؟! " لمى قامت من سريرها وراحت للصاله " لمى "بغير تصديق" : يبه صدق ان بن سالم خطبني .؟! بو زياد " بفرح " : أيــــه وملجتج الخميس الياي .. لمى " بجرئه غير معهوده ": منو سمحلك تقرر عني انا ماقلت مابي اتيوز ؟؟! بو زياد "بصراخ وعصبيه " : والله مب بكيفج .. ماتبين تتيوزين .. اصلاً انت ليش مخلوقه ؟؟! انت مخلوقه حق الريايل " استغفر الله " لمى : لا يبا يكون في معلومك ان القرآن يقول " وما خلقت الجـ... " قاطعها ابوها بصفقه على خدها لفت ويهها عالصوب الثاني من قوتها " بو زياد : وترادديني بعد .. صدق بنت امج .. انا الغلطان اني خليتج عندها .. لمى "بصراخ مختلط مع دموع ": امي تسواك و تسوى كل الريايل ويواز مب متيوزه ..لو على ينازتي.. واعلى مافي خيلك اركبه .. " وراحت لغرفتها لكن ابوها يرها له وقال بنظرة تحدي " : ان مايوزتك اياه ماكون انا بو زياد..لاني ولي امرج .. واقدر امنعج من دراستج ..فختاري ..يايواز ..يا يواز بدراسه ..انت متيوزه.. متيوزه .." وفكها " " لمى راحت لغرفتها وهي تقول في خاطره : مب متيوزه... مب على كيفه لو اكلم هالجاسم اللي مادري من وين طلع لي " -------------------------------- " بيت بو جاسم ><غرفة جاسم>< " قاعد يفكر شنو يقدر يسوي عشان يمنع هاليواز وفي خاطره يقول : توني صغير على الزواج ..وانا مب ويه مسؤليه وزوجه وعيال .. شنو اقدر اسوي ...يالله يا جاسم فكر شنو تقدر تسوي .." ابتسم بخبث " : لقيتها اتسلى فيها واذا مليت من ثرثرتها يودتها الباب وطلقتها واريح عمري منها..و اذا ماعيبتني .. هذي مشكلتها .. ---------------------------------------- كانت لمى يالسه بمكتبة اليامعه تقرا معلومات عن الطب تفيدها في بحثها بعدين اتسجل اهمه عاللاب توب ... وهي تقرا كان فيه شخصين يراقبونها .. رامي : والله تقهر ها لمى من اسبوع قلت لها عن حبي و اعترفت بلي في قلبي صوبها .. وبعدين اسمع ان الخميس الياي ملجتها !! ولاااااا تدري شنو تقــــول ؟؟!! سامر " بملل " : شنو ؟! رامي " يقلد صوتها " : توني صغيره عالزواج و لا افكر فيه .." تنهد " .. مادري ليش الله بلاني بحبها .. سامر : والله هذي مشكلتك .. مب مشكلتها .. رامي "بتفكير": تصدق بروح احاجيها .. سامر " متحمس " : ايوااااا كذا ابدا بالاكشن بدل هالملل .. ايوه ياوسيم يا دافور "شاطر" خلك شجاع ..قوي قلبك.. خليك قدها..ولا اقول اختر ياديو يابيبسي ..خبرك المشروبات الغازيه مضره بالصحه ..هههههههههههههههههههه رامي : ههههههههه بل بل بل لهدرجه طفشان و تبغاني اتورط .. سامر : واكثر بعد لــ.. "قاطعه" رامي : تدري ليش احبها ؟؟!! سامر "متملل زياده" : ليــــــــــش ؟! رامي : لانها ماتعطي ويه لك وللامثالك .."ويناظرها بحلم" سامر : هاهاهاهاي لاتنسى انك معانا.. ياشيخ تدري انك تملل ..انت ماحبيت زي الناس صدق حمار ..زين انها ماعطتك ويه لانك جبان وخواف و دافور .. رامي : مب جبان بعدين اذا صار الواحد دافور..يصير ماعنده احساس مب من حقه يحب .. بعدين سمعت انها دافوره زيي واكثر بعد ..بس صدق تقهر ترفضني مع اني احسن من خطيبها جويسم راعي البنات كيف هي راضيه في واحد مثله ؟؟! سامر : سمعت انه ولد غني وايـد مب زيك ماحيلتك الا راتبك .. رامي : تصدق انـ ... "قاطعه" سامر : صدق انك تملل ياخي ترى ذبحتني بتصدق معلق عليها من الصبح .. روح حاجيها و خلصني ..افففففف.. رامي : شكلي بسوي جذيه .. شهيق"ياخذه بعمق" ..زفير"يطلع الهواء بقوه"..بسم الله .. سامر : حشى خلص الهواء علينا .. "راح رامي لحد لمى ووقف فوق راسها لمى ألتفت له بعدين ارجعت تقرا بدون اهتمام يذكر رامي انقهر منها ويلس على الكرسي الي ينبها اهي يوم شافته يلس قامت وصكرت الكتاب وشالت اللاب توب وتوها بتروح .." رامي : طبعاً عرفتي من تختارين .. "ويوم شافها ماعبرته وبتروح يودها من ايدها" رامي :وين رايحه ؟؟!طبعاً لجسوم حبيبج .. طبعاً لانه غني وعنده بيزات و.."قاطعته" لمى : فج ايدي يا رامي مب متفيجه لك .. رامي : مب فاجها الا لمين اعرف ليشـ .."قاطعته" لمى : قلتلك فج ايدي مب متفيجه لك .. رامي : طبعاً طبعاً اكيد بتفيجين له لــ .."قاطعته للمره الثالثه" لمى : تراك ذبحتني طبعاً و طبعاً ..اففف.. فج ايدي وقول لك .. "فج يدها"رامي : قولي .. لمى "بعصبيه": اف .. لاني اكرهك واكره كل الريايل ..ويواز مب متيوزه لاانت ولاجاسم ولاغيركم .. انزين .."