قصيدة: من لا تدارك وقته

. <{ من لا تدارك وقته }> .
احترت بين القمر والشمس
اليوم الأحد واحسبه أمس
ونجمة تحمس البن حمس
هيا كمل نصابك نبي الغلام

بس عطنا وصف اللي تبيها
نسأل عن طيب أمها و أبيها
تبي كاشفة وإلا لابسة عبيها
طب و تخير و تعداك الملام

حيوا شعر جاء على أصوله
يهز المشاعر عرضه و طوله
صادق الوصف من الرجوله
في الحقيقة وإلا فالأحلام

ألا يا لابس الشال والطرحة
لا لا تكسر في قلبي الفرحة
ومثلك لمثلي يداوي جرحه
وإلي مريت ابتدي بالسلام

قمر السماء لمر كل يشوفه
وقمر قلبي ابدالي محلوفه
مايشوفه إلا الله ثم ولوفه
يستغفرالله عن ردي الكلام

آه لمن سار سار قلبي وراه
وراميه بعينه الموت اعتراه
ويكره الكذب واللي افتراه
وطارق باب الهوى ما يلام

من لا تدارك وقته ما يرده
يرى نفسه وكل شي ضده
سودان الوجيه للشر تحده
غادي نهاره مثل ليله ظلام

إذا زارع الشوق سقي زرعه
تخضر أوراقه ويشتد فرعه
تحلو ثماره بها احلى جرعه
تبقى لها رسمة باحلى علام
الشاعر/ حمد بن فهد المخالده السبيعي