ياشوق ماودك تقهويني

البارحه ماغمضت عيني
والنوم ماجاني ولاجيته
سريت ادور وينه ويني
اللي سحرني يوم حبيته
مدري بصراحه وين موديني
اللي خذاني يوم لاقيته
كلي لعين اللي معنيني
لو ما تعنالي تعنيته
والحب بيّن له عناويني
بّين على من حّب واغليته
اللي كتبت له دواوويني
واصبح بعنواني وسميته
ياللي غلاه معلقن فيني
وانا بغلاته ماتعديته
دايم على وده يناديني
وانا على ودي تمنيته
ياشوق ماودك تقهويني
فنجال مبطي ماتقهويته
تعال عيش الحب أحييني
اللي بغرامك ميت وأحييته
طيفك معي دايم مخاويني
وانا مع الاشواق خاويته
على كثر ماتيه ياتيني
لو ماتبطاني تباطيته
هو أولي وأخر اسنيني
لو انتهى بالعمر مانهيته
الحب سيفن له حّديني
بصدك ذبحت الجوف ذكيته
ليتك ولو مره تحاكيني
وتسمع كلامي لاتحاكيته
ياللي عشقتك لاتخليني
لوكان جرحي منك وأدميته
أبيك لو تسمع وتوحيني
ياللي بليت القلب واشقيته
غنيت لك مسحوب وهجيني
وغنيتلك لك موال وشليته

ممااا رااق لي