بصوت اعلى" مب متيوزه .. سمعت ..اففففف.."راحت وخلته في دوامة حبها وفي حالة ذهول كبيره خلفتها وراها في رامي " "رامي في خاطره : شلون ملكتها الخميس الياي وهي مب موافقه ..اكيد مغصوبه .. لكن ما اظن لمى من النوع المستسلم انا اعرفها عدل ..شلون تسكت على هالشيء ..شلون؟؟!!" ياه سامر : شصار ..رامـي ..رامـي.. تسمعني ؟؟! رامي : ايه .. سامر : شصار ؟؟! رامي "وهو يناظر الفراغ" : ماشي..ماشي .. سامر : شلون ماصار شي وانت سنه تحاجيها ؟؟!رامي قولي شصار ؟؟! رامي "يلتفت له" : قلت لك ماشي ..اف منك .. "وراح وهو منذهل وباين على ويهه الاستغراب" ------------------------------------- رامي : 24سنه رابع يامعه مؤدب وخلوق وعلى قد حاله وهو دافور .. وسيم ويلبس نظارات ويعشق شيء اسمه الكتاب ..بس يتيم ..ماعنده لااب ولاام وعايش بروحه في شقه ويا رفيجه سامر.. -------------------------- سحر "تكلم شجن": أيــــه ماتدرين ؟؟! شجن"بلقافتها المعهوده": شنـــو؟؟! سحر: خلاص مب قايله لج .. شجن : بلا سخافه تدرين .. اني ملقوفه ..يلاااااا عاد قولي ..يا سحوري ..ياحبي .."تتمصلح" سحر : يا لقفج المهم تدرين.. ان ..لمى ..ملجتها الخميس الياي ؟؟! شجن : كح كح كح كح.. سحر : صحه .. شجن : ههههههههه صدقتي ..انا اقصد انج غبرتي لاني داريه من زماااااااااااااااان ..من الخميس اللي راح .. سحر "تحاول تركب ويهها بعد ماطاح": اها ..طيب ..شخبار الدراسه .. شجن : يقلع ابو التصريفه ..حلوووووه بس لا تعيدينها .. سحر : انت لاتقلدين ..جميع حقوق النسخ والطبع والكلام محفوظه ليوم اخر لدى سحر بصفتي محاميتهم ..احم ..احم .. شجن : يالله روحي بس ماعندج شي ..وسلميني على حبي .. سحر : الا كلبج ..مدري شتحبين فيه ..خايس ..يع انا اخته ما اقدر اتحمله لا هو ولا رفيجاته .. شجن"تتطنز": لا تمدحينه جدامي بهالطريقه ترى استحي .."تنهدت" .. تدرين القلب وما يهوى ..مب بكيفي..لو بكيفي حبيت شباب وايد ما يخلصون.. سحر : الله صار فندق ماصار قلب ..عدال يالاميره ديانا انتي وياى هالشباب اللي تحتج يتمنون حبج ..يالله مع السلامه ماعندج سوالف صدجيه .. شجن : حراام سحر انا طفشانه ..يالسه بروحي شجون في بيتها ويعقوب مع اختج ريناد .. وانا شنو اسوي بعدج؟؟! سحر : مب مشكلتي .. شجن :سحوري يالله عاد .. سحر : اوكي بعطيج عدت مشاريع .. واحد ..مقابلة التلفاز و مشاهدة احدى السخافات التي تعرض مثل ستار اكاديمي والتليقف عليهم..ولكن بغض البصر عن احمد حسين لانه لي .. اثنان..وهو المفضل لدي وهو مشاهدة الطوف التي لديكم وتصقعين راسك بها الى ان يغمى عليك وتصبح لديك اثاره ..واكشن ..لتكتشفي كيف يغمى على الانسان.. شجن : هاهاهاهاهااااي ياخف دمج ..تتطنزين ..طالعوا هاي انا من صدجي وهي تتطنز ..بس تصدقين سحور..؟! سحر : شنو؟؟! شجن :لغتج الفصحى شي.. ماشاء الله ..اللهم لاحسد ..طوف ..تصقعين ..شي والله سحر : احم ..احم ..تعرفيني خبره .. شجن:..اقول سحر: هاه شجن : باي .. سحر : يالله باي.. ---------------------------------------------- $مابقى على الملجه الا يومين$ لمى كانت تفكر كيف تمنعها لمى في خاطرها : (اللحين ابوي حاطها تحدي يعني لو شنو بنملج ..وانا مابي املج ..لحظه..انا مابي املج ..وانا العروس يعني ماتتم الملجه الا بي ..."ابتسمت بخبث..على فكرتها") لمى"فرحانه": يهوووووووووو لقيتها ..لقيتها ياسحر .. لقيتها .. سحر"شالت الروايه اللي تقراها" : بسم الله الرحمن الرحيم ..شفيج ؟!.."بتشكك" دخل فيج يني؟؟! لمى : "تنهدت".. ماصدق كابوس وبينزاح.. سحر : شنو ؟؟! لمى : سر خاص فيني ..واذا نجح قلت لج ..الحمد لله ..الحمد لله .. سحر "تطالعها باستغراب": الله لا يبلانا ينت وقعدت.. ---------------------------------------- "السوق" كان جاسم طفشان مره وماله نفس وقاعد يدخن ام جاسم:ولديه كتمتني شيل هالزقاره .. "طفى الزقاره ورماها بملل وهو شارد الذهن" ام جاسم : شرايك يا جاسم في هاي تصلح تصير شبكه للمى؟؟! جاسم "بلا اهتمام ": ايه ..ايه..بس نخلص..(في خاطره..اسمها لمى ..الله يعينج يا لميوه براويج الويل ..عشان موافقتج على هالملجه ) ام جاسم : يالله ولديه هالمحل ماعنده شي .."وتحرك وراها .." -------------------------------------- " بيت بو زياد " بوزياد: لمــــــى..وينج ؟؟! لمى "بدون نفس" : نعم !! بوزياد :يله لبسي شيلتج وتعالي بنشتري فستان الملجه.. لمى: مابي .. بو زياد: شنو تقولين ؟؟! ماسمعت؟؟! لمى : اظن سمعتني ..