لوتضيق الأرض فينا من بعض مايوم ضقنا.

أختلفنا في كثير اشْياء !! ... لكنّا اتْفقْنا !!
أنّك آنا .. وانّي انْتي .. وانّي ارْوي بك ظماي

.. : ..

أختلفنا كيف نعشق .. ألتقينا وافْترقنا !
من تركْتيني بدونك .. لين صفّيتي معاي

.. : ..

لو تضيق الأرْض فينا من بعض ما يوم ضقنا
.. يا وسع صدرك وصدري .. من غلاك وْ من غلاي

.. : ..

أعتقيني من بعادك .. مذهب الحبّ اعْتنقنا
.. لا تسمّيني عذابك .. يوم اوصّف بك هناي

.. : ..

أختلفنا بالخطايا .. كم كذبنا وْ كم صدقنا
واتّفقنا انّك ادْرى في وفاك وْ في خطاي !

.. : ..

مُنطلق شاعر جميل ارْضى غرورك وانْطلقنا
ولانّك اكْبر من قصيدي ما دريتي عن فضاي

.. : ..

كم بدت لي منْك فكره يوم غبنا واحْترقنا !
وكم بدالي فيك وصْف وْ شبّهوه ابْعزْف ناي

.. : ..

شاعرك شاعر حزن ما جرّ صوت إلا خنقنا
ما كتبْت الشعْر إلا لاجْل ادوّر به دواي !

.. : ..

خلّنا .. ياااما اتّفقنا .. واخْتلفنا .. واتّفقنا !
المهمْ لا تزْعليني وانْتي ادْرى في رضاي !


م/ن