شعري سلامة خاطرك والاحاسيـس

شعري سلامة خاطرك والاحاسيـس
وشفيك طالت غفوتك صار كم يـوم

قم لاعدمتك عـوذ بالله مـن ابليـس
فيض المشاعر ماصحى بك من النوم؟

نزفي أردّه عـن بيـاض القراطيـس
ممزوج بين الشوك وازهار يشمـوم

خلطة مشاعر دون فـرز ومقاييـس
لو تندفق في صفحتي صارت عْلـوم

عطني بولّع مـن جديـدك فوانيـس
وابدع جديد القاف والقصـد مفهـوم

عطني بفصّل فاخرالحـرف واقيـس
من خاطري ماهوب ملبوس واهـدوم

لاجتني العطلـه تثيـر الهواجيـس
ويثور حزنٍ بيـن الاضـلاع مـردوم

ماعاد أبي شيلـه ولابـي مراويـس
ودي بجـوٍّ بيـن وديـان وارجـوم

بعيد عن بعض العرب والجواسيـس
واكتب على ماجاز لي وابعد الحـوم

واجـر مـوالٍ يثيـر الاحاسـيـس
تصحى عليه الصم والبكـم وتقـوم



راق لي فنقلته لكم

يسلمو عالطرح الرائع

وربي مايحرمنا من تواجدك وجديدك الراقي

وننتظر ابداعك

الله يسلمك على المرور العطر


اشكرك اختي

لاهنت اخوي

وصح لسانك ولسان شاعرها

أبداع يتلوه أبداع يالغلا
لذائقتك الشعرية روووعه
تمتعنا بالجمال تجعلنا نترقب جديدك دوما
دمت كما تحب

ودي

بسمة ألــم

الله يسلمك على مرورك وتعليق

راقني حضورك اختي


اشكرك

من متابعيك وسآكون كذلك باذن الله
قد لا أوفيك حقك بالرد
فأتمنى قبوله

يعطيك العافيه

دووم هالتميز ماشاء الله عليك
ربي يحفظك

يعطيك الف عافيه

الله يسلمكم على المرور


اشكركم