مابـــــــــي"ولفت بترجع لغرفتها ..لكن بوزياد مسكها وقال" بوزياد : مب بكيفج بتشترين يعني بتشترين..فاهمه؟! لمى : لا..لا ..مب فاهمه ..وروحه مب رايحه.. "بو زياد مسكها من شعرها وقال" بو زياد: بتروحين ..وبتشوفين الفساتين وبتختارين ...سحـــــر ..سحـــــر.. "سحرارتعبت من ابوها يوم شافته يمسك شعر اختها وهي تتالم" سحر"بخوف": نعم .. بو زياد : يبي شيلتج وشيلة اختج بسرعه بنروح للسوق ..يله.. "وراحت تييب الشيل" ------------------------------------------- جاسم كان طفشان مره وقاعد ينتظر امه لين ماتطلع من المحل .. وشاف واحد مب غريب عليه ومعاه بنتين محجبات وحده شكلها مرتعب"سحر" ووحده طفشانه زي حلاته وشكلها مغصوبه على شي ولي معاها ميودها من ايدها بقوه كنها بتضيع "لمى" يوم شافها حس انه قد شافها قبل كذا يوم التقت عينه بعينها قامت تناظره بستحقار وهو مستغرب منها خذ له زيقاره وحاول يتذكرها بعدين تذكر انها اللي صدمها ذاك اليوم نفث دخان الزقاره بملل وانتبه له اللي مع البنتين ويا عنده .. بو زياد: هلا ولديه كيف احوالك؟؟! جاسم"بنظرة استنكار" : بخير .. بو زياد"لاحظ استنكاره":انا بو زياد ..نسيبك.. جاسم :اها.. بو زياد : اعرفك على بناتي "يأشر على سحر" هاي سحر "ابتسمت سحر له" .. "اشر على لمى" وهاي لمى ..خطيبتك... "لمى كانت مطنشته ولا كانه موجود" "جاسم يتفحصها ويقول هاي خطيبتي ؟؟!ويشوفها من فوق لتحت كانها بضاعه معروضه" بو زياد :لمى سلمي على خطيبج جاسم.. لمى"بنظرة استحقار وبدون نفس": السلام عليكم... اظن تتذكر البنت اللي صدمت فيها قبل ايام ؟؟! جاسم "يسحب زقاره جديده بعد مارمى زقارته الاول": طبعاً انا مافي بنت تروح عن بالي.. (قالها عشان تكرهه ..مادرى انها ماتطيقه) لمى "بلا اهتمام": تشرفنا ..سحر نروح لذاك المحل.."واشرت على محل ويرت سحر من ايدها وراحت لان ابوها كان فاج ايدها وما يقدر يمنعها" بو زياد "متفشل":يالله مع السلامه.. جاسم :مع السلامه.. (في خاطره: مب خطيبه هاي بس حلوه ماتوقعتها جذيه ..حلوو العب فيها) بو زياد "بعد ما راح " : فشلتني ..انا واريها بس فالبيت.. ======= زياد لقت امه شبكه فخمه و شرتها ... لمى ماطاعت تشتري شي لكن ابوها خلا سحر تشتري لها غصباً عنها.. ======= $مابقى على الملجه الا يوم$ في يوم الاربعاء راحت لمى لليامعه ووقفت هالكورس استعداد للمشاكل اللي بتحاذف عليها من كل صوب بسبب عنادها وراسها اليابس .. --------------------------------------------- ام جاسم انكتمت وهي فيها ربو وجاسم ولأول مره في حياته يفرح بمرض امه لان هذا معناته الغاء الملجه او تأجيلها الى مالا نهايه.. جاسم : الحمدلله ..يايمه..جت سليمه..شلونج اللحين؟؟! ام جاسم "فيها دوخه وصعوبة التنفس من الجهاز" : زينه ياولدي ..الحمدلله ..مافيني شي.. جاسم : لاتجذبين ..الدكتور قال لازم يومين راحه ..وماتطلعين برى البيت لان الغبار يضرج.. بو جاسم : ايل ادق على بوزياد واقول له ان الملجه تأجلت.."وتوه بيدق" ام جاسم : لايا سالم اليوم اللي انتظره يتأجل ..لا وألف لا.. الملجه في نفس موعدها ..وان شاء الله بحضر العرس..انا ماصدقت ولديه يقتنع ..تيي تبي تأجلها.. جاسم"فيه خيبت امل عشان الملجه مب متأجله" :لا يمه..انا مب مالج الا معاج ..من دونج ما أسوى بيزه.. ام جاسم "باصرار" : لا يا ولديه بتملج من دوني اهي بس ملجه مب عرسك .. جاسم"يحاول": لا يمه بس .."قاطعته" ام جاسم : قلت ملجتك بكره ماراح تتأجل.. "جاسم قام زعلان بعد فشل محولاته" ام جاسم "بتشكي" : شفت ولدك يا سالم .. يبي يأجلها بأي شكل ..عشان ما يتيوز .. بو جاسم : الله يهديه .. ---------------------------------------- $يوم الملجه$ قامت لمى من سريرها بكل برود ولا كأن اليوم ملجتها تمغطت وبدت تفكر بتنفيذ خطتها .. لبست لبسها وشلت معها البوك وشافت جم فيه من دينار لمى: زين ثلاثمية دينار ..ياترى تكفي ولا لأ؟؟! يالله تمشي الحال.. سمعت حد يتمغط وراها.."لفت عليها" سحر : صباح الخير يا العروس.. لمى "بنظره ناريه ": سحور بلا سخافه..بعدني ماعرست..لاتفاولين علي.. سحر: ان شاء الله ........الا بتروحين؟؟! لمى: لا بتفرج على ويهج ايه بروح.. سحر : غريبه..العاده ثمان ..لكن اليوم قبل الكل.. لمى: مب فاضيه لكم ..انا طب مب أي تخصص.. سحر: بسم الله شفيج علي من الصبح..اففففففف..بس خبري ان اليامعه ما تفتح الخميس.. بس بكيفج سوي اللي تبينه.. لمى : طبعاً ايل بشاورج..و حطي في معلومج تراني بتاخر فلا تخافون..ترى بطول وايـــــــد..اوكي؟؟! سحر:اوكي.. "طلعت لمى من الحجره ومعها جنطتها و اللاب توب مالها ..وكيس فيه شوية ملابس ..وهي ناويه نيه " طلعت من البيت راحت لسيارتها وركبتها .. مسكت السويج وحركت ..وهي اصلاً اليوم لا عليها يامعه ولا شي.. ------------------------------------------------- # ياترى شنو بيصير مع ابطال قصتنا؟؟! </b></i> 
   
