تـلـويـحـة حـنـيـن ..

.










*







*



يا غايتي والليل تلويحة حنين
مدي يدينك تمطر الدنياء ولـه


اتنفسي عطر الغلا من كل عين
تلقي بعيوني لك غلا ما أجمله


اشتقت اغني لك وانتي تسمعين
من الشعر و الشعر انتي اجزله


تزهر على صدر القوافي ياسمين
لا مـر أسمـك تبتسم لك سُنبله


اعشوشب إحساسي على غيمك سنين
وغنيت بـ أنفاسي لقلبك ( مذهله )


يا جنتي في الأرض يا أجمل queen
يا ثامن اعجوبه و اكبر منزله


يا مترفه
يا مرهفه
يا اكسجين
يا كل قلبك و الغلا ما يجهله


أحلى من شعور اللقاء بـ الغائبين
و اعذب من مزون السحاب الوابله


كل ما اموتك ودي اموتك اقين
من يوم أول و السنين المقبله


انتي في عمري كل ناس العالمين
يا عهد قلبك لي ولا هو يخذله


اتبسمي ويموت في صدري حزين
بسمتك عن كل همٍ تقتله


سوالفك عقداً بها لولو و لجين
عشقي لها وانتي معي مسترسله


الفآتن اللي يهاب منها الحاضرين
هي محور الكون البهي بـ أكمله


والله يانا افقدك في كل حين
و اشتاق لك واقع ولا هو اخيله


ما قلت لك وانتي يا سيد العارفين
شاعرك ما كل شخص يأوله


شاعرك ضاقوا به المستشعرين
يبطون والله ولا يلاقوا ساحله


أبعد من التخمين لحدود اليقين
و أسمى من أوصافهم و الأمثله


" ما ودي أجهل فوق جهل الجاهلين "
قادر على اللي لو تمادى اعزله


يا قبلة أشعاري و بوحي الثمين
لعيونك الثنتين شعري اغزله


شوفتك دوبامين بـ دوبامين
يا عايشه فيني وبي متأصله


في كل أوصافك وزينك تبهرين
وهذي العيون اللي من الله مكحله


الله خلق والله فرق عن كل زين
وانتي الإجابة لو غديت الأسئله


انتي الحياه اللي مع قربك تزين
وكل الجهات تشير لك في البوصله








لـ الوله .