|
|
07-29-2011
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
>>< البـ ثاني ـارت ><< $يوم الملجه$ قامت لمى من سريرها بكل برود ولا كأن اليوم ملجتها وبدت تفكر بتنفيذ خطتها .. لبست لبسها وشلت معها البوك وشافت جم فيه من دينار لمى: زين اربع مية دينار ..ياترى تكفي ولا لأ؟؟! يالله تمشي الحال.. سمعت حد يتمغط وراها.."لفت عليها" سحر : صباح الخير يا العروس.. لمى "بنظره ناريه ": سحور بلا سخافه..بعدني ماعرست..لاتفاولين علي.. سحر:"تثاوبت" ان شاء الله ........الا بتروحين؟؟! لمى: لا بتفرج على ويهج ايه بروح.. سحر : غريبه..العاده ثمان ..لكن اليوم قبل الكل.. لمى: مب فاضيه لكم ..انا طب مب أي تخصص.. سحر: بسم الله شفيج علي من الصبح..ايييييييييه..بس خبري ان اليامعه ما تفتح الخميس.. "بققت لمى اعيونها"..بسسسس بكيفج سوي اللي تبينه.. لمى "رجعت اعيونها لطبيعتها": طبعاً ايل بشاورج..و حطي في معلومج تراني بتاخر فلا تخافون..ترى بطول وايـــــــد..اوكي؟؟! سحر:اوكي.. "طلعت لمى من الحجره ومعها جنطتها و اللاب توب مالها ..وكيس فيه شوية ملابس ..وهي ناويه نيه " طلعت من البيت راحت لسيارتها وركبتها .. مسكت السويج وحركت ..وهي اصلاً اليوم لا عليها يامعه ولا شي.. "دقت على دانه"لمى: الووووو.. دانه"توها قايمه من النوم ونعسانه": هاه شنو صار؟؟! فيج شي؟؟! لمى:هههههههههههه صباح الخير كيفج؟؟! شحوالج؟؟! دانه : اللحين ممكن تفهمني شنو مقومج من الصبح؟؟! لمى: بقولج بعد ماشوفج..اوكي؟؟! دانه: لموووي حرااام عليج ..تونا الساعه سبع الصبح..ويايه تقوميني؟؟! لمى: آسفه شكلي ثجلت عليك..بعتبارج صديقتي ..يالله باي.. دانه: لالالالا تصكرين.. خلاص هونت ..صدقيني مب قصدي.. وين القاج؟؟! لمى: شرايج نروح للمول؟؟! دانه:هههههههههههههه..في مول يفتح الساعه سبع ..وين عايشه انتي؟؟! لمى: اوكي..اممممممممم..شرايج ايي عندج؟؟! دانه:اوكي.. بدلت دانه ملابسها ونزلت تحت تتريا لمى -------------------------------------- @((عائلة بو طلال))@ بو طلال: متوفي من 10سنوات.. دانه : 20سنه رفيجة لمى في ثاني يامعه.. طلال: 18سنه ثانويه عامه.. سعود: 15سنه في ثالث اعدادي.. ------------------------------------- دقت لمى على دانه وقالت انها عند الباب .. بطلت دانه الباب..واستقبلتها.. دانه:هلا ..هلا ..كيفج؟؟! لمى: الحمد لله بخير.. دانه: عسى ما شر خوفتيني؟؟! لمى:"تنهدت" ..بنظل واقفين عند الباب.. دانه:ههههههه ..نسيت..يالله..دشي.. بعد ماقعدوا في الصاله.. دانه : شتشربين؟؟! لمى: عصير ليمون..باااااااااااااااارد.. دانه: لهدرجه باااااااااااااااارد..ههههههههه..دقيقه بس ..ماري .. gave me lemon juice لمى: دنوي.."تنهدت"..انا ناويه على شي.. دانه: على شنو..؟! لمى: الشرده.. دانه"تحط ايدها على يبهت لمى": لا لا لا اكيد حرارتج مرتفعه..لموي ناظري خطوتج من جميع النواحي لا تتسرعين.."يابت ماري عصير الليمون"..وخذي الليمون يهدي اعصابج التالفه.. لمى: انا واثقه من قراري ومافيني اتراجع.. دانه: طيب وين بتيلسين وتنامين..فكري..؟! لمى: والله اكثر شي بالكويت الفنادق ..بيلس في فندق.. دانه: وبتيلسين بروحج..؟! لمى:وهذا اللي افكر فيه.."تناظرها" شرايج تيلسين معاي؟؟! دانه: امي ما بتسمح لي..وحتى ابوج..ويمكن يعاقبج ويحرمج من اليامعه.. لمى: لاتخافين علي ماخذه حذري وقفت هالكورس.. دانه: شنو فيج لمى المسأله ماتستاهل كل هالقصه..شنو فيها لو تتيوزين..يعني بتصيرين طول عمرج عانس..؟! لمى: والله هالموضوع خاص فيني وغير قابل للنقاش.. دانه: انزين ليش..؟! لمى: لان هذا قراري وانا قراري ما يتغير.. دانه: عشان قرار ماتتيوزين.."ابتسمت"..سهله غيري قرارج.. لمى: لما اقتنع.. دانه: حرام عليج اصابع ايدج مو سوى.. لمى: الا.. دانه: لا والله شلون.. لمى"بابتسامه": بسيطه قصي اصابع ايدج وساويهم.. دانه: لا تستهبلين انتي اتعرفين شنو قصدي.. لمى: انا قلت غير قابل للنقاش.. دانه:"تنهدت" تصدقين..؟َ! لمى: شنو؟؟! دانه:هههههه..مع انج تكرهين الريايل الا ان تصرفاتج مثلهم.. لمى: لا والله.. دانه:ههههههه..والله العظيم كل الحريم في ثواني يغيرون قرارهم ما عدى الريايل اللي قرارهم ما يتغير الا باقناع ..وانتي مثلهم..فهمتي..؟! لمى: مابي افهم.. دانه : براحتج.. .." طلال نازل من تحت..ولابس سبورت" طلال: Hiiiii girls دانه: وعليكم السلام ورحمة الله وبركاته هلا طلول.. طلال"مفتشل":.السلام عليكم ورحمة الله وبركاته..يعني لازم التفشيل؟؟! دانه:ههههه اكيد ..الاعلى وين؟؟! طلال: me??! دانه: لا اليني اللي يمبك اكيد انت.. طلال"يبتسم": رايح ألعب رياضه.."التفت صوب لمى"..هلا لمى سوري توني انتبه.. لمى: لاعادي.. شلونك؟؟! طلال: انا؟؟! لمى: اقول بلا استهبال.. طلال:ههههه..لوني..لون المنتخب ازرق.. لمى: دنوي شيلي اخوج عني ولا بييه على راسه طراق.. دانه: you can go out now.. طلال: ادري ..اطلع بكرامتي احسن لي ..مع السلامه.. دانه و لمى: مع السلامه.. -------------------------------------- كان خايف من تهور بنته اهو يعرفها عدل وان راسها يابس لكن...لا والف لا يااهو ياهي ابو زياد"بقلق": يا ربي وين راحت هالبنت .....مينونه هاي تبي تفشلني؟؟!سحــر سحـــــــر.. سحر: نعم.. بو زياد: وين اختج..؟! سحر: مادري.. بوزياد"بصراخ": شنو ماتدرين وهي معاج في نفس الحجره ؟؟! قوليلي؟؟! سحر: والله مادري..انا اتذكر اني شفتها الساعه.....امممم..الساعه.. بو زياد: بسرعه خلصيني.. سحر: ايه تذكرت الساعه..ست ونص الصبح..وقالت انها بتروح ..بس.. بو زياد: آخ بس منها..انا اواريها بنت امها..ناويه تشرد.. سحر: لا لا اهي قالت انها ...شنو ياربي...ايه انها بتتاخر وايد فلا تخافون.. بو زياد:شلون بتتاخر وايد هذا يوم ملجتها ..الدنيا اظلمت وهي مايت..متى ايل بتيي؟؟! سحر"تهز كتوفها":مادري .. بو زياد"بصراخ": شنو ماتدرين اكيد متفقه وياها..صح ؟؟! سحر:حرام عليك انا مالي خص.. بوزياد"وهو ماسك شعرها": انا براويج انت وياها..واحب انج تقولين لها ياانا ياهي..واني بييبها لو من المريخ فاهمه؟؟! سحر"ماسكه بايدها شعرها وتحاول تفك ايد ابوها": اااااه..بتجلع شعري.. بو زياد: فاهمه ولا لأ؟؟! سحر: فاهمه صدقني فاهمه بس فج شعري.. "وفج شعرها وراح لولده زياد" ======== زياد: اقول تصدقين انييييييييي.."شاف ابوه ياي"... اقول مها يالله باي تذكرت وراي شغل.."وصكر في ويهها وياب كتاب وسوى نفسه يدرس" بو زياد:الله بالخير.."بحنان"..حبيبي زياد ممكن شوي من وقتك؟؟! زياد: حياك.. بو زياد:بجديه": شف اليوم يواز لمى صح؟؟! زياد"باستغراب": صح.. ليش تسأل؟؟! بو زياد: اهني مربط الفرس.. الله يسلمك لمى شاردة..ما تبي تتيوز .. فكر معي كيف بنيوزها حتى لو كانت مب.."يقطعه رنين موبايله"..دقيقه زياد.. بو زياد: السلام عليكم ..هلا والله بالنسيب هلا بابو جاسم.. بو جاسم"بابتسامه": وعليكم السلام .. بو زياد: خير ان شاء الله.. بو جاسم: كل الخير ..بس حبيت اقول ان ام جاسم ماراح تيي.. بو زياد: ليش؟! ليكون عشان مب راضيه على الي يصير..؟! بو جاسم:لا لا رحت بعيد..هي بس تعبانه ومب يايه عشان الطبيب نصحها بعدم الخروج.. بو زياد: اهااا الله يشفيها.. بوجاسم: آمين..توصي على شي..؟! بو زياد(في خاطره تونا على الطلبات):..لاسلامتك.. بو جاسم: الله يسلمك يالله مع السلامه.. بو زياد: مع السلامه.. ====== بو زياد يكلم زياد:وهذي نقطه لصالحنا.. زياد: شنهي؟؟! بو زياد: ام جاسم مب يايه..واهو لا عنده لا عمات ولا خالات يعني حريم مافي يعني نوفر جم دينار.. زياد"بخبث": لا قصدك ان العرس بيتم بدون محد يدري باختفاء العروس.. بو زياد: شلون..؟! زياد: نزور.. بو زياد: كيف؟! وضح اكثر.. زياد: انا اقول لك..اللحين احنا كم عندنا من بنت غير لمى مب متيوزه؟! بوزياد: سحر و سهر ويارا..ليش تسأل..؟! زياد: اوكي انت قلت لحد عن الملجه..؟! بو زياد: ايه قلت لام يعقوب و ام سعيد وبعض الاصدقاء.. زياد: ناديت حد للملجه؟؟! بو زياد : لا انا مابي زيادة مصاريف حتى خواتها ماناديتهم.. زياد: يعني ريناد و لمياء مب يايين.. بو زياد: ايه ولو ييون انا بطلعهم.. زياد: زين زين .. بو زياد: شلون والعروس مب يايه؟؟! زياد: اهم شي ان المعرس بيي .. بو زياد: يعني نيوزه وحده من خواتك.. زياد:لا لا انا اقصد انخلي سحر تزور توقيع لمى.. بو زياد: والملاج..؟! "بتفكير"..اكيد سحر بترتبك و بترفض توقع وانا بغصبها وبجذي ننكشف قدام الملاج.. زياد: بنتنا تستحي وما تكشف ويها لغريب .. بو زياد: طيب و جاسم يعرف شكلها "يتنهد" مشكله .. زياد: لا لا كل مشكله ولها حل.. بو زياد: كيف تراك حيرتني..؟! زياد: هذا اذا سأل جاسم لان شكله مب موافق على اليواز.. بو زياد: انا مايهمني وافق ولا لأ انا يهمني الحل .. زياد: البنت تستحي..مايهزناها..ماتوقعنا ان جاسم بيشوفها..زي جذي.. بو زياد: ومنو بيلبسها الشبكه؟؟! زياد: محد اهي بس بتاخذها.. بو زياد: طيب ان ما يت لمى اهني مره ثانيه..؟! زياد:ما اظن اهي تسوي كل هذا عشان تمنع الملجه.. بو زياد:ومتى اليواز؟؟! زياد:بعد الملجه بشهر..وتيهزون للمى وكأنها هني.. بو زياد: بس الناس بيستغربون و بقولون وين بنتك..مالها شوفه.. زياد: احنا ماقلنا تستحي..تستحي ياناس.. بو زياد: صج ذكي.. زياد: هذا بعضاً مما لديكم سيدي.. بو زياد:يالله اخليك تذاكر مب معطلك.. "وراح و زياد دق حق وحده من رفيجاته" -------------------------------------------------- "كانت دانه يالسه تمشط شعرها على كرسي التواليت..ولمى يالسه على السرير" دانه: لمى انت شلون اعصابج هاديه ولا كأنج خلفتي وراج زوبعه؟؟! لمى"بابتسامه": سر المهنه.. دانه: لاعاد صج.. لمى:"تنهدت" تصدقين ما صار يهمني شي غير مستقبلي.. دانه: بس مب تفكيرج غلط.. لمى: ادري فيه انانيه..لكن في هالزمن محد يفكر بغيره.. دانه: الله الي يشوف كلامج يقول ذي من عصر هارون الرشيد.. لمى:هههههههههه..لا بس صج مب معاي؟؟!.. دانه:الا بس.. "وقامت ويلست عدالها"..مب كل الناس انانيين.. لمى: عندج.. دانه: طيب نفرض ان الناس كلهم انانيين تصيرين زيهم..؟! لمى: انا ايه.. دانه: حيرتني واحترت..وشي نواياك***كل مانسيتك جيت تعلن خضوعك عجزت لفهم بالهوى كيف مبداك ***طبعك غريب ونادر الناس نوعك لمى: اللـــه حلو.."بمكر"..بس من تقصدين؟؟! دانه: اقصدج.. لمى: مب لحالي اكيد فيه حد غيري.. دانه: لا انت الاول ولالاخير..انت تحبين؟!"وغمزت لها" لمى: الله لا يقوله.. دانه:"تنهدت" خلينا من الحب..الا انت وين قررتي تيلسين؟!.. لمى: اليوم بنوم عندج مثل ما اتفقنا وباجر بروح لفندق الـ..."قاطعتها" دانه: شلون تقعدين في فندق بروحج؟؟! لمى"بابتسامه استهزاء": مثل خلق الله.. دانه: وغلاتي عندج يلسي عندي لا تروحين للفندق.. لمى: اول شي الي قلتيه شرك اصغر انتبهي.. دانه"باستغراب": عشاني ترجيتج اشركت؟؟! لمى: لا لا لا اقصد..وغلاتج عندي ماييوز تحلفين بغير الله يعتبر شرك .. دانه: فهمت ..استغفر الله..استغفر الله..المهم"بلهجه آمره"...انتي.."وتاشر عليها" بتيليسين عندي في بيتنا... لمى:ههههههه الله يالعسكريه.. دانه:شفتي اني كشخــــه "وطلعت طقم اسنانها" لمى:شي والله.. دانه"بجديه":لا صدق ما امزح يلسي عندنا.. لمى: وامج واخوانج..؟! دانه: اللي يشوفج يقول اخواني في اليامعه..مايدري ان اكبرهم بالثانويه العامه.. لمى: وامج؟؟! دانه: قلت لها عنج مع انها عتبانه عليج لكن قالت البنت ما تطلع من عندنا الا لبيت ابوها.. بتنام عندنا لين الله يريد براحتها .. لمى: لا انا بثجل عليكم جذي.. دانه: لاعادي حتى تعالي نروح عندها.. لمى: لا لا استحي.. دانه: من وين يايه الشمس اليوم لموي تستحي ما صدق.. لمى: بلا سخافه.. دانه: اوكي بس يالله قومي معي .. لمى: اوكي..بس امج يمكن في الشغل..؟! دانه:لا اكيد ارجعت يالله بسرعه .. " طلعوا و راحت دانه عند باب امها و ضربت الباب بخفه" دانه و لمى: السلام عليكم.. ام طلال: وعليكم السلام..اي خدمه؟؟! دانه: ايه واحد كفي و ثنين ساندويش.. ام طلال : هههه دنوي عقلي.. دانه"واهي تدخل الغرفه وماسكه لمى":اندري عنج احنا داخلين غرفتج ما دخلنا مطعم..وياين نقول موضوع"وناظرت لمى" لمى: في الحقيقه خالتي انا كنت بقول ان ..اااا..ان .."قاطعتها" دانه"بتسرع": انها بتيلس عندنا واتخذت قرارها خلاص.."ناظرتها لمى بقهر" ام طلال: هذي الساعه المباركه يابنتي.. لمى"مفتشله": انا ماكنت اقصد جذي خالتي كنت اقصد.."قاطعتها" ام طلال : انا عارفه القصه كلها يا لمى دانه بنتي الوحيده وتقول لي كل شي.. دانه: هييييييييه يعني بتيليسين عندنا ماعندج عذر.. لمى: لا جذي بثجل عليكم يمكن اقعد حوالي اسبوع.. ام طلال: بالعكس دانه من زمان تشتكي ان ماعندها خوات ويابج ربي لها.. دانه: يالله مع السلامه قبل ماتغير رايها.. "بعد ما طلعوا" لمى: زين جذي فشلتيني..افففففففف.. دانه"متجاهله كلامها": انا مااصدق ان بنت بتيلس معاي في البيت..واااااااااااو.. لمى:ترى في بيتنا تصفيات جان تبين لج وحده..هههههههه دانه:لا انا ابيج انتي مب حد غيرج.. لمى: انا محجوزه لتعيس الحظ جويسم دوري وحده غيري.. دانه: لا لا انت الناس مايسوانج عالي مستواج.. لمى: احم..احم.. دانه:عاد مب تخقين.. لمى: انا حره.. دانه: تراج ذبحتينا بهالحريه..تراج بالكويت مب في امريكا.. لمى: هههه هاي معلومه قديمه .. دانه: فذكر فان الذكرى تنفع المؤمنين.. ------------------------------------------------- جاسم قاعد يبخر نفسه بملل وحاس انه بيختنق من هالبخور جاسم: اففففففففف يعني لازم اعرس..اف..يمــا يمــا شنو هالبخور كتمني.. ام جاسم "من بعيد": احسن عن ريحة الزقاير اللي تشربها.. جاسم: طيب تعالي بخريني ..ما اعرف.. ام جاسم: جاسم تراك ريال مب ياهل ..وبعدين يكتمني البخور.. جاسم: خلاص خلصنا..مابي خدمات حد.."ويناظر امه" ام جاسم: طق راسك في الطوفه.."تكلم نفسها"هذي اخرت الدلال يام جاسم.. "ياها جاسم وحب راسها" جاسم: زعلتي ..صدقيني ما اقصد.. ام جاسم: الله يهديك بس.."تنهدت" جاسم: شوفي عاد بتصيرين زعلانه ترى ما اتيوز.. ام جاسم: لا مب زعلانه..تبيها من الله انت عشان تلغي هاليواز.. بو جاسم طلع من المصعد : يالله ياولديه خلصت؟؟! جاسم: ايه .. بو جاسم: يالله توكلنا.."وراح" "ام جاسم تحظن ولدها و تدمع عيونها":ياللـه يا جاسم اخيراً بشوفك معرس كان ودي اروح معاك.."تنهدت" جاسم: ترى عندي استعداد اغير وقت الملجه.. "ام جاسم وخرت راسها عن صدر ولدها":اقول رح بسرعه.. جاسم: زعلتي؟!.. ام جاسم: لا بس بسرعه عن تتأخرون.. جاسم: يالله مع السلامه.. ام جاسم: فمان الكريم.. ------------------------ ..بو زياد و زياد و سحر في الصاله.. بو زياد: سحـــر زهبتي الفواله؟؟! سحر:ايه.. بو زياد: الميلس؟؟! سحر:نظفته.. بو زياد: زين زين.. سحر: الا يبه شلون بتملجون ولمى مب موجوده؟؟!"ما تدري عن تخطيطهم" بو زياد: مب شغلج..يالله روحي لغرفتج لين اناديج.."راحت" "رن الجرس" بو زياد: زياد يبا قم بطل الباب.. و انا بروح للميلس بسرعه.. فتح لهم الباب ووداهم للميلس..فوالهم وهم يسولفون عن مواضيع شتى ومنها الخطوبه..كان زياد مثل الطوفه ويالس بملل..وزياد يالس يرسل مسجات لرفيجاته لانه مايقدر يكلمهم اليوم .. ############# بعد ما ياى الملاج ويوم ياى جاسم يوقع على العقد..صاريفكر و يقول في سره صدق انج مسكينه يا لمى ترحمي على روحج...)"ووقع" اللحين ياى دور العروس ..شل الدفتر بو زياد وراح لحجرة سحر.. بو زياد: سحر.. سحر: نعم.. بو زياد"بلهجه آمره وجافه": وقعي على الدفتر.. سحر: انا.. بو زياد"بعصبيه": لا اليني ايه انتي .. سحر"بغير تصديق":انا اللي بتيوز مب لمى"وتهز راسها".. بو زياد:لا لمى اللي بتيوز وانتي اللي بتوقعين.. سحر:....."ماتحركت" بو زياد"بصراخ": تسمعني؟؟!.. سحر:مابي مب موقعه..لمى ماكانت تبي تتيوز.. بوزياد"مسكها مع ايدها ولواها":ومين اللي سمح لج تتكلمين باسمها؟؟!.. ******** وعلى الصوب الثاني من البيت.. جاسم كان يالس وياى ابوه ينتظرون بو زياد..وزياد الى الان يرسل .. المليج"يكلم زياد": لو سمحت اخوي ما كأن الوالد تاخر شوي.. زياد:هاه.."استوعب" اوكي دقيقه واناديه.. بو جاسم: ايه وهو الصاج ..قوم ياولديه شوف شنو صار.. جاسم في سره ياليتها ترفض..ان شاء الله افتك من همها) ******** زياد وصل للغرفه ولقى ابوه يضرب سحر.. زياد"بغير اهتمام": يالله يبا اخلص الملاج يبغى دفتره.. بو زياد:طيب.."يكلم سحر" عساج اقتنعتي.. سحر:"تدمع اعيونها"... بو زياد"وهو يهزها":وقعي يالله خلصيني.. "سحر وقعت ..وبكل استسلام لانها ماقدرت تقاوم اكثر واهي من النوع الضعيف اللي يستسلم بسرعه" --------------------------- راح المليج واتفق بو زياد و وجاسم على موعد اليواز وعطاه بو جاسم "غير المهر" شيك وكتبه باسم لمى و شيك ثاني باسم بو زياد .. و عطى الشبكه لبوزياد بو جاسم"يساسر جاسم": ولدي تبي تشوف العروس؟! جاسم:لاحقين يبا شنو فيك مستعيل كنك المعرس هههه.. بوجاسم:بكيفك..بس صدقني بتنبسط في اليواز.. جاسم:اذا اخذت حد من مستواي مب مثل هذولا على قد حالهم.. بو جاسم: اقول اذكر الله .. بعدين عندهم شركه.. جاسم: شركتهم طايحه بو زياد"وهو فرحان بنجاح مخططه": حياكم الله على العشى.. "قاموا " --------------------------- سهر و ياى يارا في غرفتهم.. يارا: تتوقعين ان لمى بتوافق.. سهر: وشلون توافق واهي مب موجوده؟؟!.. يارا: صح نسيت...بس دقيقه شلون ييوزونها واهي مب موجوده؟؟! سهر: هذا اللي افكر فيه.. يارا:اخيراً صار لنا دور في هالقصه.. سهر:شنو؟؟! يارا: ولا شي..ولا شي.. سهر:وين التليفون بدق على لمياء ؟؟! يارا:اكيد في الصاله.. "راحت سهر ويابت التليفون لغرفتها ودقت على بيت ام سعيد" **** سهر: الو.. طارق:هلا.. سهر:مين معي؟؟! طارق:مين اللي داق اول؟؟! سهر:انا .. طارق:ايل انا اللي من حقي اسأل..من انتي؟؟! سهر: انا سهر..لمياء موجوده؟؟! طارق:اهلن تشرفنا اخت سهر..بعدين ليش ما قلتي جذي من الاول وقعدتي تتليقفين؟؟! سهر:حبيت اتأكد.. طارق"يتطنز ويقلدها":حبيت اتأكد..فيه حد ما يعرف صوت ولد خالته؟؟! سهر:ايه.. طارق:مين؟! سهر: انا..بعدين تراك طولتها وهي قصيره عطني لمياء.. طارق:لا.. سهر:طويرق بلا سخافه.. طارق:لا..بعدين مب اصغر اعيالج تناديني طويرق واختج عندها تلفون دقي عليه.. سهر:"شهقت" ..ما قلت لي انا اراويها..كم رقمها؟؟! طارق:نفس رقم البيت بس اخر رقم 3 سهر:اوكي باي.. طارق:باي.. **** يارا:شصار؟؟! سهر:الحيوانه ما قالت لي انها فتحت خط..بس انا اراويها.. "دقت عليها" لمياء:الوو.. سهر:شلون تفتحين خط ولا تقولين لي؟ٍ؟! لمياء:بسم الله من عطاج الرقم؟؟! سهر:طارق.. لمياء:هدي نفسج توني فاتحه امس.. سهر:اشواا.. لمياء: شتبين داقه علي؟؟!. سهر:انت تدرين ان اليوم ملجة لمى ليش مايتي.. لمياء"بحزن": تعرفين ابوي ماطاع وقال لي ولريناد ان يتوا بطردكم تخيلي اب زي جذي.. سهر:مايحتاي اتخيل انا عايشه معاه في نفس البيت.. لمياء:الا قوليلي شنو نفسية لمى زعلانه ولا عادي؟؟! سهر:انتي ماتدرين؟؟! لمياء: لا..شنو.. سهر:لمى طلعت من البيت الصبح ولا يت.. لمياء: شنووووووووووووووو ؟!شلون ايل اليوم ملجتها والريايل ياين؟؟! سهر:هذا اللي افكر فيه..حتى ابوي مادق عليها ولاسأل وينها لانه متاكد من اللي يسويه.. لمياء:انا يبيني محمد اذا عرفتي أي معلومات يديده قولي لي وانا بقول لريناد اوكي؟! سهر:اوكي.. -------------------- طلع اليوم الثاني وسحر مانامت وكانت تبجي و اتلوم نفسها على التزوير وعلى شخصيتها الضعيفه .. وقالت لازم تخبرها..وراحت وصحت يارا من النوم لانها اقرب وحده للمى مع انها في غرفه ثانيه.. يارا"وهي نعسانه وتحك راسها":هااااااااه..شنو تبين..ليش تبجين؟؟!.. سحر:يارا قومي ابيج.. يارا:ليه؟؟! سحر:شنو ليه يالله قومي ولي عافيج.. يارا:"قامت وغسلت ويهها..وطلعوا لصاله" يارا:جم الساعه؟؟! سحر:11 يارا:هذا وقت تقوميني فيه الله يهداج واحنا في يوم اليمعه.."انتبهت" ليش تبجين؟؟! سحر"مسحت دموعها": بعدين اقولج بس انا ابي موبيلات رفيجات لمى اكيد وحده منهم تعرف وين هي فيه.. يارا:طيب دقي على موبايلها.. سحر:دقيت مغلق.. يارا:انا ما اعرف موبيلات بس مره اهي ودتني لبيت رفيجتها دانه وقالت ان هاي كاتمت اسرارها وانها تعرف كل شي عنها.. سحر:طيب تدلين الدرب؟؟! يارا: ايه .. سحر:زين .."ومسكت التليفون" يارا:من بدقين عليه؟؟! سحر:بدق على لمياء ترسل الدريول.. يارا:اها.. **** سحر:الو.. طارق:هلا..معج السنترال أي خدمه.. سحر:طارق مب متفيجه لك عطني لمياء.. طارق:انتي محد قال لج ان اختج عندها خط؟؟! سحر:لا ..كم رقمها..؟ طارق:يارا تعرفه.. سحر:انزين شكراً باي.. طارق: لحظه لحظه لاتصكرين .. سحر:نعم.. طارق: يمكن لمياء نايمه انتي شنو تبين منها؟؟! سحر: الدريول.. طارق: اوكي ..برسله..باي سحر:باي.. **** يارا: هاه شنو صار؟؟! سحر:طارق بيرسله.. يارا:طارق؟؟! سحر:ايه.. يارا:ليش مادقيتي على خط لمياء..؟! سحر:لاني ماعرفه.. "قعدوا خمس دقايق وياى بو زياد" بو زياد" شاف الحجاب على كتف سحر":على وين؟؟! سحر:بروح لل..لل..للبيت عمتي ام يعقوب.. بو زياد: مع اني ماريد بس اعتبر هذا مكافأه على اللي سويتيه امس.. "سحر لا ارادياً نزلت دموعها..وراحت هي وياى يارا يوم سمعوا صوت الجرس.." بو زياد "شافهم بلا اهتمام وراح يقوم سهر تزهب له فطور" ================== # ياترى شنو بيصير مع ابطال قصتنا؟؟! </B></I>
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض المتطور
